1.Rongorongo 12:8 - Te B'aib'ara

⁸ A ira naba Tawita n ana nono n te rereua kaain te baronga are Kata ao a riki b'a ana taani buaka. Bon taani buaka ngaiia aika a ninikoria, a kakamaaku n ai aroia raian ao a birim'aaka n ai aroia taiani katere (rian aoni maunga.) A rabakau ni buaka ma taian otanga ao taiani kainiwai.

1.Rongorongo 12:8 ပူးပေါင်းရင်းမြစ်များ

2.Tamuera 1:23

E nang beebete karekean tangiraia Tauro ao Ionatan. A kaai ni maiu, a kaai ni mate, a biri m'aaka riki nakoia ikare ao a korakora riki nakoia taian raian.

2.Tamuera 17:10

Ma ngaia are, ngkana ko ninikoria kaanga te raian ma e na bon bua naba ninikoriam. A bane n ataia aomata b'a bon te tia buaka ae e korakora tamam ao te tautia ae e ninikoria.

2.Tamuera 2:18

A mena naba ikekei natin Teruia ake teniman ake: Ioaba, Abitiai, ao Ataera. E rangi ni biri m'aaka Ataera kaanga te ria i nanon te tawaana,

2.Tamuera 23:20

Bon te aomata ae e ninikoria Benaia are natin Ioiata te m'aane are man Kabeteera are e karaoi b'aai aika a kamimii. E tiringiia uoman ana taani buaka Moaba aika a bane aroia, ao ni bongin te kam'aitoro teuana e ruona b'angan te raian ao e tiringa te raian.

1.Rongorongo 11:16

ao e a tia n reke irouia Betereem. E mena Tawita n te nono,

1.Rongorongo 11:22

Benaia bon natin Ieoiata te m'aane ae e ninikoria man te kaawa are Kabeteera are e karaoi b'aai aika a kamimii. N te tai teuana, e tiringiia uoman ana taani buaka Moaba aika a bane aroia, ao n te bong ni kam'aitoro teuana, e nako nakon te kinono ao e tiringa te raian iai.

1.Rongorongo 12:16

A m'ananga n te tai teuana koraki ni m'aane man te baronga are Beniamin ao Iuta nakon te nono are e mena iai Tawita.

1.Rongorongo 12:7

Erekana, Itiia, Atarera, Ioetera, ao Iatiobeam are man te kaainga are Kora; Ioera ao Teb'aria are natin Ieroam m'aane are kaain Ketora.

1.Rongorongo 12:9

Bootaia bon tengaun ma temanna ao aikai nakoaia man ae e rietaata nakon ae rinano:

2.Rongorongo 25:5

Ao e kanakoa ana rongorongo Amatia nakon taiani kaainga ake Iuta ma Beniamin ma ni bootia m'aane ni kabane man te ririki ae uabwi ni waerake. A m'ananga tenibubua te ngaa te m'aane nako Ierutarem, ao a bane n tauraoi ni kabane nakon te buaka ao a konab'ai ni buaka ma te kainiwai ao te otanga. E bwenauaia tautia Amatia aikai nakon aia kaainga nako ao e katannakoia i aan aia kairiiri aia aobitia.

Taeka n Rabakau 28:1

A biri nako aomata aika a buakaka ngkana bon akea ae e kakioia, ma a ninikoria kaanga te raian aomata akana a eti maiuia.

Taeka n Rabakau 6:5

Kamaiuko i bon iroum, n ai aron te ria ke te mannikiba ae e kataia ni birinako mairoun te tia kaeman.

Ana Anene Toromon 8:14

Kawaekoako nako iu, Raou ae e tangiraki! Kabirim'akako riki nakon te ria nakoni maungan taiani boiarara.

Ieremia 46:9

Waaki nako Aikubita ni karaoa ane ko taku. Tuangiia am kaanibuaka ao am taan toka i aoia aoti b'a a na buaka ni kakorakoraia. Tuangiia am taanga ni buaka b'a a na oti nako, ma kaain Itiobia ao kaain Ribia aika a uouoti aia otanga, ao kaain Ritia aika a uakainikatebe ao kanoanikatebe.

1.Tamuera 23:14

Ao e tiku ni karabaa Tawita n aaba ake a tabukibuki, n te rereua are i rarikin Tiba. Ao e a m'aiti te tai ae e kuri n reke iai iroun Tauro, ma E aki anga Tawita te UEA nakon Tauro.

1.Tamuera 23:29

Ao e nako Tawita nakon aonon Enkeri, ike e tiku iai ni karabaa.

1.Tamuera 24:22

Ao e berita Tawita b'a e na karaoa arei. Ao i mwiina, e a nako Tauro n okira mwengana ao a manga oki nako Tawita ma ana rorobuaka nakon nneia ni karaba.