1.I-Tetaronike 3:2 - Te B'aib'ara

² ao ti kanakoa Timoteo, ae tarira, ae raora ni m'akuri i bukin te Atua, n tataekinan euangkerioni Kristo, b'a e na kateimatoaingkami ma ni kaungaingkami n ami onimaki;

1.I-Tetaronike 3:2 ပူးပေါင်းရင်းမြစ်များ

M'akuri 16:1

E roko naba B'auro i Rerebe ao i Rutetera; ao noria, e mena iai te aomata ae onimakina Iesu, ae arana Timoteo; tinana bon te I-Iutaia ae onimakina naba Iesu, ao tamana te I-Erene.

M'akuri 16:5

Ma ngaia are, a kakorakoraki ekaretia nakon te onimaki, ao a kabatiaki kaaia n te bong ae koraki.

M'akuri 18:5

Ngke a roko Tira ma Timoteo mai M'aketonia, ao akea ana m'akuri B'auro b'a ti te tataekina ana taeka te Atua, ni kaota raoi nakoia I-Iutaia b'a bon te Kristo Iesu.

I-Rom 16:21

E kamauringkami Timoteo, are raou ni m'akuri; ao a kamauringkami naba au bu aika Roukio, ma Iaton, ma Totibatero.

1.I-Korinto 3:10

N aron ana b'ai n tituaraoi te Atua are E a tia n anganai, ao I riki b'a te tia kateitei ae rabakau: I kawenea aana, ao e kateitei i aona temanna. Ma te aomata ane kateitei e na taratara raoi aron ana kateitei.

1.I-Korinto 4:17

Anne bukin ae I kanakoa iai Timoteo nako imi, ae natiu ae tangiraki ae kakaonimaki, i nanon te UEA, b'a e na kauringngkami taiani koaua aika I nakonako iai n onimakinan Kristo Iesu; ao boni ngaai naba aika I reireiniia iai kaain te ekaretia n taabo ni kabane.

2.I-Korinto 1:1

Mairouni B'auro, ae ana tia tuatua Kristo Iesu n nanon te Atua, ao mairoun Timoteo ae tarira, nakon ana ekaretia te Atua i Korinto, ao nakoia ake a itiaki ni kabaneia ake a mena i Akaia ni kabuta.

2.I-Korinto 1:19

B'a Natin te Atua, are Iesu Kristo, are tataekinaki nako imi i roura i rou ma Tirouano ma Timoteo, E aki nano tiotio i marenan te “Eng” ao te “Tiaki”, ma bon ti te “Eng” i Rouna.

2.I-Korinto 2:12

Ma ngke I roko i Teroa i bukin tataekinan euangkerioni Kristo, ao E a tia ni kauka te kawai nako iu te UEA i bukin au m'akuri ikekei;

2.I-Korinto 2:13

ma e aki rau tamneiu ngke e aki reke i rou Tito are tariu. Ma ngaia are I kabo ma ngaiia ao I nako M'aketonia.

2.I-Korinto 8:23

Ao i bukini ngkanne Tito, bon raou ae e m'akuri ma ngai i bukini buokami; ao i bukiia taari ake a na m'ananga ma Tito, bon aomata aika kam'anangaaki i bukin taian ekaretia; taan neboa Kristo n aia m'akuri.

I-Biribi 1:25

I aki nanokokoraki n aei, ao I ataia b'a N na bon tiku ni maiu, ao N na reitaki ma ngkami ni kabane b'a a aonga n rikirake ami onimaki ma ami kim'areirei iai.

I-Korote 1:1

Mairouni B'auro, ae ana tia tuatua Kristo Iesu n nanon te Atua, ao mairoun Timoteo ae tarira,

I-Korote 1:7

N ai aron are kam reireiaki iai iroun Eb'abera are raora ni m'akuri ae tangiraki, ae ana tia m'akuri Kristo ae kakaonimaki, ae onei mwira ni m'akuri.

I-Korote 4:12

E kamauringkami Eb'abera, ae raomi, ae ana toro Kristo Iesu, ae e aki toki ni kakorakora n tatataro i bukimi b'a kam aonga n ata raoi te bae E tangiringkami iai te Atua b'a kam na karaoia, ao b'a kam na kabanea ni karaoia.

I-Korote 4:9

Raona ni m'ananga bon Onetimo, ae te tari ae kakaonimaki ae tangiraki, ae bon raomi. A na kaongoraingkami b'aai ni kabane aika karaoaki ikai.

1.I-Tetaronike 3:13

b'a E na kateimatoai nanomi, b'a a aonga n itiaki ma n akea kabuakakakiia i matan Atuara ae Tamara, ngkana E roko ara Uea are Iesu ma ana aomata aika itiaki ni kabaneia.

1.I-Tetaronike 3:5

Ma ngaia arei, ngke I aki kona ni kamaanai riki n taona nanou, ao I kanakoa Timoteo nako imi b'a I aonga n ata aron ami onimaki; b'a I raraoma ngkana tao kam a tia ni kairaki iroun te tia kariri, ao a matebuaka ara m'akuri.

2.I-Tetaronike 2:17

E na kaninikoriai ma ni kateimatoai nanomi ni m'akuri ni kabane aika raraoi, ma taeka nako aika raraoi.