1.Rongorongo 16:31 - Te B'aib'ara

³¹ Tuangiia taiani karawa ma aonnaba b'a a na kukurei ma ni bukamaruia! Katanoata nako ia botannaomata, “E uea te UEA!”

1.Rongorongo 16:31 ပူးပေါင်းရင်းမြစ်များ

1.Rongorongo 16:30

Kaain aonnaba ni kabane, kam na ruru!” E tei n nene te aonnaba, e aki konaa ni ioioaki.

Taian Areru 145:1

N na neboiko, Atuau, ae te Uea; N na kamoamoako n aki tootoki.

Taian Areru 19:1

A tataekina mimitongin te Atua taiani karawa, Ao a kaotioti baika E a tia ni karaoi taian nang.

Taian Areru 47:8

E tauu taekaia botannaomata te Atua; E tekateka i aon ana kaintokanuea are tabu.

Taian Areru 89:5

Te UEA, a anene kaaini karawa ni kamoamoaai am M'akuri aika kamimii ake Ko karaoi, Ao a anenea taekan am Kakaonimaki taian anera

Taian Areru 96:10

Kam na kaangai nakoia botannaomata nako, “E uea te Atua! E tei n nene ni nena aonnaba n aki kona ni kam'aingaki; E na motiki taekaia botannaomata ma te eti.”

Taian Areru 97:1

E uea te UEA; e na kukurei aonnaba! A na kim'areirei abam'akoro aika bati!

Taian Areru 98:4

Aomata ni kabane i aonnaba, kam na anene ni kakatonga nakon te UEA; Kam na neboia n ami anene ma b'anaami ni kim'areirei!

Taian Areru 99:1

Ara UEA bon te king; ao a makua aomata; E tekateka i aon ana kaintokanuea are i aoia kerubim ao e m'ainging aon te aba.

Itaia 33:22

Bon ara tia Moti ara UEA ao ara tia tautaeka; bon ara king ara UEA ara E na bon kamaiura.

Itaia 44:23

Kam na tuangiia taiani karawa ma aonaaba b'a a nang moana aia anene! Tuangiia taiani maunga ao taian aroka ni kabane n te buakonikai b'a a na ira buakon te anene! E a tia te UEA ni kamaiuia ana Aomata; ao ngkai a nang taromauria.

Itaia 49:13

Tuangiia taiani karawa ao aonnaba b'a a na anene ni kukurei; tuangiia taiani maunga b'a a na ira buakon te anene. A tia ni karawawataaki ana Aomata te UEA ma E a tia ni kaota ana akoi ao e anganiia te mwengaraoi.

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Ruka 15:10

I taku nako imi, “B'a ai arona naba b'a e na iai te kim'areirei irouia ana anera te Atua i bukin te aomata ae buakaka ae ti temanna ae raira nanona.”

Ruka 2:10

Ao e taku te anera nako ia, “Tai maaku; b'a noria, iai irou te rongorongo ae raoiroi are e na karika te kim'areirei irouia aomata ni kabaneia;

Te Kaotioti 19:6

Ao I ongo te bae kanga b'anaaia kaain te botaki ae ab'ab'aki, ae kanga karongoani b'aron naao aika bati, ao kanga rebwerebweni baa aika korakora, ao a kaangai, Areruia! B'a E uea te Uea ae Atuara ae Moan te M'aaka.