1.I-Tetaronike 5:14 - Te B'aib'ara

¹⁴ Ao ti kaungaingkami, taari, b'a kam na reireiia akana rawa ni m'akuri, kam na kaungai nanoia akana a kai toki nanoia, kam na buokiia akana mamara, ao kam na taotaon nanomi nakoia aomata ni kabaneia.

1.I-Tetaronike 5:14 ပူးပေါင်းရင်းမြစ်များ

Itaia 40:11

E tararuaia ana Botannaomata te UEA, kaanga te tia kaawakintiibu ni kaawakiniia ana Nanai n tiibu. E uouotia tiibu ataei i aoni baina ao ngke e tabe ni kaira raoi te tina n tiibu.

Itaia 63:9

E mwengabuaka te UEA ngkana e noori aia kaangaanga, ma a kamaiuaki iroun ana Anera. E nanoanga ni koaua te UEA, ai ngaia are, e kamaiuia ana Aomata. E m'aneia ni baina ao e uotia i nanon ririki aikai ni kabane.

Ieremia 6:12

N na katuaaia kaain Iuta ma n anga aia auti ma aia tawaana nako ia tabem'aang, ao ai uana naba ma buuia. Bon aei au taeka Ngai ae te UEA.

Etekiera 34:16

ma ni kakaaia ake a bua ma ni kaokiia ake a tiotio nako, ma ni bauti ikoakiia ake a ikoaki, ao n tararuai maiuia aika a mamaara. N na boni kamateia naba aika a marikarika ao a korakora, i bukina b'a I kakaaraoa ae e raoiroi n taai nako.

Mataio 12:20

E na aki kinika te uteute mani m'aotona, ao E na aki kamatea m'aakaron taboni wiikin te taura ni karokoa ae katokanikaia te kaeti-taeka ae raoiroi.

Ruka 22:32

Ma I a tia n tataro i bukim b'a e na aki bua am onimaki; ao ngkana ko a manga rairaki, ao ko na kateimatoaia tarim.”

M'akuri 20:27

B'a akea te b'ai teuana n ana kaantaninga te Atua ae I taua n aki taekinna nakoimi.

M'akuri 20:31

Ma ngaia ae tai ni matutu, ao ururingai b'a I aki toki n reireingkami ni kabaneingkami ni bong ao ni ngaina ma rannimatau i nanon tenua te ririki.

M'akuri 20:35

I a tia ni kaotia nakoimi n aaro nako b'a ti riai ni buokiia aika mamara n te aro aei, ae te bekutata, n aki m'aninga ana taeka te UEA are Iesu, are kaangai, “E kakab'aia riki te anga nakon te anganaki.”

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

I-Rom 14:1

Kam na m'anea n akoa te aomata ae mamara n ana onimaki, ma tai kauntaeka ma ngaia i bukin tein aron ana iango.

1.I-Korinto 4:14

I aki koroi baikai b'a kam aonga ni mamaa, ma I kan reireingkami b'a kanga natiu aika tangiraki.

1.I-Korinto 8:7

Ma a aki bane aomata nako n ata te koaua aei. A a tia n taneiai aomata tem'angina ma bouannanti, ao a taku naba ngkai b'a ngkana a kang am'arake ake karea nakoni bouannanti, ao a kang iai kanaia bouannanti aika maiu; e a kanganga i rouia ae a na ataia b'a e eti ke e aki are a karaoia, ao e a reke i rouia te namakin ae a taku b'a a kam'ara iai ngke a kang.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Ebeto 4:2

kam na b'aina te nanorinano ni kabanea ma te nimamannei, ma te taotaonaki n nano, ni tob'atob'ai aromi ma te nano n tangira;

I-Ebeto 4:32

Ao kam na b'aina te i akoakoi, ma te nanoanga, ma te i kab'arabure, n ai aron te Atua ngkae E a tia ni kab'ara ami bure irouni Kristo.

I-Korote 1:28

Boni ngaia are ti tataekinna, n tuatuangia aomata ni kabaneia ma n reireiia n te rabakau ni kabane, b'a ti aonga ni kaotiia aomata ni kabaneia b'a a ikawai ni maiuia n reitaki ma Kristo;

2.I-Tetaronike 3:15

Kam na aki iangoia b'a ami kairiribai, ma kam na reireiia n ai aron te tari.

1.Timoteo 3:3

e na aki riki b'a te tia manging, ke te tia oro; ma e na taotaona nanona n aki un, ao e na tai baki tianti.

1.Timoteo 6:11

Ao ngkoe, ae ana aomata te Atua, ko na kararoako mani baikai, ao ko na kataa ae ko kona, ni karaoa nanon te Atua, ni maiu n reitaki ma Ngaia, ni b'aina te kakaonimaki ma te maiu n tangira, ma te taotaonaki n nano, ma te nimamannei.

2.Timoteo 4:2

ko na tataekina ana taeka te Atua, ao ko na kakorakorako ni karaoia i nanon te tai ae riai ke ae e aki; ko na kaoti aroia aomata aika buakaka nakoia, ko na boaiia, ao ko na kaungaia, n reireiia ma te taotaonaki n nano ni kabane.

Tito 1:10

B'a a m'aiti aomata aika rawa ni kani kairaki, aika taani b'arantiko ma taani bureburea te aba; ao m'aitin te koraki anne boni kaain te kaitiakaki.

Tito 1:6

Te unimm'aane e riai n te aomata ae akea kabuakakaana; e na ti temanna buuna ao taan onimaki natina aika akea i rouia te maiu buaka ke te maiu n aki ongeaba.

Ebera 12:12

Ma ngaia ae kam na karekei angini baimi akana kainikamate, ma waemi akana a mamara bubuaia,

Ebera 13:3

Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.