1.Tamuera 12:12 - Te B'aib'ara

¹² Ao kam nooria b'a e nang buakaningkami uean Ammon are Naati. E ngae ngke bon ami UEA ae te Atua ae ami uea, ma kam taku nako iu, “N te tai aei ao e kaokoro, ao ti a tangira te uea ae na tautaekaniira!”

1.Tamuera 12:12 ပူးပေါင်းရင်းမြစ်များ

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Taian Areru 74:12

Ma Ngkoe, te Atua, bon ara Uea ma ngkoangkoa; A m'aiti am Tai ni kamaiura.

Itaia 33:22

Bon ara tia Moti ara UEA ao ara tia tautaeka; bon ara king ara UEA ara E na bon kamaiura.

Ieremia 40:11

I nanon te tai anne, a bane n ongo Iteraera ake a mena i Moaba, Ammon, Etom, ao n aaba ake tabeua ae e a tia uean B'aburon ni kariaia tabeman Iteraera b'a a na tiku i Iuta ao e karika Ketaria b'a aia tia tautaeka.

Otea 13:10

Kam tangira te uea ao te tia tautaeka. A angaa ngkai ami uea? Kaawa raa aika iai taan tautaeka iai?

Warekaia Iteraera 23:21

Bon te UEA ae te Atua aia Uea Iteraera. E maeka ma ngaiia ikekei, ao E aki kona ni karaoa te b'ai teuana ae buakaka nakoia.

Tani Motiki-taeka 8:23

Ao e taku Kiteon, I aki, I aki kan riki b'a te uea, ao a na aki riki naba b'a uea natiu. B'a bon ti te UEA ami tia tautaeka.

1.Tamuera 10:19

E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.

1.Tamuera 8:3

Ma a bon aki katotonga tamaia. Bon aomata ngaiia aika buakaka ao a kariaia te kamaraato i bukin te anga taian iango aika aki raoiroi.