1.Rongorongo 29:11 - Te B'aib'ara

¹¹ E korakora m'aakam, ao e noraki mimitongim n taabo ni kabane i karawa ao i aonaaba,

1.Rongorongo 29:11 ပူးပေါင်းရင်းမြစ်များ

Karikani B'aai 1:1

Ngke E moana te karikib'ai te Atua, ao E karika moa karawa ma aonnaba,

Karikani B'aai 14:19

E kakab'aiaa Aberam Merekitereka ao e taku, “Ke e kakab'aiaa Aberam te Atua ae Moan te Rietaata are karaoa karawa ma aonnaba!

Karikani B'aai 14:22

Ao e taku Aberam. “I a tia n tuea nakon te UEA, ae Moan te Rietaata, ae karaoa karawa ma aonnaba,

1.Rongorongo 29:10

Ao e anenea te anene n nebo nakon te UEA Tawita i mataia aomata ni kabane: I neboiko n taai nako, te UEA! Bon te Atua ngkoe are ko tataromauriaki iroun ara bakatibu are Iakob'a

2.Rongorongo 20:6

ao e tataro: Ngkoe ae te UEA ae te Atua are a taataromauriia ara bakatibu, ao ko tautaekaniia botannaomata ni kabaneia aika i aonnaba mai karawa. Ko bon rangi ni m'aaka n te aro are bon akea ae e konaa ni kataenikaiko.

Neemia 9:5

Ao i mwiina, ao a taku kanoan Rewi, Ietua, Katemiera, Bani, Atiabeneia, Oria, Tebania, ao Betaia: “Teirake ao takaarua n nebonebo nakon te UEA, te Atua ae akea tokina! Neboa arana ae e kamimii, e korakora riki nakon ae e konaa ni kab'arab'araaki n te taeka.”

Iobi 37:22

E nooraki te raaitiiti ae korakora i meang, ao raaititina e kamimiia aomata ni kabane ake a nooria.

Taian Areru 10:16

Te UEA bon te King n aki tootoki. A na bane ni kiitana abaia aomata ake a toro irouia atua tabem'aang.

Taian Areru 103:19

E kaaki ana kaintokanuea te UEA i karawa; E uea i aoni b'aai ni kabane.

Taian Areru 104:1

N na karaoiroa te UEA ni maiu, te UEA ae Atuau, ai kakannato ra Ngkoe! am B'ai te karineaki ma te mimitong; kanga ai aron ae Ko kunnikaiko iai.

Taian Areru 145:1

N na neboiko, Atuau, ae te Uea; N na kamoamoako n aki tootoki.

Taian Areru 145:6

A na taekin taekan am m'akuri aika korakora, ao ngai N na kaota kakannatom.

Taian Areru 21:13

Te UEA, Ko na neboaki i bukini korakoram! Ti na anene ni kamoamoa m'aakam.

Taian Areru 29:4

E m'aaka b'anaan te UEA; moan te mimitong b'anaan te UEA.

Taian Areru 46:10

E kaangai te Atua, “Katoki ami buaka, Ao kam na atai b'a te Atua Ngai, ae kakannato i buakoia botannaomata nako, ao I rine i aonnaba ni kabutaa.

Taian Areru 47:9

A bane ni bootaki aia uea natanaomata ma ana botannaomata te Atua are Atuan Aberaam; B'a ana b'ai te Atua uea n aon te aba; ana katikui aia b'ai ni buaka E raka aroni karineana.

Taian Areru 57:11

Te Atua, Ko na kaota kakannatom i karawa, ao mimitongim i aonnaba ni kabutaa.

Taian Areru 57:5

Te Atua, Ko na kaota kakannatom i eta i karawa, ao mimitongim i aonnaba ni kabutaa.

Taian Areru 57:6

A kataia ni kam'aneai taan ribaai n aia b'ai ni kam'am'ane; e bua au kaantaninga. A kena te m'arua i m'aini kawaiu, ma a manga boni b'aka i nanona.

Taian Areru 89:11

Am B'ai karawa ma aon te aba; Ko karaoa aonnaba ma b'aai ni kabane ake iai.

Taian Areru 97:1

E uea te UEA; e na kukurei aonnaba! A na kim'areirei abam'akoro aika bati!

