1.I-Tetaronike 1:10 - Te B'aib'ara

¹⁰ ao ni kaantaninga Natina mai karawa are E a manga kamaiua mai buakoia maate, are Iesu, are kamaiura man unin te Atua are e nangi roko.

1.I-Tetaronike 1:10 ပူးပေါင်းရင်းမြစ်များ

Karikani B'aai 49:18

“I tataningaa am m'akuri ni kamaiu te UEA.

Mataio 1:21

Ane e na bungia te nati te mm'aane, ao ko na aranna b'a Iesu, b'a Ngaia ae na kamaiuia aomata man aia bure.”

Mataio 16:27

B'a ane E na nakomai Natin te aomata ma ana anera i nanoni mimitongin Tamana; ao ane E na angania aomata ni kabaneia booni mwin aia m'akuri.

Mataio 16:28

E koaua ae I a tuangngkami b'a a na aki mate tabem'aang i buakoia aika tei ikai, ngkana a tuai n nora Natin te Aomata ngkana E nako mai ma ueana.”

Mataio 3:7

Ngke e noriia B'aritaio ma Tarukaio aika bati Ioane b'a a roko b'a a na b'abetitoaki, ao e taku nako ia, “Ngkami aika buniia naeta, antai ae tuangngkami b'a kam na biri nako man te un are a kan roko?

Ruka 2:25

N te tai anne ao iai te aomata temanna i Ierutarem ae arana Timeon. Teuaei e b'aina te maiu ae raoiroi i matan te Atua ao e kakaonimaki; e kaantaninga te tai are na buokaki iai Iteraera man rawawatana, ao e mena i rouna te Tamnei are Raoiroi.

Ruka 3:7

E taku ngkanne Ioane nakoia te koraki n aomata aika bati ake a roko b'a a na b'abetitoaki i rouna, “Ngkami aika buniia naeta!” Antai ae tuangngkami b'a kam na biri nako man te rekenikai ane nangi roko?

M'akuri 1:11

ao a taku, “Mm'aane aika I-Kariraia, kam aera ngkai kam tei n tara rake nako karawa? Iesu aei, are uotaki rake mai roumi nako karawa, E na manga nako mai n te aro ae ti te bo naba ma aron ae kam noria iai ngkai, ngkae E nako karawa.”

M'akuri 17:31

i bukina b'a E a tia ni motika te bong are E nang kaeti iai taekaia kaain aonnaba n te raoiroi iroun te Aomata are E a tia n rineia; ao E kaota koauana nakoia aomata ni kabaneia, ngke E a manga kamaiua mai buakoia maate.

M'akuri 2:24

ma E a manga kamaiua te Atua ao E kainaomata man te mate: b'a E aki konaaki n tauaki Iesu ni m'aakan te mate.

M'akuri 2:32

E a manga kamaiuaki Iesu aei iroun te Atua, ao bon taani kakoaua manga-utina ngaira ni kabaneira.

M'akuri 3:15

ao kam kamatea Uean te maiu, are E a manga kamaiua te Atua mai buakoia maate, ao bon taani kakoaua ngaira nakoni baikai.

M'akuri 3:21

E riai tikuna i karawa ni karokoa te tai are a bane iai b'aai nako ni kaokaki nakon aroia ngke a moa ni karikaki, n aron are E taekinna te Atua ni wiia burabeti ake ngkoa, ake a tia ni kabane maiuia i bukina.

M'akuri 4:10

ao e na ataaki iroumi ni kabaneingkami, ao irouia naba kaain te botannaomata ae Iteraera: b'a n aran Iesu Kristo are te I-Natareta, are kam kamatea n te kaibangaki, are E a manga kamaiua te Atua mai buakoia maate, boni Ngaia ae kamaiua teuae tei ni marurung i matami.

I-Rom 1:4

ma ni maiuna n tamnei are reitaki ma te Atua, ao E kaotia te Atua n te aro ae m'aaka b'a bon Natina ngke E a manga kamaiua mai buakoia maate.

I-Rom 2:7

Nakoia ake a ukoukora te neboaki ma te karineaki ma te aki-mamate, n aia botum'aka ni kakaraoi m'akuri aika raoiroi, ao te maiu are aki toki.

I-Rom 4:25

are E anga te Atua b'a E na tiringaki i bukin ara bure; ao E a manga kamaiua i bukira, b'a a aonga ni kaetaki arora n reitaki ma te Atua.

