1.Rongorongo 15:28 - Te B'aib'ara

²⁸ Ngke e tabe ni uotaki te Atiniberita nako Ierutarem, ao a bane aomata ni bukamaruia n takaarua ao ni katangi b'aini katangitang aika taiani konete, buu, timbara, aabi, ao b'aai ni katangitang riki tabeua ake taiani karai.

1.Rongorongo 15:28 ပူးပေါင်းရင်းမြစ်များ

2.Tamuera 6:15

A bane aomata nako n takaarua ma ni katang taian buu ngke e tabe ni uotaki te Atiniberita.

2.Tamuera 6:5

Ao iai tabeman Iteraera aika a katangitang n taian aabi aika uarereke ao b'aai ni katangitang ake tabeua ake iai karaiia, ao te raea, te timbere, katineti, ao te timbara. Ao a kukurei Tawita ma te koraki ake tekorakina, ao a taua ma nanoia n ruoia nakon te UEA.

1.Rongorongo 13:8

Ngke a kabane korakoraia ni m'am'aie man aneenene Tawita ma aomata ni kamoamoaa te UEA. A katangitang n tain aabi ake a uarereke ao b'aai ni katangitang ake taiani karai ao taian raea, taian timbere, ao taiani timbara.

1.Rongorongo 15:16

Ao i mwiina, e tuangiia taani kairiiri Tawita b'a a na rineia kanoan Rewi tabeman b'a a na anene ma ni katangitang n taian aabi aika a uarereke, ao b'aai n katangitang riki tabeua, ao taian timbara.

1.Rongorongo 15:24

Aikai araia: Berekia, Erekana, Obeta-Etom, ao Ieia. Ao n te kabanea, Tawita e rineaia ibonga ake a na nakonako i matan te Atiniberita b'a taani katang bu. Ao aikai araia: Teb'ania, Iotiab'ata, Netanera, Amatai, Tekaria, Benaia, ao Erietera.

1.Rongorongo 15:27

Ao a b'ainiia n te niiniira ae te rinen Tawita, ma kanoan Rewi, Kenania are te tia kaira te katangitang, ao taani katangitang ni kabane, ao e kunnikaia naba Tawita n te kunnikai ae te ebota ae te rinen.

1.Rongorongo 15:29

Ao e taratara nako natin Tauro te aine are Nei Mikara man ana winto ni matakuakina uotakin te ati ni karinaki n Ana Kaawa Tawita. Ma ngke e noora Tawita ni kibakiba ni m'am'aie ni karinea te UEA, ao e rangi n nuka iai.

1.Rongorongo 25:1

Ao Tawita ma mataniwin te Tembora a rineia ana kariki Ataba, Eman, ao Ierutun b'a taan tararua te katangitang. A na neboa te UEA ni katangi taian timbara, aabi ao b'aai ni katangitang ake taiani karai. Aikai araia taani katangitang ma tabeia:

Neemia 12:27

Ao ngke e a katabuaki oon te kaawa, ao a kaoaki kanoan Rewi ni kabane man taabo nako i aon Iuta b'a a na ira te bukamaru n taian anene n nebo ao n taian katangitang n timbara, aabi aika a uarereke, ao taiani b'ai ni katangitang ake tabeua ake taiani karai.

Taian Areru 47:6

Kam na anenea karaoiroan te Atua; aneneia; Kam na anenea karaoiroan ara Uea, aneneia;

Taian Areru 68:25

A ri moa taan anene, ao a rimwiaki irouia ateiaine ake a ororei ni katang aia b'ai ni katangitang, ao taani katangitang mai buki.