1.Rongorongo 27:23 - Te B'aib'ara

²³ Ngke e baireia Tawita b'a e na wareki m'aitiia Iteraera, ao e anga ana taeka b'a a na aki warekaki koraki ake a mena aia ririki ni maiu i aan uabwi, i bukina b'a E a tia ni berita te UEA n taai ake ngkoa b'a e na rangi ni m'aiti te botannaomata n Iteraera n ai aron itoin karawa.

1.Rongorongo 27:23 ပူးပေါင်းရင်းမြစ်များ

Karikani B'aai 15:5

Ao E kairiia te UEA nako tinaniku, ao E taku, “Taraa karawa, ao kataia ni wareki taiani itoi; a na riki kanoam kanga ai aron m'aitin taian itoi.”

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

Karikani B'aai 26:4

N na anganiko am kariki aika ai aron m'aitin taian itoi i karawa, ao N na anganiia te aba aei ni kabane. Ane a na bubutiai botannaomata b'a N na kakab'aiaia naba n aron kakab'aiakiia am kariki.

2.Tamuera 24:1

Ao E un te UEA irouia Iteraera, ao e karekea ana iango Tawita b'a e raoiroi ngkana e wareki m'aitiia Iteraera ma Iuta.

Warekaia Iteraera 1:18

Moote ma Aaron, ao taani kairiri i aoia baronga ake tengaun ma uabaronga. Ao a warekia i nanon aia kaainga ma aia utu.

Ebera 11:12

ma ngaia are a riki mairoun ae ti temanna ae kanga ae mate, kanoana aika ai aroni m'aitin itoini karawa, ao ai aron te tano ae i aon te bike, ae e aki konaki ni warekaki.