1.Tamuera 10:24 - Te B'aib'ara

²⁴ Ao e taku Tamuera nakoia aomata, “Karaua n tara te aomata ae a tia n rineia te UEA! Bon akea te aomata ae ai arona!” Ao a takaarua aomata, “E na anaanau maiun te uea!”

1.Tamuera 10:24 ပူးပေါင်းရင်းမြစ်များ

2.Tamuera 16:16

Ao e roko raoraon Tawita are Utiai iroun Abetarom ao e taku, “E na teimaan maiun te uea! E na teimaan maiun te uea!”

2.Tamuera 21:6

Anganiira itiman mairouia ana kariki. Ti na kabaei roroaia m'aane aikai i rarikin te tabo are E taromauriaki iai te UEA i Kibea, are ana kaawa Tauro, are e rineia te UEA b'a e na uea.” Ao e taku Tawita, “N na anganingkami.”

1.Uea 1:21

Ngkana ko aki katanoata b'a antai ae e na uea i mwiim, ao ane a na taku aomata b'a I kamangao ma Toromon. Ane a na karaoira b'a kaanga buure ao a na tiringiira bon i mwiin naba matem.”

1.Uea 1:25

Ngke e ingabong riki ao e tiringi taiani kao ma kao ataei ao taian tiibu aika a m'aiti. E kaoiia taiani mataniwi n te taanga ni buaka, Abiata, ao natim m'aane ni kabane nako ikekei. Ao a am'arake ni kukurei ma ni mooi ni karokoa te tai aei ma n tatakarua ni kaangai, ‘E na teimatoa maiun te uea ae Atoniia!’

1.Uea 1:34

Ngkana kam roko ikekei, ao a na karaoa kaueaan Toromon b'a uean Iteraera ae boou Tatoka ma Natan. Ao i mwiin te kauea, ngkana e a b'ara ao kam na karekea temanna ae e na katanga te bu ma n tuangiia aomata b'a a na takaarua ni kaangai, ‘E na teimatoa maiun te uea ae Toromon.!’

1.Uea 1:39

E uota b'aan te oriwa Tatoka are te ibonga man te Um'antabunrianna, ao e kab'aroa i aon atuun Toromon ni kaotia b'a e a uea ngkai. E tangi te bu, ao a bane n takaarua aomata ni kaangai, “E na teimatoa maiun te uea ae Toromon.”

2.Uea 11:12

E kairaki Ioati iroun Ieoiata nako tinaniku, ike e a katokaa te baunuea i aon atuuna, ao e anganna katotongan te kaetieti i bukin kairan te botannaomata. E kab'aroaki b'aan te oriwa i aon atuuna ni kaotia b'a ngaia ngkai te uea, ao a uboubo aomata ma n takaarua ni kaangai, “E na teimatoa maiun te uea.”

2.Rongorongo 23:11

Ao Ieoiata ma natina m'aane a kaira Ioati nako tinaniku, ao a katoka te baunuea i aon atuuna ao a anganna katotoon taian tua i bukin tautaekanakiia te botannaomata. E kab'aroaki b'aan te oriwa i aon atuuna ni kaotaki b'a ai te uea ngkai ngaia, ao a bane ni kukurei aomata ma n takaarua, “E na anaanau maiun te uea!”

Mataio 21:9

Ao a takarua aomata ake a ri moana ao ake a ri mwina, ni kangai, E na neboaki Natin Tawita! E na kakab'aiaki Teuae nako mai n aran te Atua. E na neboaki te Atua!

Te Tua-Kaua 17:15

Kam na waakinako n rinea ami uea ma kam na riai moa ni kakoaua b'a boni Iteraera te aomata anne, ao e na riai naba n rineaki iroun te UEA.

1.Tamuera 11:15

Ao a bane n nako aomata nakon te tabo n taromauri i Kirekara, ike a kabooi iai nanoia b'a e na riki Tauro b'a aia uea. Ao Tauro ma aomata a anga taiani man b'a aia karea ni bubutiia te UEA Ana kakab'aia, ao a karaoa te bootakin ni kukurei ae korakora.

1.Tamuera 12:1

Ao e taku Tamuera nakoia Iteraera: I a tia n anganingkami te uea, n aron ami bubuti.

1.Tamuera 12:13

Kam bubuti karekean ami uea, ao kam rinea temanna. Ao ngkai e tei i rarikira ao kam boni bane n nooria. Ma bon te UEA ae rineia b'a ami uea.

1.Tamuera 9:2

Bon iai natin Kiti te m'aane ae arana Tauro, ae tamaroa taraana, ao e ab'ab'aki riki nakoia Iteraera ni kabane.