1.I-Korinto 9:5 - Te B'aib'ara

⁵ Akea ara riai b'a ti na kaiririia buura aika Kiritian, n ai aroia taan tuatua ake tabem'aang, ma tarin nako te UEA, ma Keeb'a?

1.I-Korinto 9:5 ပူးပေါင်းရင်းမြစ်များ

Ana Anene Toromon 4:12

Au kainrou, ae bon ti au b'ai, bon te nnenaroka ngkoe, te koburake n ran ae e kainaki nakoia tem'angina.

Mataio 13:55

Tiaki natin te kabenta Teuaei? Tiaki aran tinana Nei Maria? Ao tiaki tarina Iakobo, ma Ioteb'a, ma Timon, ma Iuta?

Mataio 8:14

Ngke E rin Iesu n ana auti Betero, ao E nora tinani buuni Betero b'a e wene n aoraki n te kabuebue ae korakora.

Mareko 1:30

E wene n aoraki n te kabuebue tinani buun Timon; ao a waekoa ni kaongoa Iesu taekana;

Mareko 6:3

Tiaki te kabenta Teuaei, are Natin Nei Maria, ao are tarin Iakobo, ma Iote, ma Iuta, ma Timon? Ao tiaki a mena m'anena i roura ikai?” Ao a kaoti mataia n ribaia.

Ruka 6:15

Mataio ma Toma, Iakobo are natin Areb'aio ao Timon are aranaki b'a Terote,

Ruka 8:20

Ao a tuangnga tabem'aang ni kangai, “A tei i tinaniku tinam ma tarim b'a a kan noriko.”

Ioane 1:42

E kairia nakon Iesu; ao Ngaia E taraia ao E taku, “Timon ngkoe ae natin Ioane; ko na aranaki b'a Keeb'a.”

Ioane 2:12

I mwin aei, ao E nako Kaberenaum Iesu ma tinana, ma tarina ma ana reirei, ao a tiku iai tabe bong.

M'akuri 1:14

A aki toki uakekei ni kabaneia ni kakaonimaki ni bobotaki n tatataro, ma aine, ma Nei Maria are tinan Iesu, ma tarin nako Iesu.

I-Rom 16:1

I kan taekina nakoimi aron Nei Boibe are m'anera, b'a te aine ae e raoiroi arona. Iai naba nakoana b'a te tia buobuoki n te ekaretia i Kengkirea.

1.I-Korinto 1:12

Ae I nanonna n au taeka aei bon aei: b'a kam kangai n tatabemaningkami nako, “Raoni B'auro ngai”; ke, “Raon “Aboro ngai”; ke, “Raoni Keeb'a ngai”; ke, “Raoni Kristo ngai.”

1.I-Korinto 7:15

Ma ngkana bon nanon te aomata ae aki onimaki b'a e na kitana buuna are onimaki, ao ke e karaoia; ngkana e reke aei, ao akea te bae e na kabaeaki iai n te maiu n taanga te mm'aane ke te aine are te buu are onimaki. B'a E a tia te Atua ni weteira nakon te maiu n raoi.

1.I-Korinto 7:39

Akea inaomatan te ainenum'a ngkae e maiu buuna; ma ngkana e mate buuna, ao e a inaomata ngkanne ni manga mareaki ma te mm'aane are e tangiria, ae te Kristian.

1.I-Korinto 7:7

Ai bia arou aomata ni kabaneia! Ma a bane aomata nako n toa ma te b'ai n tituaraoi mairoun te Atua: e anganaki temanna te aeka teuana, ao temanna te aeka teuana.

1.I-Korinto 7:8

Ao ngkanne au taeka nakoia aika tuai ni mareaki ao nakoia aine aika a mate buia: b'a e raoiroi i rouia ngkana a tiku n akea buia, n ai arou.

I-Karatia 1:19

ma I aki nora te tia tuatua riki temanna, b'a ti Iakobo are tarin te UEA.

1.Timoteo 3:2

E riai iroun te mataniwi n te ekaretia b'a a na akea arona ae na kabuakakaki iai; e riai n ti temanna buna, e na taua baangina, e na b'aina te nanowanawana, e na rabakau te aroaro, e na akoia iruwa, ao e na rabakau n reireiia aomata;

1.Timoteo 4:3

a tuangiia aomata b'a a na tai iein, ao a na tai kang am'arake nako, aika E kariki te Atua b'a a na kakanaki ma te katituaraoi irouia aika onimaki ma n ata te koaua.

1.Timoteo 5:2

ao unaine b'a kanga tinam; ao ko na reitaki n te aro ae itiaki ma ateiaine b'a kanga m'anem.

Tito 1:6

Te unimm'aane e riai n te aomata ae akea kabuakakaana; e na ti temanna buuna ao taan onimaki natina aika akea i rouia te maiu buaka ke te maiu n aki ongeaba.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.