1.I-Tetaronike 4:6 - Te B'aib'ara

⁶ E na aki bure temanna nakon raona ke ni babakanikawaia ni baika kaeti ma aron te mm'aane nakon te aine b'a te Uea boni Ngaia te tia kareke-kai i bukini baikai ni kabane, n ai aron are ti tuangngkami rimoa, ma ni kaotiotia naba.

1.I-Tetaronike 4:6 ပူးပေါင်းရင်းမြစ်များ

Taian Areru 140:12

Ara UEA, I ataiko b'a Ko ko tei i bukiia aika akea mwengaia ao ko taraa te motiraoi nakoia aika a maiu ni kainano.

Taian Areru 94:1

Te UEA, ae te Atua ae am B'ai te kareke kai; Ko na kaota unim!

Te Otinako 20:15

Ko na aki kimoa.

Te Otinako 20:17

Tai mataiakina ana auti te aomata temanna, ke n tataana buuna, ke ni mataiakina ana toro, ana tiibu, ana aati, ke ana b'ai ni kabane.”

Taeka n Rabakau 11:1

E ribaia aomata nako te UEA aika a b'anganikewe, ma e tangiriia aomata aika a b'ab'aina te koaua.

Taeka n Rabakau 16:11

E tarataraira man noorira te UEA ngkana ti karaoa ae raoiroi ke ni m'am'anaia tem'angina.

Taeka n Rabakau 20:14

A bane aomata n tangiria b'a e na reke irouia te boo ae e booraoi.

Taeka n Rabakau 20:23

E ribaai taian kainikatine aika a aki eti ao taian rawaawata aika a aki eti te UEA. Ma ngaia ae, tai baabakanikawai!

Taeka n Rabakau 28:24

Ngkana ko aonikaia am karo ma n aki tabeakina am kaairua, ao bon te kimoatoo ngkoe.

Te Minita 5:8

Ko na aki kubanako ngkana a kabuakakaaki aomata aika a maiu ni kainano i aon abam, ao e na oneaki mwiin te eti n te kaairua. A na riai ni karaoa te b'ai are a tuangaki mataniwi aika a rinano irouia ake a rietaata.

Itaia 5:7

Bon te UEA Ngai ae Moan te M'aaka! Bon te nne n aroka ni kureebe Iteraera, ao te nne n aroka Iuta ae I tararuaia. I kaantaningaa te raoiroi ao te eti, ma I tii kunea te buakaka ma tangiran te nanoanga.

Ieremia 7:6

Katoka karawaawataia iruwa, ma ataei aika a akea aia karo, ao aine aika akea buuia. Kam na aki tiringiia aika akea aia bure. Ao katoka taromauriaia anti tabem'aang.

Ieremia 9:4

Ieremia, a bane raraom ma am koraki n taekina te kewe i bukim, ma ngaia ae ko na aki onimakiniia.

Etekiera 22:13

N na katea Au timoi i bukin marakin nanou n ami m'akuri ao ami bure n tiritiri.

Nakoaia Ibonga 19:11

Tai iraa, tai kewe, ao tai kam'aneia raomi.

Nakoaia Ibonga 19:13

Tai iraa ke tao ni kam'anea temanna, ao tai toki ni kab'akai booia ami taani m'akuri ni katoa tokin te bong.

Nakoaia Ibonga 25:14

Ma ngaia are, ngkana kam kabooa ni karekea ke tao kam kabooa nako te tabo n ununiki, baairea raoi boona ao tai babakanikawai.

Nakoaia Ibonga 25:17

Boni Ngai te UEA ae Atuami, ongotaeka i Rou ao tai kataia ni baabakanikawaiia tabeman.

Mika 2:2

Ngkana a mataiakina te tawaana, ao a taua naba. Ngkana a mataiakina te auti, ao a anaia naba. Ao a akea inaomataia aomata n aia utu, ao aia b'ai naba.

Teb'ania 3:1

E a b'aka Ierutarem, mani mangaongao, te kaawa ae e rarawa. Ae e bon karawawataia ana aomata.

Teb'ania 3:5

Ma E bon mena te UEA i nanon te kaawa. E karaoa ae e eti ao E aki karaoa ae e bure. Ma aomata aika buakaka a bon teimatoa ni kakaraoa ae e bure ma te aki mamaa.

Maraki 3:5

E taku te UEA ae Moan te M'aaka: I aoni kawaiu ngkai ni motika taekami. N na kabuakakaia ni kabane aika a kakaraoa te tabunea ke ni kewe n tain te mare ke n taekina te kewe i nanon te kabowi ke taani m'akuri aika a kimoaaki booia ke aine aika a mate buuia aika a aki karauaki ao naati aika akea aia karo ke iraean aia b'ai ianena ke aika a rawa ni karineai.

