1.Tamuera 10:20 - Te B'aib'ara

²⁰ Ao e kawaerakeia baronga n tatabeua nako Tamuera nakon te baonikarea, te barongana i mwiin te barongana, ao te UEA E rinea te baronga are Beniamin.

1.Tamuera 10:20 ပူးပေါင်းရင်းမြစ်များ

2.Tamuera 3:19

Ao n tokina, e a taetaenikawai Abenera ma te baronga are Beniamin. Ao i mwiina, e kiitana Eberon n tuanga Tawita b'aai ni kabane are a tangiria kaain te baronga are Beniamin ao nikiraia Iteraera ni karaoia.

Iona 1:7

A i taetae kaimoa temanna nakon temanna, “Ti na kaiwana te buaka aei b'a antai ae e na bukinaki n te kangaanga aei.” Ao a kaiwa, ao e b'akara Iona wiian te kaiwa.

Te Tua-Kaua 33:12

E tangiringkami te UEA ae Moan te Rietaata, te baronga ae Beniamin. E na maeka i buakon ami tabuki ma ni kaawakiningkami.

1.Tamuera 10:19

E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.

1.Tamuera 10:21

Ao i mwiina, e kawaerakeia kaaingan te baronga are Beniamin Tamuera, ao te UEA E rinea te kaainga are Materi. Ao n te kabanea, e a rineaki Tauro are natin Kiti te m'aane. Ma ngke a kakaaea, ao e aki roko n te reke.

1.Tamuera 14:38

Ao e weteia ana aobitia Tauro ni bootia ao e taku, “Ti riai ni kakaea b'a tera te bure ae aki kaekaira iai te Atua.

1.Tamuera 14:41

Ao e tataro Tauro ni kaangai, Ara UEA ae Atuan Iteraera, e aera ngkai Ko aki kaekaai n te bong aei? Taiaoka ma kaotia nako ira b'a antai ae bure. Natiu ae Ionatan ma ngai, ke Am aomata aika Iteraera?” Ao e oki te kaeka b'a Ionatan ma Tauro aika a tia ni bure.