1.Rongorongo 29:22 - Te B'aib'ara

²² Ao a rangi ni kukurei aomata, ao a am'arake ma ni mooi ikekei i rarikin ana baonikarea te UEA. N te bong naba anne, ao e a katokaaki ana baunuea Toromon ni kaueaaki. Ao a bane ni kukurei aomata ao e kab'aroaki te b'a i aon atuun Toromon ni kaotia b'a e na manga uea. Ao e kab'aroaki naba te b'a i aon atuun Tatoka ni kaotia b'a ngaia ngkai aia ibonga.

1.Rongorongo 29:22 ပူးပေါင်းရင်းမြစ်များ

1.Uea 1:31

Ao e bobaraaki B'atateb'a nako aontano ao e taku, “Bon au tataro b'a e na anaanau maium.”

1.Uea 1:33

ao e taetae nakoia ni kaangai: “Kairiia tabeman au aobitia b'a kam na katokaa Toromon i aon au miure ao kairiia nakon Koburaken ranin Kion.

1.Uea 2:35

Ao Toromon, e katea Benaia n onea mwiin Ioaba b'a manga te kam'anta n te bootaki n tautia, ao e kateirakea Tatoka b'a te ibonga n onea mwiin Abiata.

1.Rongorongo 12:40

Kaain Iteraera ake tekorakina ake a roko man taabo aika a raroa nako man abaia kaain Itakara, Teburun, ao Nabetari a uoti aia nanai ni kao ao aia tiibu b'a a na tiringaki i bukin te am'arake. A bon uoti naba aia aati, miure, ao taiani kao m'aane aika on aoia n taiani buraawa, taiani biiku aika a m'au, taiani wain, ao b'aan te oriwa. Bon aio kaotan nanoia ae a rangi ni kukurei aomata ni kabane i aon Iteraera.

1.Rongorongo 23:1

E a bon kara Tawita ngke e rinea natina te m'aane are Toromon b'a e na uea i aon Iteraera.

2.Rongorongo 7:10

Ao e a kaokiia aomata Toromon n te katebwi ma tenuan bongin te kaitiua n nam'akaina, A okirikaaki ma te kukurei i bukin b'aai ni kabane ake e a tia ni karaoi te UEA i bukin Tawita ao Toromon, ao i bukiia ana aomata aika Iteraera.

Neemia 8:12

Ao ngke a oki aomata nakon mwengaia, ao a kukurei n am'arake ao n tib'ai kanaia ma raoia aika a tangira buokaia, i bukina ngke a ataa nanon te b'ai are e a tia ni warekaki nakoia.

Te Otinako 18:12

Ao i mwiin arei, ao Ietero e a uota te karea ae b'anin ao karea riki tabeua n anga nakon te Atua: ao a bane n iria Aaron ma taani kairiia Iteraera b'a a na kana te iriko ae tabu arei ni bon aron aia taromauri.

Te Otinako 24:11

E bon aki katuaaia taani kairiiri aikai te Atua e ngae ngke a nooria. Ma ngaia are, a am'arake ma ni mooi.

Te Minita 2:24

Ti te b'ai ae te kabanea n tamaroa, ti riai ni kukurei n am'aam'arake, ni momooi, ao ni m'akuri. I kakoauaa b'a bon aikai ana b'aintangira te Atua nakoira,

Te Minita 8:15

Ma ngaia are, I iangoia b'a ti na karekei ara b'ai man te maiu n aron are ti konaa ni karekei. Bon akea riki te b'ai ae e raoiroi nakon ae te kakukureira ni kanara ao nimara ao reken te tai ae e raoiroi. Ao n te aro anne, ti na konaa iai n ri nanon kangaangan te maiu, n aron are e a tia n anganiira te Atua n te aonnaba aei.

Te Minita 9:7

Kakukureingkami ao kamaiu nanomi n am'arake mani mooi! Bon aei te b'ai ae e a kaman baaireia te Atua b'a kam na riai ni karaoia.

Etekiera 46:10

A na kaai n rin aia taan tautaeka n te tai naba are a rin iai ao a na otinako naba n te tai are a otinako iai.

Te Tua-Kaua 12:7

Kam na aki manga anga te karea n taabo nako ike kam tangiria ni karaoia iai, ma E nang rinea te tabo teuana te UEA i aon Iteraera ike kam na taromauriia iai.