1.Rongorongo 22:9 - Te B'aib'ara

⁹ Ma ngkana e uea natim te m'aane, N na anganna te raoi n aki bubuaka ni kabuta abanueana. E na aranaki b'a Toromon i bukina b'a N na karokoa te mwengaraoi ao te rau i nanon ana tai ni uea.

1.Rongorongo 22:9 ပူးပေါင်းရင်းမြစ်များ

1.Uea 1:13

Naako taetae nakon Tawita ni kaangai, “Ko bon aki berita ngkoa nako iu b'a e na uea Toromon i mwiim, ma e aera ngkai e a uea Atoniia?

1.Uea 2:15

Ao e taku Atoniia, “Ko bon ataia b'a I uea ngkoa i nanon ti tabeua te tai, ao a bane Iteraera ni kariaia b'a N na uea, ma E tangira tariu te Atua b'a e na uea, ao ngkai a bane n tia ni bitaki b'aai ni kabane.

1.Uea 3:7

Te UEA ae te Atua, bon am Toro ngai, ao Ko karikai b'a te uea i mwiin tamau. Ma I bon rangi ni uarereke ma ni karako au atatai n te m'akuri ni kairiiri.

1.Uea 4:20

A bon rangi ni m'aiti aomata aika a maeka i Iuta ao Iteraera ngke e uea Toromon n te aro are kaanga ai aron tanon aon te bike. A bane ni ngae n am'arake mani mooi aomata ao a kukurei.

1.Uea 4:24

E tautaekana te aono are i maeaon te karaanga are te Iuberetiti te uea are Toromon, ni moa mai Tibeta nako Kaata, ao e raoi ma aaba ni kabane.

1.Uea 4:25

I nanon ana tai ni maiu Toromon ao a bane n rau aomata ake a maeka i aon Iteraera, ni moa man te kaawa are Taan i meang, ao n toki i Beerateb'a i maiaki. A tekateka ma te rau n aki kakiriweaki utu nako i aan arokaia te kureebe, ao arokaia te biiku.

1.Uea 5:4

Ti na karab'arab'a nakon te UEA ae te Atua ngkai b'a e a reke te rau i nanon abanueau, ao akea te kangaanga, ke te karawaawata man taiani buaka aika a na riki man te tabo teuana ma teuana.

1.Uea 8:56

Neboa te UEA. E a tia ni kaawakina ana berita ma n anganiira te rau. E a tia ni koro bukin ana berita ni kabane ake E berita iai nakon ana toro are Moote.

1.Rongorongo 17:11

N na rinea temanna mai buakoia natim m'aane b'a e na uea ngkana ko a roko n tokin maium man taunaki i rarikiia am bakatibu. N na karikia b'a te tia tautaeka ae e korakora,

1.Rongorongo 22:18

Ao e taku Tawita: E a tia te UEA ae Atuara ni buokiira ni kataenikaiia aomata ake a maeka ikai mai m'aira, ao E a tia n anganingkami te rau mairouia ara kairiribai ni kabane. Ao ngkai bon ana b'ai te UEA te aba aei ma ana aomata.

2.Rongorongo 6:15

Bon tamau Tawita are am toro, ao n te bong aei ko a tia ni kaawakina am berita are ko karaoia ngkoa i bukina.

Iobi 34:29

Ngkana e bon taku te Atua b'a akea te b'ai ae na karaoia, ao akea temanna ae kona n tiribureia. Ngkana E karaba matana, e na aki reke buokaia aomata.

Taian Areru 72:1

Te Atua, Ko na reireina te uea am Motikitaeka ae Eti, Ao buokanib'ai ma ngaia n am Kaetitaeka ae e raoiroi,

Taian Areru 72:7

E bia rikirake te maiu ae e raoiroi irouia aomata i nanon ana tai ni maiu, Ao e bia teimatoa rereken te kab'aia irouia aomata n ai aron teimatoan nam'akaina n angaanga ootana.

Itaia 26:12

Ko na anganiira te rau i bukina ngkai ti a tia ni karaoi ni m'aakam.

Itaia 45:7

I karika te oota ao te roo, te kukurei ao te nanokawaki. Boni Ngai ae te UEA ae I karaoi baikai ni kabane.

Itaia 57:19

koraki aika a tang E aoria ngkana ko mena iai, N na kamaiuko Ngai ae te UEA ao N na anganiko te rau.

Itaia 66:12

E a tia ni berita te UEA: “N na kataonakoa Ierutarem ni kaub'aia botannaomata nako ao N na karika te kaawa b'a te tabo ae e mari. E na kammammaingkai Tion ni mammana, ao e na uouotingkami ni baina, ao e na b'ab'akoingkami i m'anokana.

Akai 2:9

I a tia ni berita b'a e na mimitong riki te Tembora ae e boou aei nakon are mai m'aaina. N na kakab'aiaa naba te kaawa aei n anganna te rau.

Tani Motiki-taeka 6:24

Ao e karaoa te baonikarea Kiteon i bukin taromaurian te UEA, ao e aranna b'a “E kamaunanakoi makura te UEA.” Ao bon are e tei naba ngkai i Obera, te kaawa are i abaia kaain te kaainga are Abietera.