1.I-Korinto 9:24 - Te B'aib'ara

²⁴ Kam aki ataia b'a mai buakoia aomata ni kabaneia ake a ira te kabo birim'aaka n te tabo ni biri, ao bon ti temanna ae na reke i rouna te kaniwanga? Kam na biri b'a e aonga n reke i roumi.

1.I-Korinto 9:24 ပူးပေါင်းရင်းမြစ်များ

Taian Areru 19:5

E oti nako mani nena n te ingabong, b'a kanga ai aron te m'aane ae kukurei b'a e a tib'a iein, Ke te tia biri ae e ingainga nanona ni kani biri n tain te kabobirim'aka.

Te Minita 9:11

Ao aikai b'aai riki tabeua aika I a tia n noori i aan taai: Aika birim'aaka ao aomata aika a ninikoria a aki tootokanikai n taai nako n te kabobirim'aka ao te buaka. Te wanawana, ni ikotaki ma te niniwana ao te ataib'ai a aki anganiko te marurung n taai nako, te kaub'ai, ke tanoatan taekam. Ti bane n toa n te tekebuaka.

Ieremia 12:5

Ieremia, ngkana ko a kua ni kabo birim'aaka ma aomata, ao ko nang kangaa riki ni kabo birim'aaka ma taian aoti? Ngkana ko b'aka i nanon taabo aika a katawanang, ao tera ngkanne te b'ai ae e na riki nakon te buakonikai are i mataniwiin te Karaanga are te Ioretan?

Otea 12:10

I taetae nakoia burabeti I aki toki n taetae n taian mii. Ma ngaia are, N na kanakoa te burabeti ma rongorongon rokon te kabuanib'ai.

I-Rom 6:16

Kam aki ataia b'a ane kam anga ngkami nakoina b'a ana toro n ongeaba i rouna, ao bon ana toro iai ngkami ngkai kam ongeaba i rouna, b'a tao te bure are e mate te aba iai, ke tao te ongeaba are e reke mai iai kaetan arora n reitaki ma te Atua?

1.I-Korinto 9:13

Kam aki ataiia ake a kakarao taromauri n te um'antabu b'a a karekei kanaia man te um'antabu, ao te koraki ake a karao taromauri n angakarea b'a iai tib'angaia ni baike a kareanaki?

1.I-Korinto 9:23

I bane ni karaoi baikai i bukin te euangkerio, b'a e aonga n reke i rou tib'angau mani kab'aia ake iai.

1.I-Korinto 9:26

Ma ngaia ae I aki biri n aki akaaka, ao I aki itau n ai aron temanna ae orea te akea;

I-Karatia 2:2

I nako b'a tuangau n te kaotioti are roko i rou; ao I tuangiia te euangkerio are I tataekinna i buakoia aomata aika tiaki I-Iutaia; ao I karaoa aei nakoia uake a atoatongaki b'a taani kairiri, ngke ti ngai ma ngaiia, b'a a kaawa ni matebuaka au m'akuri ake I a tia ni karaoi n taai aika nako, ao aika I karaoi ngkai.

I-Karatia 5:7

Kam nako raoi ngkoa; antai ane tukingkami b'a kam na aki ira nanon te koaua?

I-Biribi 2:16

n aromi n taua ni kamatoa taekan te maiu. Ma ngaia ae ngkana e roko ana bong te UEA, ao N na boni kim'areirei iroumi, ngkai e aki matebuaka au kekeiaki ma au m'akuri.

I-Biribi 3:12

I aki taku b'a e a tia n reke i rou are I uaiakinna, ao I aki taku b'a I a kororaoi n te raoiroi. Ma I kakorakorai ni biri b'a I aonga n taua te kaniwanga, b'a ngaia aei bukin are E karikai iai Kristo Iesu b'a ana b'ai.

I-Biribi 3:14

Ma ngaia are I kabirim'aakai nakon te tia b'a n na karekea te kaniwanga, are bon ana weewete te Atua i nanon Iesu nakon te maiu are i karawa.

I-Korote 2:18

Kam na tai kariaia b'a e na baireaki taekami b'a kam aki tau iroun temanna are taku b'a e kakannato riki, i bukina b'a e a tia n nori baika kanga taiani mii, ao are e imanonoa b'ainakin te baka n nanorinano ma taromauriaia anera. Akea manenani kainikatongana i bukina b'a e b'aina te nano n aon te aba,

Ebera 12:1

Ma ngaia ae ngaira, ngkai iai taani kakoaua aika rangi ni bati aika otab'aninira, ao ti na kaki b'aai nako aika katinebuira, ma te bure ae nimnimtira, ao ti na biri ma te nanokorakora n te kabobirim'aka ae kamenaki i m'aira;

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Te Kaotioti 3:11

Ae N na waetata n roko; ko na taua ane i roum, b'a e na aki uota nako am baunuea temanna.