1.Tamuera 10:19 - Te B'aib'ara

¹⁹ E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.

1.Tamuera 10:19 ပူးပေါင်းရင်းမြစ်များ

Taeka n Rabakau 16:33

Ti konaa ni karaoi oin ara babaaire nako, ma bon ti te UEA n ti ngaia ae e baairei baika a riki.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Warekaia Iteraera 11:20

A ngurengure nako iu, ao a tangiria n okira Aikubita. Ao ngkai a nang kang iriko ni karokoa marakin birotoia.

Warekaia Iteraera 17:2

“Bootia baronga n Iteraera ake tengaun ma uabaronga, ao tuangiia taani kairiri n tatabemaniia nako man taiani baronga b'a a na koroi araia i aon te oko ake a uouoti b'a kanikinaean m'aakaia,

Te Tua-Kaua 17:14

Kaain Iteraera, i mwiin tauan te aba are E anganingkami te UEA, ao i mwiin naba tekatekami iai, ao ane kam na kaangai, Ti tangira karekean te uea, n aekakiia botannaomata aika i rarikira.

Iotua 24:1

E a bootia barongan Iteraera ni kabane Iotua i Tekem. E weteia unim'aane ma taan kairiri, ma taan moti, ma b'akuakun Iteraera ni kabane b'a a na ikotaki i matan Ana Ati ni Berita te UEA.

Tani Motiki-taeka 8:23

Ao e taku Kiteon, I aki, I aki kan riki b'a te uea, ao a na aki riki naba b'a uea natiu. B'a bon ti te UEA ami tia tautaeka.

1.Tamuera 10:20

Ao e kawaerakeia baronga n tatabeua nako Tamuera nakon te baonikarea, te barongana i mwiin te barongana, ao te UEA E rinea te baronga are Beniamin.

1.Tamuera 12:12

Ao kam nooria b'a e nang buakaningkami uean Ammon are Naati. E ngae ngke bon ami UEA ae te Atua ae ami uea, ma kam taku nako iu, “N te tai aei ao e kaokoro, ao ti a tangira te uea ae na tautaekaniira!”

1.Tamuera 14:23

Ma ngaia are, E buoka Iteraera te Atua ni katokanikaia n te bong arei. E a tia n tuangiia mai m'aaina ana tautia Tauro ni kaangai, “N na kabooa mwiin aia m'akuri kaain Biritia i m'ain bungin taai, ma ngaia are, akea ae na am'arake i m'aain bungintaai. Ao ane am'arake i m'aain bungintaai ao e na maraia!” Ma ngaia are, e tuangiia b'a a na berita ke n tuea b'a a na aki am'arake. Ao n te tai anne, e a tia n ri rarikin te kaawa are Beta-Awen te buaka, ao a rootaki n te baki ae korakora ana taanga ni buaka Iteraera.

1.Tamuera 14:38

Ao e weteia ana aobitia Tauro ni bootia ao e taku, “Ti riai ni kakaea b'a tera te bure ae aki kaekaira iai te Atua.

1.Tamuera 3:21

Ao E aki toki ni kakaoti te UEA nakon Tamuera i Tiro ma n tuangnga te b'ai are e na taekinna.

1.Tamuera 4:1

Ao i mwiina, e na taetae Tamuera nakon te botannaomata n Iteraera ae b'anin. Ao n te bong teuana a nako Iteraera ni buakaniia kaain Biritia. A katea aia kaemb'a i rarikin Ebenetera, ao kaain Biritia a katei kaemb'a i Abeki.

1.Tamuera 8:19

Ao a aki kan ongo aomata iroun Tamuera ao a kaangai, “Ti aki, b'a ti na katotongiia botannaomata ake tabeua.

1.Tamuera 8:5

ao a taku, “Ko a boni kara. Ao ko a tia ni katea te banna ae raoiroi nakoia natim m'aane, ma a aki toua mwiina. Ao ngkai ti a tangira te uea ae na kairiira.