1.Tamuera 11:11 - Te B'aib'ara

¹¹ Ao n te bong are i mwiina, e bwenaua te taanga ni buaka Tauro nakon tenua te m'akoro ao ni buakaniia i m'aain otin taai. A waakina tiringakiia kaain Ammon, ao a waakinna ni karokoa mwiin te tawanou. A iangoa birinakoia tabeman kaain Ammon, ma a rangi ni uamaaenako n tatabemaniia nako.

1.Tamuera 11:11 ပူးပေါင်းရင်းမြစ်များ

Karikani B'aai 22:14

Ao e arana te tabo arei Aberaam b'a “E karekea te UEA.” Ao a kaangai aomata ni boong aikai, “E na karekeaki i aon ana Maunga te UEA.”

2.Tamuera 18:2

E kanakoa teuana te katenim'akoro man ana taanga ni buaka i aan ana kairiiri Ioaba, ao te katenim'akoro i aan ana kairiri Abitiai are natin Teruia, ao nikiraia i aan ana kairiri Itai mai Kata. E tuangiia tautia ni kaangai, “N na buaka ma ngkami.”

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Te Otinako 14:24

Ao E tarai naao te UEA mai aon te boua te ai, ao te boua te nang i m'aain ingin mainiku n tara aia taanga ni buaka kaain Aikubita, ao E katakakaiia.

Mataio 7:2

B'a te motikitaeka ni kabuakaka are kam kabongana i bukiia aomata, ao ane E na manga motiki taekami ni kabuakakaingkami iai te Atua; ao kawai ake kam kabonganai b'a b'aini bairean motikan taekani kabuakakaia, E na kabonganai te Atua b'a b'aini baireani motikan taekami ni kabuakakaki.

Iakobo 2:13

B'a ane aki nanoangaea te aba, ao e na motikaki taekana n aki nanoangaki; ma e totokanikai te nanoanga n te motiki-taeka.

Tani Motiki-taeka 1:7

ao e taku, “I a tia ni koroi waebuan baiia ma waeiia uea ake itingaun ma ni karaoia b'a a na kawakawa i aan au taibora i bukin kakaean kanaia. Ao ngkai E a kabooa mwiin aei te UEA nako iu.” Ao a kaira uean Beteka tautian Iuta nako Ierutarem, ike e a mate iai.

Tani Motiki-taeka 4:16

Ao B'araka ma ana taanga, a ri mwiin ana kaanibuaka Titera ma ana taanga ni buaka ni karokoa Aroteta A Koiim. Ao a tiringaki ni kabane ana taanga ni buaka Titera.

Tani Motiki-taeka 7:16

Ao e bwenaua ana taanga ni buaka Kiteon nakon 3 te m'akoro aika 100 kaain tekorakina, ao e katoaia tautia ma aia bu, ao te tiaeki te kaatibu ae buubura ae te taura i nanona.

Tani Motiki-taeka 7:20

ao a karaoa naba aron aei koraki ake uakoraki. A bane n taui aia taura ni baiia te angamaing, ao aia bu ni baiia are te angaatai, ao a takaarua ni kaangai, “Ana kabaang te UEA ma Kiteon!”

Tani Motiki-taeka 9:43

Ao e bwenauaia ana taanga ni buaka Abimereka nakon 3 te koraki e karabaia ana taanga ni buaka i rarikin te katawanang i rarikin Tekem. Ao ngke a otinako aomata man te kaawa, ao a karina ni biri ana taanga ni buaka man taabo ake a karabaia iai ma ni buakaniia.

1.Tamuera 11:2

Ao e taku Naati, “Eng, n na tiainaa te boraraoi! Ma n na ti karaoia ngkana I tia n auti kanoani mataia are te atai m'anen Iteraera ni kabane ake a maeka i Iabeti.”

1.Tamuera 14:47

Ao ngke e a uea Tauro i aoia Iteraera, ao kaain Moaba, kaain Ammon, kaain Etom, taian uea mai Tob'a, kaain Biritia, ao kaain Amareka, a tia ni kabane n iraeia Iteraera.