1.Tamuera 12:11 - Te B'aib'ara

¹¹ Ao E kanakoa Kiteon te UEA, Betan, Iebeta, ao Tamuera b'a a na kamaiungkami mairouia ami kairiribai, ao kam aki raraomaeakina buakanakimi.

1.Tamuera 12:11 ပူးပေါင်းရင်းမြစ်များ

2.Uea 13:5

ao e kanakoa te tia kairiiri nakon Iteraera are e na kamaiuia mairouia kaain Turia, ao a manga maeka ma te rau Iteraera n aroia are rimoa.

1.Rongorongo 7:17

Uram bon taman Betan. Aikai ni kabane ana kariki Kireata, are natin Makira te m'aane ao tibun Manate.

Tani Motiki-taeka 4:6

N te bong teuana, ao e mena B'araka are natin Abinoam te m'aane i Keteti i Nabetari, ao e kanakoa ana taeka Tebora nakoina b'a e na roko ni maroroo ma ngaia. Ao ngke e a roko, ao E taku: Bon iai te rongorongo nakoim mairoun te UEA ae Atuaia Iteraera. Ko na botiia tebwina te nga m'aane man te baronga are Nabetari ao Teburun ao kairiia nakon te Maunga are Tabora.

Tani Motiki-taeka 6:14

Ao E taku te UEA, “Ko na korakora Kiteon, b'a I anganiko te m'aaka ni kamaiuia Iteraera mai rouia kaain Miiria.”

Tani Motiki-taeka 6:31

Ao a keekeerake aomata, ao e a taku naba Ioati, “Kam kataia n irataangan B'aara? Kam na kamaiua B'aara? B'a ngkana ngkami, ao kam na bon tiringaki ni kaarangainan te ingabong. Ngkana bon te atua B'aara, ao ke e bon irataangana i boni i rouna ni kamatea te aomata are urua ana baonikarea.”

Tani Motiki-taeka 6:32

Ao ni bon te bong naba arei, ao Ioati e a kab'aka naba aran Kiteon nakon Ierub'aara, ae nanona, “Te aomata are e urua baonikarean B'aara.” Ma ngaia are, ke e bon irataangana B'aara i bon i rouna.

Tani Motiki-taeka 7:1

Ao n te karangaina are i mwiina, ao e uti Kiteon ma ana taanga ni buaka, ao a kam'ainga aia kaemb'a nakon te Koburake n ran are Maaku. Ao kaain Miiria a kaemb'a i meang, n te m'arua are i aan te Maunga are More.

Tani Motiki-taeka 8:35

Ao i rarikin baikai ni kabane, a aki raoiroi aroia Iteraera nakoia ana utu Kiteon, e ngae ngke a tia Kiteon ni karaoi b'aai aika ab'ab'aki nakoia Iteraera.

1.Tamuera 3:20

Ao e bane n ataaki irouia aomata ni kabane man te kaawa are Taan are i meang nakon te kaawa are Beerateb'a are i maiaki, b'a Tamuera bon Ana burabeti ni koaua te UEA.

1.Tamuera 7:13

Ao i mwiin te bobuaka, ao e katea te kanuringa Tamuera i marenan Mitib'a ma taiani b'a aika rietaata mataniwiia. Ao e aranna b'a, “Te Kanuringa are te Buoka” b'a kauringaia Iteraera buokaia i Roun te UEA. Ao E buobuoka Iteraera te UEA ni buakaniia kaain Biritia i nanon ana tai ni maiu Tamuera.