1.I-Tetaronike 5:9 - Te B'aib'ara

⁹ B'a tiaki ana kaantaninga te Atua b'a E na kareke kaira, ma ana kaantaninga b'a ti na karekea te maiu iroun ara Uea are Iesu Kristo,

1.I-Tetaronike 5:9 ပူးပေါင်းရင်းမြစ်များ

Iobi 23:14

E na bon kakoroa bukin te b'ai ae E iangoia i buku; are bon teuana mai buakon Ana iango.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Taeka n Rabakau 16:4

Bon iai bukin b'aai nako aika e karaoi te Atua, e kamaiuia aomata aika a buakaka ti i bukin katuaaeaia.

Mataio 26:24

E ira nanon taekana Natin te Aomata n ai aron are e koreaki i bukina; ma e na reke kain te aomata are kam'anea Natin te Aomata! E raoiroi riki iroun te aomata anne ngke tao e aki bungiaki.”

M'akuri 1:20

B'a e koreaki n te boki are Taian Areru ae kaangai, “Ke e kitanaki nena ni maeka, Ao ke e aki maeka iai temanna.” Ma e kangai naba, “Ke e anaa nakoana temanna.”

M'akuri 1:25

b'a e na bonota mwin Iuta n te m'akuri aei ao n nakoan te tia tuatua, are e kitanna, n nako n are boni nena.”

M'akuri 13:48

Ngke a ongo aei aomata aika tiaki I-Iutaia, ao a kim'areirei, ao a kamoamoa ana taeka te Atua; ao a onimaki aomata ake a rineaki nakon te maiu are aki toki.

I-Rom 11:30

B'a kam a tia ngkami aika tiaki I-Iutaia n aki ongeaba nakon te Atua ngkoa; ma ngkai, kam a nanoangaki i bukin aia aki-ongeaba I-Iutaia.

I-Rom 11:7

Ao tera ngkanne ae riki? B'a te baere a ukoukoria Iteraera e aki reke i rouia ni kabaneia, ma ti irouia ake a rineaki; ao nikiraia a kamatoatoaki nanoia;

1.I-Tetaronike 1:10

ao ni kaantaninga Natina mai karawa are E a manga kamaiua mai buakoia maate, are Iesu, are kamaiura man unin te Atua are e nangi roko.

1.I-Tetaronike 3:3

b'a e na tai riki n aki rau nanon temanna n taian rawawata aikai. B'a kam bon ataia b'a boni katauara b'a ti na ri nanon te rawawata.

1.Timoteo 1:13

Bon te tia taetaebuaka ngai ngkoa, te tia b'ainikirina te aba, ao te tia iowawa; ma I nanoangaki, i bukina ngke I karaoi arou akanne ma te roo n nano b'a I tuai n onimaki.

1.Timoteo 1:16

ma I nanoangaaki i bukin aei, b'a E na kaota taotaonan nanon Kristo Iesu i rou, ngai ae te kabanea ni buakaka i buakoia aomata, b'a te banna ni kakairi nakoia akana nang onimakinna ao a na karekea te maiu are aki toki.

2.Timoteo 2:10

Ma ngaia ae I taona nanou nakoni b'aai ni kabane i bukiia ake a rineaki, b'a a aonga naba ni karekea te kamaiuaki ma te neboaki ae aki toki mairouni Kristo Iesu.

1.Betero 2:10

Tiaki ana botannaomata te Atua ngkami ngkoa, ma ngkai kam a riki b'a ana botannaomata; kam aki nanoangaki ngkoa, ma ngkai kam a nanoangaki.

1.Betero 2:8

Ao e a manga taku te koroboki teuana: “Te atibu are a na reke waeia iai aomata ao a tata nako, te atibu are a na b'aka iai.” A tata nako i bukina b'a a aki ongeaba nakon ana taeka te Atua; ao anne bon nanon te Atua ma ana baire ma ngkoangkoa i bukiia.

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.

Iuta 1:4

B'a a karabaia n rin n te ekaretia aomata tabem'aang aika kaburea taekinan ana akoi te Atua b'a a aonga n reke aonaia iai n aroia n tam'are, ao a kakeaa te Toka are ti temanna are ara Uea, are Iesu Kristo. A kaman taekinaki te koraki aei ngkoangkoa b'a a na motikaki taekaia ni kabuakakaki i bukin aroia aei.