Taian Areru 97:9

Bia Ngkoe, te UEA, Ko tautaeka i aonnaba ni bane; Ko rangi ni kakannato nakoia anti ni kabaneia.

Taian Areru 98:1

Kam na anenea te anene ae boou nakon te UEA; B'a E a tia ni karaoi baika kamimii! E reke i rouna te tokanikai n oini m'akana n Atua ao ni korakorana.

Taian Areru 99:1

Ara UEA bon te king; ao a makua aomata; E tekateka i aon ana kaintokanuea are i aoia kerubim ao e m'ainging aon te aba.

Itaia 12:4

Ane kam na kaangai n te tai arei, “Ti rangi ni kaaitauko, ara UEA. ao ti taromauriiko n ti ngkoe. Ti na tuangiia botannaomata aron mimitongim ma b'aai aika ko a tia ni karaoi.

Itaia 42:5

Bon te UEA Ngai ae te Atua. I karaoi taiani karawa kaanga te autinrianna ae e tangaina nako ieta. I karaoa te aonnaba ma b'ai ni kabane aika a maiu i aona. Boni Ngai boton te maiu ni baika a maiu ni kabane n te aonnaba, ma ngaia are, kakauongo nakon te b'ai ae I taekinna.

Itaia 66:1

E taku te UEA: Au kaintokanuea karawa ao nnen katokaniwaeu aonnaba. Tera te aekaki n auti ae ko na karaoia ibuku? E nga te tabo ae N na motirawa iai?

Ieremia 27:5

ae I karika te aonnaba ni m'aakau, ma aomatana, ao maan ni kabane. I baaireia b'a antai ae e na tautaekana te aonnaba,

Taniera 2:20

“E bon rabakau te Atua ao E m'aaka! Neboia n aki toki ao n aki tootoki.

Taniera 4:3

Ai korakorara taiani kamimii ake E kaoti te Atua nakoira! Ai m'aakara ana kakai ake E a tia ni karaoi! Bon te UEA te Atua n aki toki; E na uea n taai nako.

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Taniera 4:32

Ao ane ko na kakioaki nako man te kaawa, ao ko na maeka ma taian man aika a moaanti, ao ko na kana te uteute n ai aron te kao i nanon itiua te ririki. Ao ane ko na kakoaua b'a iai m'aakan te Atua ae e m'aaka i aon ana tautaeka te aomata, ao E kona n anga nako ngaiia nakon temanna are E bon taku.

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

1.Timoteo 1:17

Ana b'ai te Uea ae akea tokina, ae aki mamate, ae aki nonoraki, ae te Atua ae ti temanna, te karineaki ma te neboaki n aki totoki. Amen.

Ebera 1:3

Ngaia raneaneani mimitongin te Atua, ao katotongan arona ni koaua; ao E kateimatoai b'aai ni kabane aika karikaki b'a a na waki n aroia n ana taeka ae m'aka. Ngke E a tia ni kaitiaki buure, ao E tekateka i angaatain te Atua are M'aka i eta;

Iotua 3:11

ngkana kam noora Ana Ati ni Berita te UEA ae taua taekan aonnaba b'a e ri aon te Ioretan n rimoami.

Iotua 3:13

ao n te tai naba are a teboo iai waeia i mataniwiin te karaanga, ibonga ake a uouota Ana Ati ni Berita te UEA ae taua taekan aonnaba, ao e na toki raangan ranin te Ioretan, ao a na toki n raanga ma n ikoikotaki raan ake a raanga rikaaki n te itera are a raanga mai iai.”

Iuta 1:25

ana b'ai te Atua ae ti temanna, are ara Tia Kamaiu, iroun Iesu Kristo are ara Uea, te neboaki, ma te karineaki, ma te tau-taeka, ma te m'aaka, ngke a tuai ni karikaki b'aai, ao ngkai, ao n aki toki. Amen.

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 19:1

I mwini baikai ao I ongo te bae kanga te b'anaa ae korakora ae b'anaaia kaain te botaki ae ab'ab'aki i karawa, ae kaangai, “Neboa te UEA! Ana b'ai Atuara te kamaiu, ma te neboaki, ma te m'aaka,

1.Tamuera 15:29

Ao i rarikin anne, bon tiaki te aomata Atuaia Iteraera ae akea tokina E aki taetaekina te kewe ke ni bibitaki nanona.”