1.Tamuera 12:19 - Te B'aib'ara

¹⁹ Ao a taku nakon Tamuera, “Taiaoka ma tataro i bukira nakon te UEA ae Atuam. Ti aki kan mate. A m'aiti ara bure nako Ina n taai aika nako, ao ti bon rangi ni bure naba ngke ti a manga tangira te uea.”

1.Tamuera 12:19 ပူးပေါင်းရင်းမြစ်များ

Karikani B'aai 20:7

Ma ngkai, ko na kaoka te aine anne nakon buuna. Bon te burabeti teuarei, ao boni ngaia ae na tataro i bukim b'a ko na aki mate. Ma ngkana ko aki kaokia, ao I kauringko ngkai b'a ko na bon mate ma am aomata ni kabane.”

Iobi 37:13

E kanakoa te karau te Atua n teboka te aonnaba. N tabetai ao E kanakoa i bukin katuaaia aomata, ao n tabetai E kanakoa ni kakab'aiaia aomata.

Iobi 42:8

Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

Te Otinako 10:17

Kam na kab'araa riki au bure te kabanea n tai ao tataro b'a E na uota nako te karekekai ae rawata te aba iai aei mai rou.”

Te Otinako 32:30

N te bong are i mwiina, e tuangiia aomata Moote ni kaangai, “Kam a tia ni karaoa te bure ae moan te kakamaaku. Ma N na nako ni kawara te UEA ni kakaaea te anga ae na konaa ni kab'araaki ami bure iai mai i roumi.”

Te Otinako 9:28

Tataro nakon ami UEA! Ani katoka te baa ma te karau te aiti aei! I berita b'a N na kanakoingkami; kam na aki manga tiku riki ikai.”

Itaia 26:16

Ngkana ko katuaaia ara aomata, ao a rairaki man tataro nakoim, ara UEA.

Ieremia 15:1

E taku te UEA nako iu: Ngkana arona b'a a mena ikai Moote ma Tamuera, ma n tataro i bukimi, ao N na bon aki bita naba nanou. Ma ngaia are, N na kanako ia kaain Iuta.

Ieremia 27:18

Ngke tao arona b'a I a tia n taetae nako ia burabeti aikai, ao a na ataa te b'ai ae N nang karaoia. Ao a na buubutiai b'a N na aki kariaia b'a a na anaaki b'aai ni kabane man te Tembora ao ana bareti te uea ao b'ain Ierutarem ni kabane.

Ieremia 37:3

Ao Tetekia e kanakoa Ieukara are natin Teremia te mm'aane ao te ibonga ae e rietaata are Teb'ania are natin Maateia te mm'aane b'a a na buubutiai b'a N na tataro i bukina ma te botannaomata nakon te UEA ae Atuara.

Ieremia 42:2

ao a taku, “Ti butiiko b'a ko na tataro i bukira nakon te UEA ae Atuam. A rangi ni m'aiti ngkoa kaain Iuta, ma n aron ae ko konaa n nooria ngkai ai ti tabeman ngkai nikirara.

Maraki 1:9

Bon te UEA Ngai ae Moan te M'aaka, ma ngaia ae kam riai ni karaoa ae N na kukurei iai. Kam a tia ni bure. Ao ngkai kam na nooria ngkana arona b'a tao N na akoa temanna mai roumi.

Warekaia Iteraera 21:7

Ao a nakon Moote tabeman aomata, ao a taku, “E boni bure arora ngke ti ekiko nako ma te UEA. Ma ti a butiiko b'a ko na bubutiia b'a E na kanakoia naeta aikai.” Ao e tataro Moote,

M'akuri 8:24

Ao e kaeka Timon ni kaangai, “Tataro nakon te UEA i buku, b'a e na aki riki nako iu te b'ai teuana ni baikana kam atong.”

Iakobo 5:15

Ao ane e na kamaiua te aoraki te tataro n onimaki; E na kaokaki marurungina nakoina iroun te Uea, ao a na kab'araki ana bure ngkana e a tia ni bure.

1.Ioane 5:16

Ngkana e nora tarina te aomata b'a e karaoa te bure ae e na aki mate iai, ao e na tataro i bukina, ao te Atua E na angan teuare e bure te maiu. E a kaeti aei nakoia ake a bure n te bure ae a na aki mate iai. Bon iai te bure ae e mate te aba iai: I aki taku b'a e na tataro i bukin aei.

1.Tamuera 12:13

Kam bubuti karekean ami uea, ao kam rinea temanna. Ao ngkai e tei i rarikira ao kam boni bane n nooria. Ma bon te UEA ae rineia b'a ami uea.

1.Tamuera 12:17

Tiaki aei ngkoa tain te m'auteretere? N na bubutiia te UEA b'a E na karokoa te karau ma te baa. Ngkana kam nooria, ao kam na ataia b'a kam a tia ni bure ngke kam tangira te uea.

1.Tamuera 12:20

Ao e taku Tamuera: E ngae ngke kam a tia ni karaoa te bure ma kam na aki maaku. Ma kam na ti iriira nanon te UEA n taai nako ao kam na taromauriia ma nanomi ni kabane.

1.Tamuera 12:23

Ngkana I katoka au tataro i bukimi, ao I aki ongotaeka iai nakon te UEA! N na reireiningkami n taai nako aromi ni maiuakina te raoiroi.

1.Tamuera 7:5

Ao e taku Tamuera, “Tuangiia Iteraera ni kabane b'a a na bootaki ni kabowi i Mitib'a, ao N na tataro nakon te UEA i bukimi.”

1.Tamuera 7:8

Ao a taku nakon Tamuera, “Tai katoka am tataro; bubutiia te Atua b'a E na kamaiura!”

1.Tamuera 8:6

Ao e b'ara nanon Tamuera ngke e ongo aia taeka taani kairiiri b'a a tangira te uea, ma ngaia are, e tataro i bukin arei.