1.I-Tetaronike 2:13 - Te B'aib'ara

¹³ Ao aei naba bukin te bae ti aki toki ni katituaraoa iai te Atua: b'a ngke kam butim'aea ana taeka te Atua mai roura, ao kam kaki i nanomi b'a tiaki aia taeka aomata, ma n etina ni koaua, bon ana taeka te Atua ane m'am'akuri i nanomi ngkami akana kam onimaki.

1.I-Tetaronike 2:13 ပူးပေါင်းရင်းမြစ်များ

Ieremia 44:16

Ieremia ti bon aki tabe ngkana ko taetae n aran te UEA. Ti na bon aki kan ongo!

Akai 1:12

A ongo taeka Terub'abera ao Iotua, n reitaki ma koraki ake a tia n oki man te kataenikaiaki i B'aburon, nakon ana rongorongo te UEA are e taekinaki iroun ana burabeti are Akai, ao a moana karaoan karinean raoi te UEA.

Mataio 10:20

B'a tiaki ngkami ake kam taetae, ma bon Tamnein Tamami are taetae mai roumi.

Mataio 10:40

Ane m'aneingkami n akoingkami, ao e m'aneai n akoai; ao ane m'aneai n akoai, ao e m'anea n akoa Teuare kanakoai.

Ruka 11:28

Ao Ngaia E kangai, “Te koaua, ma a kab'aia riki akana ongo ana taeka te Atua ao a kawakinna!”

Ruka 5:1

N te tai teuana, ao E tei Iesu i rarikin te nama are Kennetareta, ao a karib'a aomata i bukini kan ongoraaia n ana taeka te Atua.

Ruka 8:11

Aio nanon te rongorongo ni kabotau; Te koraa bon ana taeka te Atua.

Ruka 8:21

Ma E taku nako ia, “Tinau ma tariu bon aomata ake a ongo ana taeka te Atua ao a karaoia.”

Ioane 15:3

Ao ngkami, kam a kaman tia ni kaitiakaki n te taeka are I a tia n atongnga nakoimi.

Ioane 17:17

Ko na tabuia n am taeka aika koaua; te koaua am taeka.

Ioane 17:19

Ao I tabuai i bukiia, b'a a aonga n tabuaki n am taeka aika koaua.

M'akuri 10:33

Ma ngaia are, I a kanakoia naba aomata nako im; ao iai nanom ae e raoiroi b'a ko roko. Ma ngaia ae ti bane ni mena ikai i matan te Atua, b'a ti na ongora ni b'aai ni kabane ake ko tuangaki mairoun te UEA.”

M'akuri 13:48

Ngke a ongo aei aomata aika tiaki I-Iutaia, ao a kim'areirei, ao a kamoamoa ana taeka te Atua; ao a onimaki aomata ake a rineaki nakon te maiu are aki toki.

M'akuri 16:14

E ongora iroura te aine temanna ae arana Nei Ruria, ae te I-Tuateira, ae te tia kaboa nako te kunnikai ae uraro. E tataromauria te Atua, ao E kauka nanona te UEA b'a e na butim'aai baike e taekini B'auro.

M'akuri 17:11

A raraoi riki nanoia I-Iutaia i Beroia nakoia ake i Tetaronike, b'a a kani kaaki i nanoia ana taeka te Atua, ao a katoa te bong ae koraki n ukeuke n te B'aib'ara, b'a a kani kakoauai baike a taekinaki.

M'akuri 17:32

A kakaniko tem'angina ngke a ongo taekaia maate b'a a kona ni manga uti; ao a taku ake tem'angina, “Ti a manga ongora i roum n taekan naba te baenne.”

M'akuri 2:41

A b'abetitoaki ngkanne aomata ake a butim'aea ana taeka Betero, tao 3,000 m'aitiia, ao a ikotaki ma m'aitiia taan onimaki n te bong arei.

M'akuri 8:14

Ngke a ongo taan tuatua ake a mena i Ierutarem b'a a onimakina ana taeka te Atua I-Taamaria, ao a kanakoa Betero ma Ioane nakoia;

I-Rom 10:17

Ma ngaia ae e reke te onimaki man te ongora n te rongorongo, ao te ongora n te rongorongo e reke man tataekinani Kristo.

2.I-Korinto 3:18

Ao ngaira ni bane ma matara aika aki rabunaki, aika ti nora mimitongin te UEA kanga n te tirotaam, ti tabe n onikaki nakoni katotongana man te mimitong teuana nakon teuana; ao e riki aei mairoun te UEA ae te Tamnei.

I-Karatia 4:14

E riki mamarau b'a te kangaanga nakoimi, ma kam aki kaota ae kam kakeaa bongana ke kam ribaia; ma kam m'aneai n akoai b'a kanga ai aron ana anera te Atua ngai, ao b'a kanga ai aroni Kristo Iesu.

I-Korote 1:6

are roko i roumi ao i aonnaba ni kabane: ao e kariki uaa ma n riki rake naba i nanomi man te bong are kam ongo taekana iai, ao n ata raoi ana akoi te Atua n arona ni koaua.

Ebera 4:12

B'a e maiu ana taeka te Atua, ao e m'am'akuri ao e kakang riki nakoni kabaang aika uaitera wiia ni kabane, ao e ewara nako te aomata nakon te tabo are a kaitibo iai te maiu ma te tamnei, ao taian toma n ri ma kanoan ri; ao e atai raoi ana iango te nano ma baika riki iai.

Ebera 4:2

B'a e a tia n taekinaki te euangkerio nako ira, n ai aroia; naba; ma e matebuaka i rouia te rongorongo are a ongo, b'a a aki b'aina naba te onimaki are e reke irouia te koraki ake raoia n ongora.

Iakobo 1:18

E karikira n oin nanona, n te taeka are te koaua, b'a ti na riki b'a kanga moani-b'ai i buakoia akana karikaki i rouna.

1.Betero 1:23

B'a n ana taeka te Atua, ae te taeka ae maiu ae teimatoa, ao ai aron ae kam a manga bungiaki, tiaki mairoun te karo ae mamate, ma mairoun te karo ae aki mamate.

1.Betero 1:25

ma ana taeka te Uea e teimatoa n aki toki.” Ao te taeka aei bon te euangkerio ae tataekinaki nakoimi.

1.Betero 2:2

ao kam na tangira te miriki ae itiaki ae b'ain te nano, n ai aroia merimeri aika tib'a bungiaki, b'a kam aonga n ikawai iai ao kam kamaiuaki;

2.Betero 3:2

b'a kam aonga n uringi taeka ake a taekinaki ngkoa i rouia burabeti ake ana aomata te Atua, ao b'a kam aonga n uringi naba ana tua te Uea are te Tia Kamaiu, are te tua are taekinaki nakoimi irouia taan tuatua.

1.Ioane 3:3

Ao aomata nako aika iai i rouia te kaantaninga aei, ae kaantaningan Teuarei, a kawakinia b'a a na itiaki ni maiuia, n ai aroni Kristo ngkae E itiaki ni maiuna.