1.I-Korinto 9:27 - Te B'aib'ara

²⁷ ma I kataneiaa rab'atau n te aro b'a e aonga ni matoatoa, ao I taua taekan arou b'a kanga te toro, b'a e kawa n aki reke arou i mwin tataekinan te euangkerio nakoia tem'angina.

1.I-Korinto 9:27 ပူးပေါင်းရင်းမြစ်များ

Taian Areru 50:16

Ma E kaangai te Atua nakon ane buakaka, Tera am b'ai ngkai ko taekin au tua? Tera am b'ai ngkai ko maroroakina taekan au boraraoi?

Te Otinako 37:22

A karaoaki kaintaura, n reitaki ma taian m'aanga ao taian uee ni katamaroa, man te koora ae raneanea ae ti teuana ae e tia n amanaki.

Ieremia 6:30

ma a bon rangi ni buakaka au aomata n te aro are a aki konaa ni manga kabouaki, ao I a tia ni katinanikuia.

Ruka 18:5

ma ngkae e aki karauai te aine ae e mate buuna aei, ao N na ira taangana b'a e aonga n aki kaboraai n rorokona.”

Ruka 9:25

B'a tera te raka ae e na karekea te aomata ngkana e b'aina te aonnaba ae b'anin ao ngaia e kabua maiuna ke e karawawataki?

M'akuri 1:25

b'a e na bonota mwin Iuta n te m'akuri aei ao n nakoan te tia tuatua, are e kitanna, n nako n are boni nena.”

I-Rom 8:13

B'a ngkana kam ira nanona ni maiumi, ao ane kam na mate; ma ngkana kam katoki aromi aika buakaka n ana buobuoki te Tamnei, ao kam na maiu.

1.I-Korinto 8:13

Ma ngaia aei, ngkana e na riki te am'arake b'a te b'ai ni kab'akab'aka nakon raou n onimaki, ao N na bon aki manga kang irikomaiu, b'a I kawa n riki b'a te b'ai ni kab'akab'aka nakon tariu.

1.I-Korinto 9:25

Aomata ni kabaneia aika na ira te kabo n te takakaro a rangi n tabutabui aroia nakoni b'aai nako. A karaoa aei b'a e aonga n reke i rouia te bau ae kai mka, ma ngaira te bau ae aki kona ni mka.

2.I-Korinto 11:27

ao kanganga naba man te m'akuri ae kakua, te aki mamatu n tairiki aika bati, te baki ma te taka, te aki mamatam i nanon taai aika bati, te mariri, ao aki tauni m'aitini kunnikaiu i aou.

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

2.Timoteo 2:22

Ko na kararoako man naano ni kaib'ab'aru aika naano n rorobuaka n ataei; ao ko na kataa ae ko kona, ni karaoa nanon te Atua, ni b'aina te kakaonimaki, te tangira, ma te raoi; ko na karaoi baikai ni botaki ma te koraki aika m'anewea aran te Uea ma nanoia aika itiaki.

1.Betero 2:11

Ngkami akana kam tangiraki, I butingkami ngkai kanga iruwa ngkami ao kanga aomata aika maeka n aki maan n te aonnaba aei, b'a a na aki tauaki aromi n iangoan nanomi aika bubuaka aika aki toki ni buakana te maiu are kam anganaki.

2.Betero 2:15

a kitana te kawai ae eti, ao a tiotio nako, ao a karaoa are e karaoia B'araam are natini Beora, are tangira boon te m'akuri ae kairua are e karaoia;