1.I-Tetaronike 5:19 - Te B'aib'ara

¹⁹ Kam na tai tuka te Tamnei are Raoiroi;

1.I-Tetaronike 5:19 ပူးပေါင်းရင်းမြစ်များ

Karikani B'aai 6:3

Ao i mwiin anne, ao E taku te Atua, “N na kauarerekea maiuia aomata, b'a bon rab'ata ngaiia. Ni moa man te tai aei, ao a nang aki manga raka ririkin maiuia i aon 120 te ririki.”

Neemia 9:30

Ko teimatoa n taotaona nanom, ao Ko kauringiia n Tamneim n ririki aika a m'aiti n am rongorongo ake Ko taekin rinanoia am burabeti. Ma a bon teimatoa naba n rawa n ongo, ao Ko anga ngaiia nakoia aia kairiribai.

Taian Areru 51:11

Tai kanakoai mai matam, Ao tai kaira nako Tamneim ae Raoiroi mairou.

Ana Anene Toromon 8:7

E aki konaa ni b'ab'a te tangira n taiani marawa ke taiani ieka; e aki konaa ni kabooaki, e aoria ngkana tera ae e b'aintangiraaki.

Itaia 63:10

Ao i mwiina a rairaki ana Aomata te UEA ni manga kaitaraa ao a kananokawakaki Tamneina ae e Raoiroi ae e Tabu. Ma ngaia are, e a manga riki b'a aia kairiribai ao e a manga buakaniia.

M'akuri 7:51

E reita nako ana taeka Tetebano ao e taku, “Aomata ngkami aika a matoatoa nanomi, n ai aron nanoia aomata aika aki onimakina te Atua; ao kam bonoti taningami n aki kan ongo ana taeka te Atua! Kam aki toki n rarawa ni kan ongo iroun te Tamnei are Raoiroi. Kam a manga karaoa naba are a karaoia ngkoa ami bakatibu!

1.I-Korinto 14:30

Ma ngkana iai i buakoia ake a tekateka ae iai te kaotioti ae roko i rouna, ao e na toki n taetae are e taetae.

I-Ebeto 4:30

Tai karawaawata te Tamnei are Raoiroi, are Tamnein te Atua, are Ngaia are karika te aki nanokokoraki iroumi, b'a n te tai teuana ao kam na kainaomataaki man te bure.

I-Ebeto 6:16

Kam na uouota n taai nako te otanga are te onimaki, are kam kona iai ni kabane n tiring taian ai ake a ura i tabon ana kai ni bakarere teuare buakaka.

1.I-Tetaronike 5:20

kam na tai kakeai bonganan taetae ni burabeti;

1.Timoteo 4:14

Ko na tai kaaki taekan te b'ai n tituaraoi ane i roum, are ko anganaki n te tai are a taetae ni burabeti iai burabeti ao a katokai baiia i aom unimm'aanen te ekaretia.

2.Timoteo 1:6

Ma ngaia ae I tuangko b'a ko na kakorakoraa maiun ana b'ai n tituaraoi te Atua ane i nanom, are e reke i roum ngke I katokaa baiu i aom ni katabuko nakon nakoam.

1.Tamuera 16:4

Ao Tamuera, e karaoa te b'ai are tuangnga te UEA ao e nako Betereem. Ao a nako taani kairiiri man te kaawa ni kaitibo ma ngaia, ma a rangi ni maaku ao a titiraki ni kaangai, “Tera rokom aei, te roko n raoi ke tiaki?”