1.I-Tetaronike 1:8 - Te B'aib'ara

⁸ B'a e aki ti katanoataki n aromi ana taeka te Uea i M'aketonia ma Akaia, ma e a tia naba n tanoata taekan onimakinan te Atua i roumi n taabo ni kabane; ma ngaia ae akea te bae kainanoaki b'a ti na taekinna.

1.I-Tetaronike 1:8 ပူးပေါင်းရင်းမြစ်များ

Te Otinako 18:9

Ao e rangi ni kukurei Ietero ngke e ongo baikai,

Itaia 2:3

A na m'aiti aomata ake a na roko ao a na kaangai, “Ti a nakon ana Maunga te UEA ae Atuan Iakob'a ma n taromauri n ana Tembora.” E na reireiniira te UEA ana Tua mai Ierutarem, ao ti na ongotaeka i rouna.

Itaia 52:7

Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

Itaia 66:19

man kakoauaan te b'ai ae I konaa ni karaoia. N na karokoia taiani nikira ni maiu mai Taretiti, Bura, Ruuta, Meteka, Tubara, Iawan, ni karokoa abam'akoro ake a raroa nako. N na kanakoia b'a a na katanoataa mimitongiu ae e kamimii nakoia botannaomata nako aika a tuai man ongongo taekau.

M'akuri 18:12

Ma ngke te tia tautaeka i Akaia Kario, ao a kabo nanoia I-Iutaia n eweka B'auro, ao a kairia nako matan te tabo ni motiki-taeka

I-Rom 1:8

I rimoa moa ni kaitaua Atuau iroun Iesu Kristo i bukimi ni kabaneingkami, i bukin ami onimaki ae taekinaki i aonnaba ni bane.

I-Rom 15:26

B'a a kukurei nanoia I-M'aketonia ma I-Akaia n anga b'aai n tituaraoi i bukiia ake a aki kaub'ai i buakoia ana aomata te Atua ake a mena i Ierutarem.

I-Rom 16:19

B'a e ataaki aromi n ongeaba nakon te UEA irouia aomata ni kabaneia, ao aei bukin ae I kim'areirei iai i bukimi. Ma I tangiringkami b'a kam na wanawana n ata te bae raoiroi, ao kam na nano roo nakoni karaoan te bae buakaka.

1.I-Korinto 14:36

E nako mai roumi ana taeka te Atua? Ke e roko i roumi n ti ngkami?

2.I-Korinto 2:14

Ma e na katituaraoaki te Atua, are Ngaia ae aki toki ni kairira irouni Kristo n te m'aati n tokanikai; ao E kabonganaira ngaira aika taani kabuta ataakini Kristo nakon taabo nako b'a kanga ai aron te boi ae boiarara.

2.I-Korinto 3:4

Ti atonga aei i bukina b'a iai i roura te aki nanokokoraki iroun te Atua i nanoni Kristo.

I-Korote 3:16

E na titiku ni maeka ana taeka Kristo i nanomi; ao kam na anenei taekan Taian Areru ma anene ma kuuna aika kam kairaki iai iroun te Tamnei; kam na anene nakon te Atua ma te nano ni katituaraoi.

2.I-Tetaronike 1:4

Ma ngaia ae ti kamoamoaira i bukimi i buakoia ana ekaretia te Atua, i bukin taonan nanomi ma ami onimaki ri buakon taiani b'ainikirinaki ma rawawata ni kabane aika kam taonaki iai.

2.I-Tetaronike 3:1

Te kabanea ngkanne: taari, kam na tataro i bukira b'a e na waekoa ni buta nako ana taeka te Uea, ao e na butim'aeaki ni karineaki, n ai aroarona naba i roumi.

1.Timoteo 2:8

Ma ngaia ae I tangiriia mm'aane b'a a na arori baiia aika aki karaoa ae buakaka ao a na tabeki rake n tataro n taabo nako, n aki un ma n aki kauntaeka.

2.Timoteo 2:9

ae I kamarakaki i bukina ao I kabaeaki n taurekereke i bukina b'a kanga ai aron te kam'arua ngai. Ma e bon aki kabaeaki n taurekereke ana taeka te Atua.

3.Ioane 1:12

E tataekinaki ni kamoamoaki Temeterio irouia aomata ni kabaneia, ao ni maiuna ni b'ab'aina te koaua; ao e tataekinaki naba ni kamoamoaki iroura; ao ko ata ara kaotioti b'a e boni koaua.

Te Kaotioti 14:6

Ao I nora te anera temanna b'a e kibakiba i eta ike e rietaata i aani karawa, ao iai i rouna te rongorongo ae e raoiroi n aki totoki are e na tataekinna nakoia aomata ake a mena i aon te aba, ao nakoia botannaomata ni kabaneia ma baronga ma natanaomata ma aomata nako aika a kakaokoro aia taetae.

Te Kaotioti 22:17

Ao E kaangai te Tamnei are Raoiroi, ma te aine are a tib'a mareaki, “Mai.” Ao ane ongo e na kaangai naba, “Mai.” Ao ke e nako mai ane kani moi; ao ke e anaa te ran ni maiu ane kan anaia, n aki kaboa.