1.Rongorongo 21:12 - Te B'aib'ara

¹² E na roko tenua te ririki ae e na akea iai te am'arake i bukiia ana aomata? Ke e na kookonaaki Iteraera irouia ana kairiribai i nanon tenua te nam'akaina? Ke E na karokoa te aoraki ae moan te kamaamate te UEA n orea iai te aba i nanon tenua te bong? Ko na iangoi baikai ao baairea, b'a n na manga angan te UEA are e kanakomaiai i bukin am kaeka.

1.Rongorongo 21:12 ပူးပေါင်းရင်းမြစ်များ

2.Tamuera 21:1

Bon tenua taian ririki aike akea iai kanaia te botannaomata ae Iteraera n ana tai n uea Tawita. Ma ngaia are, e buubutiia te UEA teuare Tawita buokaia, ao E kaeka te UEA ni kaangai, “E bure Tauro ma ana utu i bukin te tiriaomata, i bukina ngke e tiringiia kaain Kibeon.”

1.Uea 17:1

Eria bon te burabeti mai Titibe i Kireata. Ao e nakon Aaba n te bong teuana ao e taku, Bon ana Toro te UEA ae E maiu, ae Atuan Iteraera ngai. Ao I tuea n arana b'a e na bon aki b'aka te karau ni karokoa te tai are I a manga taetae iai b'a e na b'aka. Ao a na bon akea naba te aoi ae e na ruo nako aon te tano.

2.Uea 19:35

E kanakoa te anera te UEA n te tairiki naba arei nakon aia kaemb'a kaain Aturia, ao E tiringiia 185,000 mai buakoia. Ma ngaia are, e a wenerua taiani mate n te ingabong are i mwiina.

2.Uea 8:1

Ao Eritai e tuanga neiere e kamaiuaki natina te m'aane ngkoa i rouna ao e taku, “E a tia n anga ana kauring te UEA b'a ae e na akea te am'arake ikai i nanon itiua te ririki. Ko na kairiia am utu nakon te tabo teuana, ao tiiku iai tabeua te tai.”

1.Rongorongo 21:11

Ao e kawara Tawita Kata ao e tuangnga te b'ai are e a tia n tuangnga te UEA: Ko na rinea ane ko taku b'a E na katuaaeko iai te UEA:

Taian Areru 91:6

Ke anti aika buakaka aika aiwaa n te bong ma te ngaina n iowawa ma n tiritiri.

Te Otinako 12:23

Ngkana E m'ananga te UEA b'a E na tiringiia kaain Aikubita, e na noora te raraa i aon kain etan ami mataroa ma bouana ao E na aki karina Aneran te Mate b'a e na rin n ami auti n tiring ngkami.

Itaia 66:16

E na uota te motikitaeka ae e eti ana taeka te UEA ae e ura nakon taabo nako n te aonnaba aei ao e na tiringiia aomata aika a m'aiti.

Ieremia 12:12

A m'ananga n te kawai are e ri rarikin mataniwiin te rereua tautia ake taan tiritiri ao a buaka n taabo nako. Bon au kabaang ngaiia aika a tiritiri; ao bon akea temanna ae e konaa ni maiu irouia.

Ieremia 42:16

Ane e na roko iroumi maakan te buaka, ao e na iriiringkami maakakin te mate ni baki, ao kam na mate i Aikubita.

Ieremia 47:6

Kam na tang n takaarua ni kaangai, ‘Ana kabaang te UEA! Ai ti maanra ngkoe ni korokoro? Naako okira nnem, tiiku ikekei ao motirawa!’

B'aeb'aeti 4:9

E raoiroi riki mateia ake a mate n te buaka nakon mateia ake a mate n te baki, b'a akea kanaia are a na maiu iai.

Nakoaia Ibonga 26:10

A na taonako autin ami uaanikai ni uaa aika a uangingi ni katoa ririki.

Nakoaia Ibonga 26:17

ao N na tannako mai roumi, ao N na kariai ngkami b'a kam na kamaunaaki irouia taan eekinakoingkami. Ane kam na biritakaka n ongotaomi te bo ni buaka ngke bon tiaki te bo ni buaka.

Ruka 4:25

“Bon te koaua ae I tuangngkami, b'a a m'aiti aine ake a mate buia i aon Iteraera n ana tai Eria, ngke e aki b'aka te karau i nanon tenua te ririki ao onoua nam'akaina, ao e roko te rongo ae korakora i aon te aba ni kabutaa.

M'akuri 12:23

Ao e oreaki n te tai naba arei Erote iroun ana anera te Atua, b'a e aki angan te Atua te neboaki; ao e rangi ni baki rab'atana b'a e m'ata nanona, ao e mate n tokina.

Te Tua-Kaua 28:15

Kaain Iteraera, I anganingkami n te bong aei ana Tua ao Ana reirei te UEA ae Atuami. Ao ngkana kam aki ongotaeka nako iai, ao E na karokoa te rekenikai ae korakora i aomi.

Te Tua-Kaua 28:22

Kam na oreaki n kabuebue ao te tibutau i aon rab'atami, ao te maraki ni karokoa matemi n te tabo teuana n te aba are kam taua.

Te Tua-Kaua 28:25

E na kakonaakingkami te UEA irouia ami kairiribai, ao kam na uamaae nakon taabo nako. Kam na riki b'a kamarakan mataia botannaomata tabeua ngkana a nooringkami,

Te Tua-Kaua 28:27

E na kamarakingkami te UEA n te aoraki ae na kariki taian maneka aika manamana mataia ke te b'ai ae e iku n tabwenabwena i aon te kun ke taian kaboa n aron ake a bon riiriki i Aikubita. Ao bon akea b'ainaorakimi ae na reke.

Te Tua-Kaua 28:35

ao E na oroingkami te UEA n te kaboa mai taubukin atuumi ni karokoa tabon waemi, ao a na aki kona ni mao.