1.Rongorongo 29:25 - Te B'aib'ara

²⁵ E karaoa Toromon te UEA b'a te uea ae e kakannato, ao a bane botannaomata ni kabane ni mimi n tanoatan taekana. N te koaua, ao bon akea uean Iteraera ae ai aron kakannaton Toromon.

1.Rongorongo 29:25 ပူးပေါင်းရင်းမြစ်များ

1.Uea 1:37

E bon tararuaiko te UEA n taai nako, ao bon au tataro b'a E na manga tararuaa Toromon ngkai. Tera ngke E buoka Toromon ni karikia b'a te uea ae korakora riki nakoim.

1.Uea 3:12

Ma ngaia are, N na karikiko b'a te kabanea ni wanawana i buakoia aomata aika a tia ni maiu, ao aika a na maiu rimwi n te maiu aei.

1.Uea 3:13

N na anganiko naba te b'ai ae ko aki buubutii. Ko na riki b'a te kaub'ai ao ko na karineaki ni kabane am bong ni maiu. Ao ko na kakannato riki nakoia uea tabem'aang.

1.Rongorongo 29:24

Ao a bane mataniwi n te bareti ao tautia, n reitaki naba ma natin Tawita m'aane ake tabeman, ni kakaonimaki nakoina.

2.Rongorongo 1:1

Ao e a matoa ana tautaeka n abanueana ni kabutaa ngkai te uea are Toromon are natin Tawita, i bukina b'a e a tia te UEA ae te Atua ni kakab'aia ma ni karikia b'a te uea ae korakora.

2.Rongorongo 1:12

Ma ngaia ae, N na kawanawanako man anganiko te ataib'ai. Ma N na bon karikiko naba b'a te aomata ae moan te kaub'ai mani kakannato riki nakoia uea ake mai m'aaim ao akana i mwiim.

Iobi 7:17

E aera ngkai e rangi ni kakawaki te aomata i Roum? Bukin tera ko nang tarai baike a karaoi?

Te Minita 2:9

Boni ngai te kabanea n tanoata taekau mai buakoia aomata nako aika a tia ni maeka i aon Ierutarem, ao I bon rangi ni wanawana.

M'akuri 19:17

E a ataaki te baei irouia I-Iutaia ma I-Erene ni kabaneia ake a maeka i Ebeto, ao a rangi ni maku; ao e neboaki aran te UEA are Iesu.

Ebera 2:9

Ma ti nora Iesu, are karaoaki ni karinanoaki riki nakoia anera i nanon te tai ae aki maan, b'a E aonga ni mate i bukiia aomata ni kabaneia; ao e riki aei man nanon te Atua n akoi. Ti noria ngkai b'a E a baunaki n te neboaki ma te karineaki i bukin arona ni maraki ma ni mate.

Iotua 3:7

E taku te UEA nakon Iotua, “Ane ko nang karineaki irouia aomatan Iteraera ni baika N na karaoi n te bong aei, ao a na kakoauaa b'a I bon buokiko naba n ai arou naba ngke I buoka ngkoa Moote.

Iotua 4:14

A karika Iotua b'a te aomata ae karineaki i bukin b'aai ake E karaoi te UEA n te bong arei. A karinea Iotua aomatan Iteraera ni kabane bongin maiuna, n ai aron karinean naba Moote ngkoa i rouia.