I-Rom 8:34

Ao antai ae na kabureia? Kristo Iesu boni Ngaia are mate, are E a manga uti mai buakoia maate, ao are E mena naba i angaatain te Atua ni bububuti i bukira.

1.I-Korinto 1:7

Ma ngaia are akea te b'ai n tituaraoi teuana ae akea i roumi, ngkai kam tiku ni kaantaninga kaotan ara UEA are Iesu Kristo.

I-Karatia 3:13

E kainaomataira Kristo man te rekenikai are n te Tua, ngkae E karaoa are E na reke kaina iai i bukira, b'a e koreaki ae kaangai, “E a reke kain te aomata ae tauraki n te kai:”

I-Biribi 3:20

B'a I-Karawa ngaira, aika ti kakariaria te Tia Kamaiu, are te UEA are Iesu Kristo b'a E na roko mai karawa;

I-Korote 1:18

Ao Ngaia bon atun te rab'ata, ae te ekaretia; Ngaia ae reke mai Rouna maiun te ekaretia, ao te moa n Nati ni kamaiuaki man te mate, b'a e aonga ni moanibaan te kakannato i aoni b'aai ni kabane.

1.I-Tetaronike 1:7

ao i bukin aromi aei ao kam riki b'a te banna ni kakairi nakoia ni kabaneia ake a onimaki i M'aketonia ao i Akaia.

1.I-Tetaronike 2:16

ao a kataia n tukiira b'a ti na aki taetae nakoia aomata aika tiaki I-Iutaia, n taeka aika a na kamaiuaki iai.

1.I-Tetaronike 2:7

E boni ngae ngke iai ara kona n tangiri b'aai i bukira mai roumi, ngkai ana tia tuatua Kristo ngaira; ma ti nimamannei i buakomi, n ai aron te tia tob'a ngkana e akoia oin natina.

1.I-Tetaronike 5:9

B'a tiaki ana kaantaninga te Atua b'a E na kareke kaira, ma ana kaantaninga b'a ti na karekea te maiu iroun ara Uea are Iesu Kristo,

2.Timoteo 4:1

I tuangko i matan te Atua, ma Kristo Iesu, are nangi motiki taekaia akana maiu ma akana mate, ao i bukin ae E nangi roko n tautaeka b'a te Uea Ngaia:

Tito 2:13

ngkai ti tataninga te bongi ni kab'aia are ti kaantaningaia b'a e na roko ngkana e kaoti mimitongin Atuara ae kakannato ma te Tia Kamaiu are Iesu Kristo.

Ebera 10:27

ma ti te tiku ma te maaku n tataninga rokon te motikitaeka ma te ai ae ura m'aka, ae na kamaunaia ana kairiribai te Atua.

Ebera 9:28

ao ai aron naba Kristo: b'a ti teuana te tai are E riki iai b'a te karea Ngaia ni kamaunai aia bure aomata aika bati. E na kaoti te kaua tai nakoia ake a kaantaningaia i bukini kamaiuaia, ma E na aki katabea n te bure.

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.

1.Betero 1:3

E na karaoiroaki te Atua ae Taman ara Uea are Iesu Kristo, b'a man ana nanoanga ae bati ao ti a anganaki te maiu ae boou ma te kaantaninga ae nene ni manga-utin Iesu Kristo man te mate;

1.Betero 2:21

B'a kam weteaki nako iai: b'a E kamarakaki naba Kristo i bukimi, ao E katuka nakoimi te aro ae kam na kakairi iai, b'a kam aonga n tou mwini m'anekana.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

2.Betero 3:12

ngkai kam tataninga ana bong te Atua ma ni bareka rokon te bong are e na bue iai ma ni mauna nako karawa, ao a na riki n ran b'aai n te kabuebue!

2.Betero 3:14

Ma ngaia aei, ngkami aika kam tangiraki, ngkai kam tiku ni kakantaninga, ao kam na kakorakoraingkami b'a kam aonga n noraki i rouna b'a akea baarekami ke te bae buakaka iroumi, ao kam rau ni maiumi

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.

Te Kaotioti 1:7

Noria, E nangi nako mai Kristo ma naang; ao a na bane maata n noria, ao uake a ewaria a na noria naba; ao a na bane n tang aomata nako i aonnaba i bukin te baere e karaoaki nakoina. Eng, Amen.