1.I-Tetaronike 3:7 - Te B'aib'ara

⁷ Ma ngaia aei, taari, i buakoni kain nanora ma rawawatara ni bane ao a karauaki nanora i roumi n ami onimaki:

1.I-Tetaronike 3:7 ပူးပေါင်းရင်းမြစ်များ

2.I-Korinto 1:4

are E anganira karauan nanora n rawawatara ni kabane, b'a ti aonga ni karau nanoia akana taonaki n rawawata nako, n te aro ni karaunano are e a tia ni karauaki nanora iai iroun te Atua.

2.I-Korinto 7:13

Ma ngaia ae a karauaki nanora. Ao i rarikin raun nanora aei, ao e a kabatiaki riki kakatongara ni kakatongan Tito, i bukina ngke e a tia ni karauaki tamneina i roumi ni kabaneingkami.

1.I-Tetaronike 3:6

Ma ngkae e a roko Timoteo i roura i mwin okina mai roumi, ao e kaongoraeira n taeka aika raraoi aika taekan ami onimaki ma ami tangira; ao e tuangiira naba b'a kam aki toki n ururingiira ma te kukurei, ao kam rangi ni kan norira, n ai arora naba ngkai ti rangi ni kan noringkami.

2.Ioane 1:4

I bati ni kim'areirei ngke I noriia natim tem'angina b'a a b'ab'aina te koaua ni maiuia, n toua mwin te tua ae ti anganaki mairoun te Tama.