1.I-Korinto 9:21 - Te B'aib'ara

²¹ Ao ngkana I m'akuri i buakoia aomata ake aki tautaekanaki n te tua, ao I riki n ai aroia n aki tautaekanaki n te tua, b'a a aonga n riki b'a Kiritian; ma tiaki nanona b'a aongkoa akea ana tua te Atua i rou, b'a I boni mena i aan ana tua Kristo.

1.I-Korinto 9:21 ပူးပေါင်းရင်းမြစ်များ

Taian Areru 119:32

N na kakorakoraai n tou mwin am Tua, Buokai ni karabaaba riki ootan nanou.

M'akuri 15:28

B'a e tara n tamaroa nakon te Tamnei are Raoiroi, ao nako ira naba b'a ti na aki katokaa riki te uota i aomi ae rawawata, ma ti baikai aika riai:

M'akuri 16:4

Ao ngke a kabuta kaawa nako uakekei, ao a anganiia ekaretia taeka ake a motikaki irouia taan tuatua ma unimm'aane ake a mena i Ierutarem b'a a na tauu.

M'akuri 21:25

Ma ti a tia ni korea ara reta nakoia aomata ake tiaki I-Iutaia, ake a tia n onimaki, ni kaota ara baire b'a a na kawakinia mani kanakin am'arake ake a tia ni kareanaki nakoni bouananti; ao a na kawakinia naba man te kangi raraa, ao mani kanakiia maan aika mate b'a a koonaki roroaia, ao man te wene ni bure.

I-Rom 2:12

B'a ngkai a bati aika bure ao akea te Tua i rouia, ao a na boni mate n akea naba te Tua i rouia; ao ngkai a bati aika bure ao iai te Tua i rouia, ao a na boni baireaki taekaia i aan te Tua.

I-Rom 2:14

B'a aomata aika tiaki I-Iutaia aika akea te Tua i rouia, ngkana a ongeaba nakoni b'anaani mataniwin nanoia n aki ataia ae a ira iai nanon te Tua, ao a kaotiia iai b'a a ata ae a riai ni karaoia ao ae a aki, e ngae ngke akea te Tua i rouia.

I-Rom 7:22

B'a e on nanou n te kukurei n ana Tua te Atua;

I-Rom 7:25

E na katituaraoaki te Atua iroun Iesu Kristo are ara UEA! Ma ngaia ae aio ngkanne arou: b'a I toro iroun ana tua te Atua n nanou, ao rab'atau e toro iroun ana tua te bure.

I-Rom 8:4

B'a e aonga ni karaoaki nanon te Tua iroura ngaira aika ti maiu n aron nanon te Tamnei, ma tiaki n aron nanon te rab'ata.

I-Karatia 3:2

Ti aei te bae I kan ataia mai roumi, Kam anganaki te Tamnei i bukina ngke kam karaoi baika tangiraki n te Tua, ke i bukina ngke kam ongo taekan te euangkerio ao kam kakoauaa?

I-Karatia 6:2

Kam na i buobuoki n uotami nako, ao kam na toua mwin ana tua Kristo iai.

Ebera 8:10

B'a aio te boraraoi ae N na karaoia ma te botannaomata ae Iteraera i nanoni boong aika na roko, bon ana taeka te Uea: N na karin au tua i nanon aia iango, ao N na koroi i nanoia. N na riki b'a Atuaia, ao ngaiia a na riki b'a au aomata.