1.I-Tetaronike 5:10 - Te B'aib'ara

¹⁰ are mate i bukira, b'a ti na uaia ni maiu ma Ngaia ngkana tao ti maiu ke ti mate.

1.I-Tetaronike 5:10 ပူးပေါင်းရင်းမြစ်များ

Mataio 20:28

B'a aron Natin te Aomata ngkae E aki roko b'a E na tautoronaki te aba i Rouna, ma E roko b'a E na toro irouia aomata, ao b'a E na anga maiuna b'a b'aini kainaomataia aomata aika bati.

Ioane 10:11

Ngai te tia kawakin tiibu ae e raoiroi. E anga maiuna te tia kawakin tiibu ae e raoiroi i bukiia tiibu.

Ioane 10:15

n ai aron te Tama ngkae E ataai, ao Ngai I ataa te Tama; ao I anga nanou b'a N na mate i bukiia tiibu.

Ioane 10:17

Ma ngaia ae E tangirai te Tama i bukina ngkai I anga nanou b'a N na mate, b'a I aonga ni manga uti.

Ioane 15:13

Akea te tangira ae korakora riki iroun te aomata nakon ae te anga maiuna i bukiia raona.

I-Rom 8:34

Ao antai ae na kabureia? Kristo Iesu boni Ngaia are mate, are E a manga uti mai buakoia maate, ao are E mena naba i angaatain te Atua ni bububuti i bukira.

1.I-Korinto 15:3

B'a I moa n anganingkami i buakoni baika kakannato te baere I anganaki naba: b'a E mate Kristo i bukin ara bure n ai aron taekana n te B'aib'ara;

2.I-Korinto 5:15

ao E mate i bukiia ni kabaneia, b'a a aonga n aki manga kabane maiuia akana maiu, bon i bukiia; ma a na kabane maiuia i bukin Teuare mate i bukiia, ao are E a manga uti naba i bukiia.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Ebeto 5:2

ao kam na b'aina te maiu n tangira, n ai aroni Kristo ngkae E tangirira naba, ao E anga Ngaia b'a E na mate i bukira b'a te karea nakon te Atua, ae te karea ae boiarara ae kamateaki.

1.I-Tetaronike 4:13

Ti aki tangiringkami taari, b'a kam na aki atai aroia aika mate, b'a kam aonga n aki nanokawaki, n ai aroia tabem'aang akana akea aia kaantaninga.

1.I-Tetaronike 4:15

B'a ae ti tuangngkami aei bon ana taeka te Uea: ngaira aika ti maiu aika ti tiku ni karokoa rokon te Uea ti na bon aki nako n rimoaia ake a tia ni mate.

1.I-Tetaronike 4:17

ao ngaira aika ti maiu n te tai anne ti na uotaki rake ma ngaiia nakon te tabo are a mena iai naang, ao ti na kaitibo ma te Uea i aani karawa; ao n te aro aei ti na memena n taai nako iroun te Uea.

1.I-Tetaronike 5:6

Ma ngaia ae ti na tai nimatutuu n ai aroia tabem'aang; ma ti na kauti matara, ao ti na kamarurungira.

1.Timoteo 2:6

are anga Ngaia i bukini kainaomataiia aomata ni kabaneia. E a kaotia n arona anne b'a te b'ai ni kakoaua n taina ae riai i bukin nanon te Atua n tangiriia aomata ni kabaneia b'a a na kamaiuaki;

2.Timoteo 2:11

E koaua te taeka ae kaangai: “B'a ngke ti mate ma Ngaia, ao ti na maiu naba ma Ngaia;

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

1.Betero 2:24

Ao E uoti ara bure n rab'atana i aon te kai, b'a ti na mate nakon ara bure ni kitan, ao ti na kabane maiura i bukini karaoan nanon te Atua. Ao kam kamaiuaki n oreana.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;