1.I-Tetaronike 2:17 - Te B'aib'ara

¹⁷ Ma ngaira, taari, ngkai ti raure ma ngkami n rab'atara, ma tiaki n nanora, n te tai ae aki maan, ao a rangi ni korakora nanora ma n ingainga ni kan nori matami, ngkai ti rangi n tangiringkami.

1.I-Tetaronike 2:17 ပူးပေါင်းရင်းမြစ်များ

Karikani B'aai 31:30

I ataia b'a ko a nako b'a ko a rangi ni kan nakon am auti, ma e aera ngkai ko iraei bouan antin te utu?”

Karikani B'aai 45:28

Ao e taku, “E boni maiu natiu are Ioteb'a. Bon ti anne te b'ai ae I kan ongo taekana. N nangi nako ngkai n nooria i m'aini mateu.”

Karikani B'aai 48:11

Ao e taku Iakob'a nakon Ioteb'a, “I aki kantaningaia b'a N na manga nooringkami riki, ao ngkai, E a tia te Atua ni karekea au tai n nooriia natim.”

2.Tamuera 13:39

E bon rangi nanokawaki Tawita i bukin buan natina are Amnon, n te aro are e tangiria ni kam'anangaa ana taanga ni buaka nako ikekei n taua Abetarom.

2.Uea 5:26

Ao e taku Eritai, “Ko aki ataia b'a e mena tamneiu n te tabo are e ruo iai Naaman man ana kaanibuaka ni butim'aiko? Keati, bon akea kariaiakam b'a ko na butim'aea te m'ane, ke te kunnikai, ma nne n aroka aika oriwa ao nnen arokan te kureebe, ma taian atiibu ke taiani kao, ke taani m'akuri.

Taian Areru 63:1

Te Atua, bon Atuau Ngkoe, I kakorakoraai n ukoukoriko; E kai nanou n tangiriko; kanga ai aron aontano ae m'auteretere ae e mate aona b'a akea te ran iai.

Ruka 12:58

Ngkana ko nako ma te aomata are bukiniko nakon te tia moti, ao ko na kataa ae ko kona ni karekea te raoi i marenam ma ngaia i aon te kawai, b'a e kawa ni katikiko nakon te tia moti, ao te tia moti e na anga ngkoe nakon te bureitiman, ao te bureitiman e na kaakiko i nanon te karabuuti.

Ruka 22:15

Ao E taku nako ia, “E a kaman kariaria nanou ni kani kana am'araken te Riao aei ma ngkami i m'ain ae e roko i Rou te karawawataki ae N na mate iai.

M'akuri 17:10

Ngke e a bon tib'a roo ao a kanakoaki naba B'auro ma Tira irouia taari nako Beroia; ao ngke a roko iai, ao a rin ni m'aneabaia I-Iutaia.

I-Rom 1:13

Ma I tangiringkami, tariu, b'a kam na ataia b'a e m'aiti au tai ae I a tia ni baireia b'a N na nakoimi iai, ma iai te b'ai ae aki toki n tototokoa m'anangau ni karokoa naba te tai aei. I kan rairiia naba tem'angina i buakomi nakon te UEA, n ai aroia ake a tia n rairaki i rou i buakoia botannaomata ake tiaki I-Iutaia.

I-Rom 15:23

Akea ngkai au m'akuri n taabo aikai, ao I a kaman tangiria i nanon ririki aika bati b'a N na kawaringkami,

1.I-Korinto 5:3

Ao I boni ngae n raroa nako mai roumi n rab'atau, ma I boni mena i roumi n tamneiu; ao ngke kanga I mena i roumi, ao I a kaman tia, n aran ara UEA are Iesu Kristo, ni motika taekan te aomata are karaoa te aro ni kammaira anne.

I-Korote 2:5

B'a I boni ngae n aki mena i roumi n te rab'ata, ma I boni mena naba i roumi n te tamnei; ao I kim'areirei n noran aromi aika riai ma aromi n teimatoa n onimakina Kristo.

1.I-Tetaronike 3:6

Ma ngkae e a roko Timoteo i roura i mwin okina mai roumi, ao e kaongoraeira n taeka aika raraoi aika taekan ami onimaki ma ami tangira; ao e tuangiira naba b'a kam aki toki n ururingiira ma te kukurei, ao kam rangi ni kan norira, n ai arora naba ngkai ti rangi ni kan noringkami.