1.I-Tetaronike 4:8 - Te B'aib'ara

⁸ Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

1.I-Tetaronike 4:8 ပူးပေါင်းရင်းမြစ်များ

Neemia 9:30

Ko teimatoa n taotaona nanom, ao Ko kauringiia n Tamneim n ririki aika a m'aiti n am rongorongo ake Ko taekin rinanoia am burabeti. Ma a bon teimatoa naba n rawa n ongo, ao Ko anga ngaiia nakoia aia kairiribai.

Te Otinako 16:8

Ao e taku Moote, “Bon te UEA ae na anganingkami te iriko are kam na kanna nakon te tairiki, n ai aron m'aitin te kariki ae kam kakanna n te ingabong, i bukina b'a E a tia n ongo m'aitin ngurenguremi nako Ina. B'a ngkana kam ngurengure nako ira, ao kam boni ngurengure iai nakon te UEA.”

Taeka n Rabakau 1:7

Karinea ao ongotaeka iroun te UEA! Aio bon moanan te rabakau. Bon te nanobaba ane e aki butim'aea te wanawana ma te reirei.

Taeka n Rabakau 23:9

Tai taetae nakoia aika a nanobaba ane a na ti b'ainingareingkami.

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Ruka 10:16

“Ane ongo i roumi, ao e ongo naba i Rou; ao ane e ribaingkami, ao e ribaai naba; ao ane ribaai, ao e ribaa naba Teuare E kanakomaiai.”

Ioane 12:48

Ane rawa nako iu, ao e aki kaaki i nanona au taeka, ao bon iai ae na motika taekana: taeka ake I atong a na riki b'a b'aini motikan taekana n te kabanea ni bong.

M'akuri 13:41

“Noria, ngkami aika taani kakaniko, kam na mimi ao kam na mate! B'a te m'akuri ae I karaoia i nanon ami tai ni maiu, bon te b'ai ae kam na aki kakoaua, e ngae ngkana e kab'arab'araaki taekana nakoimi iroun temanna!”

I-Rom 5:5

ao te kaantaninga e aki kamaamaea te aba, i bukina b'a e a tia ana tangira te Atua n nurakinaki nako nanora iroun te Tamnei are Raoiroi, are ti a tia n anganaki.

1.I-Korinto 2:10

E a tia ni kaotii te Atua nako ira iroun Tamneina. B'a akea te b'ai teuana ae E aki ata arona te Tamnei, ao E atai naba ana kaantaninga te Atua aika nano.

1.I-Korinto 7:40

Ma I taku b'a e a kab'aia riki ngkana e aki manga mare; ao I taku naba b'a I kairaki n au iango aikai iroun Tamnein te Atua.

2.I-Korinto 1:22

are E kanikinaira b'a ana b'ai, ao E anganira te Tamnei i nanora b'a te kakoaua i bukini baika kawakinaki i bukira.

I-Karatia 4:6

Ao ngkai naati ngkami, ao te Atua E kanakoa Tamnein Natina nako nanora, are E tataro ni kaangai, “Aaba, Tamara.”

1.Betero 1:12

E kaotaki nakoia burabeti akanne b'a a aki taekini baikai i bukiia, ma a taekin i bukimi, aika baika taekinaki ngkai nakoimi irouia ake a tuangngkami te euangkerio iroun te Tamnei are Raoiroi are kanakomaiakaki mai karawa; aika baika a kan atai naba anera.

2.Betero 1:21

b'a bon akea te taetae ni burabeti ae roko n te tai teuana man oin nanon te aomata; ma aomata a taekina te taeka are roko mairoun te Atua, ni kairaia iroun te Tamnei are Raoiroi.

1.Ioane 3:24

Ao ane tau ana tua ao e nim ma te Atua, ao te Atua E nim ma ngaia. Ao ti ataia b'a E nim ma ngaira n aei, i bukin te Tamnei are Raoiroi are E anganira.

Iuta 1:8

Ao n aroia naba aio, te koraki aei a nori baika kanga taiani mii ake a riki iai ni bure nakon oin rab'ataia, ma n riba aron te Atua n uea i aoia, ma n taetaebuakaia ake a neboaki.

1.Tamuera 10:19

E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.

1.Tamuera 8:7

Ao E kaeka te UEA: Tamuera, karaoi b'aai ni kabane akana a tangiri. B'a a bon ribaai b'a N na riki b'a aia uea.