1.I-Tetaronike 3:6 - Te B'aib'ara

⁶ Ma ngkae e a roko Timoteo i roura i mwin okina mai roumi, ao e kaongoraeira n taeka aika raraoi aika taekan ami onimaki ma ami tangira; ao e tuangiira naba b'a kam aki toki n ururingiira ma te kukurei, ao kam rangi ni kan norira, n ai arora naba ngkai ti rangi ni kan noringkami.

1.I-Tetaronike 3:6 ပူးပေါင်းရင်းမြစ်များ

Taeka n Rabakau 25:25

Te rongorongo ae e raoiroi mai kiraroa e karekea te marurung kaanga ai te ran ae e m'aitoro ngkana ko taka.

Itaia 52:7

Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

M'akuri 16:1

E roko naba B'auro i Rerebe ao i Rutetera; ao noria, e mena iai te aomata ae onimakina Iesu, ae arana Timoteo; tinana bon te I-Iutaia ae onimakina naba Iesu, ao tamana te I-Erene.

M'akuri 18:1

I mwini baikekei ao e kitana Atenai B'auro, ao e nako Korinto;

M'akuri 18:5

Ngke a roko Tira ma Timoteo mai M'aketonia, ao akea ana m'akuri B'auro b'a ti te tataekina ana taeka te Atua, ni kaota raoi nakoia I-Iutaia b'a bon te Kristo Iesu.

1.I-Korinto 11:2

I kamoamoaingkami, ngkai kam ururing baike I karaoi ao I reireiningkami iai, ao ngkai kam iri nanon taeka n reirei ake I a tia n anganingkami.

1.I-Korinto 13:13

Ma ngkai a tiku n teimatoa baika tenua aikai, ae te onimaki, ma te kaantaninga, ma te tangira, ma e kakannato riki te tangira i buakoia.

I-Karatia 5:6

B'a akea i nanoni Kristo Iesu manenan te korotabonim'aneaki ke te aki korotabonim'aneaki; ma e manena te onimaki are e oti arona n te m'akuri ae iai te tangira iai.

I-Biribi 1:8

B'a au tia kakoaua te Atua, b'a I tangiringkami ni kabaneingkami n ai aron tangirami irouni Kristo Iesu.

I-Korote 1:4

ngkai ti ongo taekan onimakinani Kristo Iesu i roumi, ma tangiraia ake a itiaki ni kabaneia i roumi,

I-Korote 4:18

I a koroi taeka aikai n oin tabonibaiu: Kam na mauri mairouni B'auro. Kam na ururing kabaeau! E na mena te akoaki i roumi.

1.I-Tetaronike 1:3

ngkai ti aki toki, i matan te Atua are Tamara n ururinga ami m'akuri ae kanoan ami onimaki, ma ami m'akuri korakora ae kanoan ami tangira, ao ami kaantaninga ae nene i nanon ara Uea are Iesu Kristo.

1.I-Tetaronike 2:17

Ma ngaira, taari, ngkai ti raure ma ngkami n rab'atara, ma tiaki n nanora, n te tai ae aki maan, ao a rangi ni korakora nanora ma n ingainga ni kan nori matami, ngkai ti rangi n tangiringkami.

1.I-Tetaronike 2:9

Taari, kam bon uringa ara m'akuri b'a e kakua ao e kanganga; ngke ti m'akuri n te bong ao n te ngaina, b'a ti aonga n aki karawawata temanna i buakomi n ara tai n tataekina ana euangkerio te Atua nako imi.

1.I-Tetaronike 3:7

Ma ngaia aei, taari, i buakoni kain nanora ma rawawatara ni bane ao a karauaki nanora i roumi n ami onimaki:

2.I-Tetaronike 1:3

Taari, ti bon riai ni katituaraoa te Atua n taai nako i bukimi, ngkae e riki rake ni matoatoa ami onimaki, ao e kabatiaki ami i-tangitangiri ni kabaneingkami.

1.Timoteo 1:5

Te kaantaninga i bukin te bae ti tuangko iai, b'a e na reke i rouia te tangira ae bwebwerake man te nano ae itiaki ao mani mataniwin te nano ae e raoiroi ma te onimaki ni koaua.

2.Timoteo 1:3

I katituaraoa te Atua, ae I toro i rouna ma mataniwin nanou ae itiaki, n ai aron are a karaoia naba au bakatibu. I katituaraoia n taai nako ake I uringko iai n au tataro n te ngaina ao te bong.

Biremon 1:5

ngkai I ongo taekan am tangira nakoia ake a itiaki ni kabaneia, ma onimakinan te Uea are Iesu i roum.

Ebera 13:3

Ururingiia akana kabaeaki b'a buure b'a kanga ai aron ae kam kabaeaki ma ngaiia; ao akana b'ainikirinaki n ai aron ae boni ngkami naba ngaiia n rab'atami.

Ebera 13:7

Kam na ururingiia ami taani kairiri ngkoa, ake a tataekina ana taeka te Atua nako imi; kam na taratarai aroia ni maiuia ma mateia, ao kam na kakairi n aia onimaki.

1.Ioane 3:23

Ao aio ana tua, b'a ti na onimakina aran Natina are Iesu Kristo, ao ti na i tangitangiri, n ai aron taekan te tua are E anganira te Atua.