1.I-Tetaronike 5:13 - Te B'aib'ara

¹³ Kam na anganiia karineaia ae bati ma tangiraia i bukin aia m'akuri. Kam na b'aina te raoi i buakomi.

1.I-Tetaronike 5:13 ပူးပေါင်းရင်းမြစ်များ

Karikani B'aai 45:24

Ao e kab'akaia i aoni kawaia, ao ngke a nako, ao e taku nako ia, “Kam na aki ngurengure i aoni kawaimi.”

Taian Areru 133:1

Ai raoiroira ao ai rerei ra ngkana a maeka ni bootaki aomata n ai aroia taari!

Mataio 10:40

Ane m'aneingkami n akoingkami, ao e m'aneai n akoai; ao ane m'aneai n akoai, ao e m'anea n akoa Teuare kanakoai.

Mareko 9:50

E raoiroi te taoro, ma ngkana e a bane taorona, ao ko na iranna ni karaoia b'a e na manga reke taorona? B'aina te taoro n i-raorao i marenami, ao kam na maeka ma te rau i marenami.”

Ioane 15:17

I tuangngkami aei: kam na i tangitangiri.

2.I-Korinto 13:11

Te kabanea, taari, kam na kakatonga, kam na kanako raoi aromi, kam na karau nanomi, kam na b'aina te nano ae ti te arona, kam na raoi; ao E na mena i roumi te Atua are e reke mai Rouna te tangira ma te raoi.

I-Karatia 4:14

E riki mamarau b'a te kangaanga nakoimi, ma kam aki kaota ae kam kakeaa bongana ke kam ribaia; ma kam m'aneai n akoai b'a kanga ai aron ana anera te Atua ngai, ao b'a kanga ai aroni Kristo Iesu.

I-Karatia 5:22

Ma uaan te Tamnei te tangira, te kim'areirei, te raoi, te taotaonaki n nano, te ataataiaomata, te raoiroi, te kakaonimaki,

I-Karatia 6:6

Ao ane reireiaki ana taeka te Atua e na buokanib'ai ni baika raraoi ma te tia reirei.

I-Ebeto 4:3

ao kam na kakorakoraingkami ni kawakina te aro ni katiteuanaki are mairoun te Tamnei are Raoiroi n te b'ai ni kabaebae are te raoi.

I-Korote 3:15

Ao te raoi are mairouni Kristo e na kairi nanomi; b'a ngaia are kam weteaki nako iai, b'a kam na riki b'a te rab'ata ae ti teuana. Ao kam na katituaraoi.

1.I-Tetaronike 5:14

Ao ti kaungaingkami, taari, b'a kam na reireiia akana rawa ni m'akuri, kam na kaungai nanoia akana a kai toki nanoia, kam na buokiia akana mamara, ao kam na taotaon nanomi nakoia aomata ni kabaneia.

2.I-Tetaronike 3:16

E na anganingkami te raoi n aki toki n aaro nako te Uea are e reke te raoi mai Rouna. E na mena te Uea i roumi ni kabaneingkami.

2.Timoteo 2:22

Ko na kararoako man naano ni kaib'ab'aru aika naano n rorobuaka n ataei; ao ko na kataa ae ko kona, ni karaoa nanon te Atua, ni b'aina te kakaonimaki, te tangira, ma te raoi; ko na karaoi baikai ni botaki ma te koraki aika m'anewea aran te Uea ma nanoia aika itiaki.

Ebera 12:14

Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

Iakobo 3:18

Te maiu ae e raoiroi boni ngaia ae na taiaki b'a te ua are riki man te koraa are unikaki n te raoi irouia taan raoi.