1.Rongorongo 14:1 - Te B'aib'ara

¹ Ao e kanako ia tabeman ana mataniwi uean Turo are Iram nakon Tawita. A kairiia kabenta ma taani m'akuri n te atiibu, ao kaai aika tiira aika a tau m'aitiia i bukin katean ana bareti Tawita.

1.Rongorongo 14:1 ပူးပေါင်းရင်းမြစ်များ

2.Tamuera 7:2

N te bong teuana, ngke e tabe n taetae Tawita ma Natan are te burabeti, ao e taku Tawita, “Nooria, I maeka n te bareti ae e karaoaki n te tiira, ma e meemena te Atiniberita i nanon te autinrianna.”

1.Uea 5:1

A iraorao ngkoa uean Turo ma taman Toromon are Tawita. Ao ngke e a ataia Iram b'a e a uea Toromon, ao e a kanakoia tabeman ana aobitia ni kawara Toromon.

1.Uea 5:15

Bon iai naba ana taani m'akuri aika 80,000 aika taani koro atiibu i aon aaba ake a tabukibuki i Iteraera, 70,000 aika taani m'akuri aika taani uoti taian atiibu,

1.Uea 5:18

Ao a kaai ni m'akuri ana aomata Toromon ao Iram ma kaain te kaawa are Keeb'ara, ao a kaai ni karekei atiibu ma kaai ni katauraoi i bukin te Tembora.

1.Uea 5:6

I butiiko b'a a na koroi mani uoti nako iu taian aroka ake tiira am taani m'akuri. N na kabooia ni b'aai akana a bon taku, ao N na anga naba au taani m'akuri b'a buokaia. Ti boni kaai n ataia b'a a bon rangi ni b'aati ni korokai am taani m'akuri nakoia aomata nako.

1.Rongorongo 14:2

E ataia ngkai Tawita b'a e a tia te UEA ni karikia b'a te uea ae e korakora i aon Iteraera i bukin aia raoiroi ana aomata.

1.Rongorongo 17:1

N te tai ae e aki maan i mwiina ngke e a tia ni m'aing Tawita nakon ana bareti ae e boou, ao e taku nakon Natan are te burabeti, “Taraia! I a maeka n te bareti ae e karaoaki man te tiira, ma te Atiniberita e kaawakinaki n te auti n rianna.”

1.Rongorongo 22:2

Ao Tawita, e tuangiia iruwa ake a maeka i aon Iteraera b'a a na nako Ierutarem. Ao e anganiia tabeman tabeia b'a te korokoroi taian atiibu aika a buubura i bukin karaoan te Tembora.

2.Rongorongo 2:2

E kam'akuriia itibwi te ngaa te m'aane b'a taan uouoti b'ain te kateitei ao wanibwi te ngaa m'aane b'a taan koro atiibu man taian tabuki. Ao e rineia tenua te ngaa ao onobubua te m'aane b'a taani kairiia taani m'akuri.

2.Rongorongo 2:3

Ao e kanakoa ana rongorongo Toromon nakon uean Turo are Iram: N taai ake ngkoa ngke e karaoa ana bareti tamau are Tawita ao ko katauraoi taiani kai aika tiira nako ina. Ao ngkai ko konaa ni karekei naba nako iu au b'ai ni m'akuri?

Etira 3:7

E a tia n taku ngkoa uean Botia are Tairati, b'a a konaa Iteraera n anai taian kai ake tiira mai Reb'anon ni karokoa Ioba ni katiki ri taari. Ma ngaia are, a kanakoi taiani uita, wain, ao b'aan te oriwa nakoni kaawa aika a buubura ake Turo ao Titon b'a boon kaai, ao a anga taiani m'ane nako ia taani m'akuri n te atiibu ao taani kabenta.