1.Rongorongo 29:14 - Te B'aib'ara

¹⁴ Ma e aera ngkai ti na kukurei ngkai ti a tia n anganiko b'aintangira aikai? Bon am b'ai baikai, ao ti a manga kaoki nakoim ngke bon am b'ai.

1.Rongorongo 29:14 ပူးပေါင်းရင်းမြစ်များ

Karikani B'aai 28:22

E na riki te atiibu ae I kateia aei b'a te tabo i bukin taromauriakim, ao N na anganiko te katebwina ni m'akoro man au b'ai ni kabane.”

Karikani B'aai 32:10

Akea bonganan au m'akuri aika raoiroi ake I a tia ni karaoi ngai ae am toro. I ri aon ngkoa te Ioretan ti man te oko, ao ngkai I a oki ma au koraki aika uakoraki aikai, n ikotaki ma au nanai ni maan aika kawakawa.

2.Tamuera 7:18

Ao e nako Tawita n rin n te autinrianna are e a tia ni kateia i bukin te Atiniberita. Ao i mwiina, e tekateka ikekei n tataro ni kaangai: Te UEA ae Moan te M'aaka, e bon riai n aki reke nako iu ma au utu te b'ai ae Ko a tia ni karaoia nakoira,

1.Rongorongo 17:16

Ao e nako n rin Tawita n te autinrianna are e a tia ni kateia i bukin te Atiniberita. E tekateka ikekei ao e tataro: Te UEA ae te Atua, Ko bon aki riai n karaoi nako iu ma au utu b'aai aika ko a tia ni karaoi i bukira,

1.Rongorongo 29:13

Ti karab'ako, Atuara, ao ti neboiko.

1.Rongorongo 29:15

Bon iruwa ngaira aika ti maeka tabeua te tai n te aonnaba aei, n ai aroia ara bakatibu. Ti na manga bon waekoa n nako, n ai aron te nuu ae e waekoa ni mauna nako.

1.Rongorongo 29:16

Te UEA ae Atuara, ti uotimai b'aai aikai ni kabane i bukin katean am Tembora are b'ain neboam. Bon am b'ai, ake ko anganiira.

1.Rongorongo 29:9

Ao e rangi ni kukurei Tawita ma aomata b'a a tia n anga ae rangi ni m'aiti nakon te UEA, ao a rangi ni kakatonga.

2.Rongorongo 2:5

E na riki b'a te Tembora ae moan te kakannato, i bukina ngke E kakannato riki Atuara nakoia anti ake tabem'aang.

Taian Areru 115:1

Tiaki ara b'ai te neboaki! Boni Ngkoe te UEA, ae Ko na anganaki te neboaki i bukin am Kakaonimaki ma am Atataiaomata.

Te Otinako 3:11

Ma e taku Moote, “B'a antai ngai ngkai N na kawara te uea ma ni kaotinakoia am aomata mai Aikubita?”

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Akai 2:8

Au b'ai taian tirewa ao taian koora,

I-Rom 11:36

B'a mairoun te Atua b'aai ni kabane; a bane ni karikaki i bukina, ao a na bane ni manga oki nakoina. Ana b'ai te neboaki n aki toki. Amen.

1.I-Korinto 16:2

Ni moani bongin te wiiki ae koraki, ao e riai te aomata i bon i rouna ni katutuka teutana man are e a tia ni karekea, ao e na kaikoa, b'a e aonga n aki kainanoaki te manga riko angab'ai ngkana I roko.

2.I-Korinto 3:5

Akea i roura te bae ti na taku iai b'a ti kona ni karaoa te b'ai teuana i bon i roura; ara kona ni karaoia boni mairoun te Atua,

Te Tua-Kaua 16:10

ao kam na nakon te tabo are E rineia te UEA b'a te tabo n taromauri, ao ni kauringa te Toa ae te Tai b'a karinean te UEA ae Atuami. Uoti ami karea aika buubura nakoina n aron ane kam kona ni karekea, n aron korakoran uaan te tai ae a tia n anganingkami. Uringnga ni kairiia natimi m'aane, natimi aine, ao ami toro. Kam na kaoiia naba aomata aika kainano, n reitaki ma kanoan Rewi, ianena, ataei aika akea aia karo, ao aine aika a mate buuia.

Te Tua-Kaua 16:17

Ngkana e rangi ni buubura uaan arokami nako n tain ami tai ae E anganingkami te UEA, ao e na rangi ni moan buubura naba ami b'aintangira nakon te UEA.

I-Biribi 2:13

B'a bon te Atua ae m'am'akuri i nanomi b'a kam aonga ni kukurei ni karaoa ana kaantaninga n akoi.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Te Kaotioti 4:10

ao unimm'aane ake angauni ma aman a katorobubua ni bobaraaki i matan Teuare tekateka i aon te kaintokanuea, ma n taromauria Teuare maiu n aki totoki, ma ni kaaki aia baunuea i nanoaan te kaintokanuea, ao a kaangai,