1.Rongorongo 23:29 - Te B'aib'ara

²⁹ Bon tabeia naba tararuaakin te kariki are e tabu, ao te buraawa are b'ain te karea are te uita, taian kariki are a mmani, ao karea ni kabane ake a umunaki, ao te buraawa are e renganaki ma b'aan te oriwa. Bon kanoan Rewi aikai ake a na baairei rawaawatan ma m'aitin taiani karea.

1.Rongorongo 23:29 ပူးပေါင်းရင်းမြစ်များ

1.Uea 7:48

Ao aikai b'ain nanon te Tembora ake e tuatua Toromon b'a a na karaoaki man te koora: te baonikarea; te taibora are e totoka i aona te kariki are e tabu;

1.Rongorongo 23:28

ana m'akuri i bukin te UEA ni buokiia ana kariki Aaron ni m'akuri n te Tembora, ni kaitiaki katawanangin nako te Tembora ao ruun naba te Tembora, ao taan tararuaia naba b'a a na bane ni itiaki b'aai nako aika a kabonganaaki i bukin te taromauri.

1.Rongorongo 23:30

A na katoa ingabong ao tairiki kanoan Rewi n anganga aia kaaitau nakon te UEA ao n anene nebonebo nakoina.

2.Rongorongo 13:11

A anga karea uoua te tai n te bongina ao a kabuoki b'aai ni kaboiarara nakon te UEA. A uota te kariki are e tabu nako aon te taibora aika a tia ni kaitiakaki, ao a kaurai taian taura ni kaintaura are te koora ni katoa bong ngkana e a bung taai. Ti karaoa ana mwioko te UEA ae te Atua are ko a tia n tannako mai rouna!

2.Rongorongo 29:18

ao a oki nakon Etekia ao a taku: Teuae ko karineaki, a bane ara m'akuri. E a manga itiaki te Tembora ni kabane, ao ai uana naba te baonikarea ao taiani b'ainam'arake, ao te taibora naba i bukin te kariki are e tabu ma b'ainam'arakena nako.

Neemia 10:33

Ti karaoa aei i bukin boon te kariki are e tabu ao ai uana naba ma te karea are b'ain te bong koraki ao te karea ae e okoro n aron ake a kareanaki n te Taabati ao i nanon naba te Toa ae Moan Otin Nam'akaina ao taian toa naba ake tabeua. E na riki naba b'a boon te karea i bukin kab'araan buure ao taian kabanem'ane i bukin taromaurian te Atua n te Tembora.

Te Otinako 25:30

E na riai ni kaawakinaki te taibora i nanon te tabo are e rangi n tabu, ao a na katokaaki naba i aona taian kariki.

Nakoaia Ibonga 7:9

Aia b'ai naba ibonga ake a karaoa te angakarea nakon te Atua, taiani karea are te uita are e kam'aaki n te ainumuum, ke e katauraoaki n te baan n tintin.

Warekaia Iteraera 3:50

Bootan rawawatan te tirewa bon 1,365 ni kabotauaki ma te rawawata are e b'ainaki n te Um'antabunrianna.

Mataio 12:4

Ao arona ngke e rin n te um'antabu ao e kana te berena are kaotiotaki, are e tabu n taekana n te tua b'a e na aki kanna ke a na aki kanna uake raona, ma ti ibonga aika kariaiakaki?

Ebera 9:2

B'a e kateaki te um'anrianna, ae iai i nanona te moa n ruu ae aranaki b'a te tabo ae tabu, are mena i nanona nen te taura n tei ao te taibora ma kariki aika katabuaki i bukin te Atua.