1.I-Tetaronike 2:5 - Te B'aib'ara

⁵ B'a ti bon aki taetae ni karangingkami, n ai aron ae kam ataia: ao ti aki taetae ma nanora ni kani b'aib'ai ae raba, ara tia kakoaua te Atua.

1.I-Tetaronike 2:5 ပူးပေါင်းရင်းမြစ်များ

Iobi 16:19

Bon iai temanna i karawa ae na tei i buku.

Iobi 17:5

N taian taeka n rabakau ngkoa ao te aomata e na kam'anea raoraona i bukin te m'ane, ao ane a na kainano natina.

Taeka n Rabakau 20:19

Kararoako man taiani winanti— a tuangko b'aai ni kabane.

Taeka n Rabakau 26:28

Tarataraia raoi akana a tataekina te kewe ma te karang a otinako b'a a na raweiko.

Taeka n Rabakau 28:23

E butim'aeaki riki te reirei ae e raoiroi nakon te kamoamoaaki.

Itaia 30:10

ao a tia n taetae ni kaangai nako ia ana tia uarongorongo nako ma ana burabeti nako: Kam na aki tuangiira te b'ai ae e a tia ni kaotia te Atua nakoimi ao kam na aki kab'arab'araa te koaua. Kam na ti taekina ae ti tangiria b'a ti na ongo, e aoria ngkana e kaairua.

Itaia 56:11

Bon te koraki ni kamea aika a baki ngkami taan kairiiri aika kam nanobaba aika aki konaa ni ngae nanomi. Bon taani kaawakintiibu ngkami aika kam kairiia ami tiibu nakon te maiu n aonikai.

Ieremia 6:13

A bane aomata n nanonrang ma ni buakaka, te kaub'ai ma te kainano. Ni karokoa naba taian burabeti ao ibonga bon akea naba onimakinaia.

Ieremia 8:10

N na anga buuia ma aia tawaana nako ia ianena. A a bane n nanonrang ao n aki raoiroi aomata nako, te kainano ke te kaub'ai. Bon akea naba onimakinaia burabeti ma ibonga.

Mika 3:5

A tia ni keweaki au aomata irouia burabeti ake a taetae ni burabetiia te rau nakoia ake a reke booia mairouia, ao te buaka nakoia ake a aki reke booia mairouia.

Maraki 1:10

Tera ngke iai temanna ae e kaini mataroan au Tembora, b'a kam aonga ni katoka kabanebuakaan ami tai ni kauraa te ai i aon au baonikarea. I aki kukurei iroumi ngkami aika ibonga, a akea riki ami angab'ai ae N na manga butim'aia.

Mataio 22:16

A kanakoia aia reirei nako Ina, ao raoia aomata tem'angina ake kaain ana botaki Erote. A taku, “Te Tia Reirei, ti ataiko b'a Ko taekina te koaua, ao Ko reirei taekan aron te Atua i bukiia aomata, ao Ko aki mutiakin aroia aomata, b'a Ko aki nanonano n aron taraakin aroia aomata.

Mataio 23:13

Ma a na reke kaimi, taani koroboki ma B'aritaio, aika taani m'am'ana-te-aba! B'a kam kaina mataroan Uean te Atua nakoia aomata; ao ngkami kam aki rin, ao kam tukiia akana kan rin iai.

M'akuri 20:33

I aki mataiakina ana tirewa te aomata, ma ana koora, ma ana kunnikai.

I-Rom 1:9

B'a te Atua bon te tia kakoauai au taeka, ao boni Ngaia ae I toro i rouna n tamneiu i bukin tataekinan euangkerion Natina, b'a I aki toki n uringngkami

I-Rom 16:18

B'a a aki toro iroun ara UEA are Kristo aomata aika aroia akanne, ma a m'akuri i bukini birotoia. A bureburei nanoia aomata aika a kai rairaki aia iango n aia taeka aika kareke nano ao n aia taeka ni karang.

I-Rom 9:1

I atonga te koaua; I aki kewe i bukina b'a ana aomata Kristo ngai, ao e buokai mataniwin nanou are kairaki iroun te Tamnei are Raoiroi, ni kakoauaai naba b'a I aki kewe

2.I-Korinto 12:17

Iai i buakoia ake I kanakoia nako imi ae I kabonganaia b'a kawaiu ni burebureingkami n anai ami b'ai mai roumi?

2.I-Korinto 2:17

B'a tiaki aroia aomata aika bati ngaira, ake a b'aini bob'aia ana taeka te Atua b'a a aonga ni kaub'ai iai; ma ti kanakoaki iroun te Atua, ao ti taetae i matana ma te nano ae itiaki i bukini Kristo.

2.I-Korinto 4:2

ma ti aki maiuakini baika raba aika b'aai ni kamamaa, ao ti aki b'aina te maiu ni bureburea te aba; ao ti aki naba kab'aoua ana taeka te Atua. Ma ti kaotioti arora aika raraoi, ni kaotiotan te koaua nakoni mataniwin nanoia aomata ni kabaneia i matan te Atua.

2.I-Korinto 7:2

Kaota ami tangira nako ira; akea temanna ae ti karaoa ae kairua nako ina; akea ae ti urua maiuna ae raoiroi, ao akea ae ti burebureia.

I-Karatia 1:20

Ao noria, I bon aki kewe i matan te Atua ni baika I koroi.

1.I-Tetaronike 2:10

Ara taani kakoaua ngkami ma te Atua naba, n arora ake ti b'ain nako imi, ngkami aika kam onimaki; b'a ti b'aina te maiu ae itiaki ae karaoa nanon te Atua ao ae akea kabuakakana.

1.Timoteo 3:3

e na aki riki b'a te tia manging, ke te tia oro; ma e na taotaona nanona n aki un, ao e na tai baki tianti.

1.Timoteo 3:8

Ao ai aroia naba taani buobuoki, a na taua ma nanoia, a na taekina te koaua, a na tai manging, ao a na tai kani b'aib'ai n te aro ae aki riai!

Tito 1:7

B'a te mataniwi n te ekaretia, ngkai ana touati te Atua ngaia, ao e riai n akea kabuakakaana. E na tai b'ab'aotiniia aomata, e na tai kakai un, e na tai mamanging, e na tai kakai oro, ao e na tai kani b'aib'ai n te aro ae aki riai;

1.Betero 5:2

kam na tararua raoi ana nanai te Atua ma ni kawakinna raoi, tiaki n te aro ae kam kairoroaki iai; ma kam na kawakinna ma te nano ni kukurei n ai aron nanon te Atua. ao kam na kawakinna naba, tiaki i bukin te kanib'aib'ai n te aro ae aki riai, ma i bukina b'a bon iai nanomi ae korakora nako iai;

2.Betero 2:18

B'a ngke a atongi taeka ni kainikatonga aika ria nako aika akea manenaia, ao a kamanena ni kabatiai kaib'ab'arun te rab'ata b'a kanga abeaia i bukini kam'aneaia akana moanna ni butaki nako mai buakoia akana maeka i buakon te buakaka.

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.

Iuta 1:11

A na reke kaiia! B'a a karaoa te baere e karaoia Kain, ao a kataua karaoan te kaairua are e karaoia B'araam i bukini kani karekeani boon aia m'akuri. A rawa ni kan tautaekanaki n ai aroni Kora, ao a mate.