Mareko 10:19

Ko atai taian tua: ‘Ko na aki kamateia aomata; Ko na aki wene ni bure; Ko na aki kimoa; Ko na aki anga am kaotioti ae kairua b'a taekan temanna; Ko na aki babakanikawai; Ko na karinea tamam ma tinam.’ ”

Ruka 12:5

Ma N na tuangngkami ae kam na makua: kam na maaka Teuare kona n tetewe nako Keenna, ngkana E a tia n kamaamate; eng, I tuangngkami b'a kam na makua.

Ruka 16:28

b'a iai niiman tariu, ao e na angania te taeka ni katauraoi b'a a aonga n aki roko n te tabo ae kamaraki aei.”

I-Rom 1:18

B'a e kaotaki unin te Atua mai karawa nakoia aomata ake a tia ni kakaraoa te bure, ma te aro n iowawa; ao i bukin aroia aika bubuaka n tukiia aomata man atan te koaua.

I-Rom 12:19

Ngkami aika kam tangiraki, tai iri taangami; E na karaoia te Atua; b'a e koreaki ae kaangai: E taku te UEA, “Au b'ai te irantaanga, N na kabobo Ngai.”

I-Rom 13:4

B'a ana aomata te Atua ngaia ao tabena bon te buokiko nakon ae e raoiroi. Ma ngkana ko karaoa ae buakaka ao ko bon riai ni maku, i bukina b'a bon iai m'aakana ni kareke kai: b'a ana aomata te Atua ngaia ae te tia irantaanga ae karaoa nanon te Atua ni karekea kain ane karaoa ae buakaka.

2.I-Korinto 7:11

B'a nora te baei, ae karawawatami n reitaki ma nanon te Atua; ai tera arona ni karika te nano ae korakora, ma te nano ni kani kaota ae kam aki bure, ma te nano n un, ma te nano ni maaku, ma te nano n ingainga, ma te nano ni kani kareke kai. Kam kaotingkami ni b'aai ni kabane b'a kam itiaki n te baerei.

I-Karatia 5:21

taiani bakantang, te momooi manging, taiani bobotaki ni kukurei ni kammaira, ma baika ai aroni baikai; ao I a manga tuangngkami ngkai, n ai arou naba ngke I tuangngkami ngkoa, b'a a aki kona ni karekea uean te Atua akana karaoi baikai.

I-Ebeto 4:17

Ma ngaia ae aei au taeka, ae I kamatoa nakoimi n reitaki ma nanon te UEA, b'a kam na tai manga katotongiia aomata aika tiaki I-Iutaia n aroni maiumi, ngkai a maiu ma aia iango aika akea bonganaia;

I-Ebeto 4:28

Ke e tai manga iraa te tia iraa; ma e na m'akuri, ni karaoa te bae raoiroi ni baina, b'a e aonga ni kona ni buokanib'ai n are e karekea ma ane e kai nanona.

I-Ebeto 5:6

E na tai m'am'anaingkami temanna n taeka aika akea bonganaia: b'a e roko unin te Atua i bukini baikai i aoia aomata aika aki ongeaba nakoina.

Te Tua-Kaua 24:7

Ngkana kam reke n te bure n iraea kaain Iteraera ma ni kam'akuria n te m'akuri n toronaki, ao kam na kamateaki b'a e aonga n nako te m'akuri ae buakaka aei man te bootaki ni Iteraera.

Te Tua-Kaua 32:35

A na reke kaiia ara kairiribai n te tai ae aki maan ao ane a na karina ni marannako ao e na waekoa n taorimwiiaki n te kabuanib'ai ae korakora.

1.I-Tetaronike 2:11

Ao kam bon atai naba arora nako imi b'a kanga aron te tama nakoia oin natina.

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

Ebera 2:6

Ma e taetae temanna n te tabo teuana n te B'aib'ara ni kangai: “Tera te aomata, ngkai Ko ururingnga? Ke natin te aomata, ngkai ko kakawaria?

Iakobo 2:6

Ma ngkami, kam kamangora te aomata ane aki kaub'ai. Tiaki a babakanikawai nakoimi akana kaub'ai ao tiaki ngaiia aika katikingkami nako matan taiani kabowi?

Iakobo 5:4

Noria, a tangiri boon aia m'akuri taani m'akuri aika tai i abami, ae booia ae tauaki iroumi; ao tangiia ake a tai e a tia n roko i taningan te Atua, are te Uea ae Moan te M'aka.