1.Rongorongo 14:15 - Te B'aib'ara

¹⁵ Kam na tataninga ikekei ni karokoa kam ongo tangin taberan taian aroka aika kaanga tangin m'anangaia taanga ni buaka. Nanon te tang anne b'a I a tia n rimoami ni buakaniia ana taanga ni buaka Biritia. Ao kam a riai ni kawaekoaingkami ni buaka”

1.Rongorongo 14:15 ပူးပေါင်းရင်းမြစ်များ

2.Tamuera 5:23

E titirakina te UEA Tawita b'a tera ae e na karaoia, ao e kaeka te UEA ni kaangai: Ko na aki buakaniia mai mataia. Naako katobibia mai akuiia ao buakaniia mai buakon taian aroka ake marubere.

2.Uea 19:7

N na kab'araa nanona n taiani maningongoo i bukin ana kaawa. Ane e na oki, ao N na karaoia b'a e na mate ikekei n te mate ae e rangi ni kakamaaku.

2.Uea 7:6

Ao ngke a tabe ni m'ananga nakon te maeka, ao te UEA e karikiia kaain Turia b'a a na ongo te karongoaa ae kaanga karongoaan te taanga ni buaka aika taan toka i aoia aoti aika a rangi ni m'aiti.

1.Rongorongo 14:14

Ao e titirakina te Atua te uea are Tawita b'a tera ae e na karaoia, ao e taku te UEA, “Kam na aki buakaniia mai moaia. Naako meena i akuiia nakon te tabo are e mena iai taian aroka ake marubere.

1.Rongorongo 14:16

Ao e ongotaeka Tawita iroun te Atua ao e konaiia kaain Biritia. E bon kakionako ia naba i nanon te kawai are mai Kibeon nakon te mataroa n rin nako Ketera.

Itaia 13:4

Ongora nakoia koraki n aomata aika a kakarongoa i aon taiani maunga! A ikoti aia taanga ni buaka taian abanuea, ao taian botannaomata E a bootia taanga ni buaka te UEA ae Moan te M'aaka i bukin te buaka.

Nakoaia Ibonga 26:36

Ane kam na ruru ni maaku ni m'akaikain baan te aroka, kaanga te kabaang i abaia ami kairiribai.

M'akuri 2:2

Ao e rina n roko te neaa mai karawa, ae kanga ai aroni karongoaan ukin te ang ae baibati, ao e kaona nanon te auti are a tekateka iai.

Te Tua-Kaua 20:4

E na buaka te UEA ae Atuami i rarikimi, ao E na buokingkami ni katokanikaingkami n te buaka.

Tani Motiki-taeka 4:14

Ao e takaarua Tebora ni kaangai, “B'araka, e a bo tain buakanakin Titera b'a E na buokiko te UEA ni kataenikaia n te bong aei.” Ao ni koauana raoi, “E a tia te UEA n ri moami ni buaka i bukimi.” Ao e kairiia ana taanga ni buaka B'araka ake 10,000 rikaaki man te Maunga are Tabora.

Tani Motiki-taeka 7:15

Ao ngke e ongo Kiteon taekan te mii arei ma nanona, ao e bobaraaki n neboa te Atua. Ao i mwiina, e okira aia kaemb'a Iteraera ao e takaarua ni kaangai, “Ti a nako, E na katokanikaira te UEA i aon aia taanga ni buaka kaain Miiria.”

Tani Motiki-taeka 7:9

Ao E taku te UEA nako Kiteon n te tairiki anne, “Teirake ngkai, ao buakana aia maeka kaain Miiria. N na anganingkami te tokanikai i aoia,