1.I-Korinto 9:1 - Te B'aib'ara

¹ I aki inaomata? Tiaki te tia tuatua ngai? I tuai nora Iesu are ara UEA? Ao tiaki ngkami kanoani mwin au m'akuri i bukin te UEA?

1.I-Korinto 9:1 ပူးပေါင်းရင်းမြစ်များ

M'akuri 13:2

Ngke a tabe uakai n taromauria te UEA, ma n aki mamatam, ao E taku nakoia te Tamnei are Raoiroi, “Kam na kaokoroa B'arenaba ma Tauro b'a au aomata nakon te m'akuri are I a tia n rineia nako iai b'a a na karaoia.”

M'akuri 14:14

Ngke a ongo taan tuatua ake B'arenaba ma B'auro taekani baike a nang karaoi aomata, ao a raei kunnikaia, ao a biribiri i buakoia aomata n tatakarua,

M'akuri 14:4

E a riki te iraraaure irouia kaain te kaawa arei: a tei tem'angina i bukiia I-Iutaia, ao tem'angina a tei i bukiia taan tuatua.

M'akuri 23:11

Ngke e a bong, ao E tei te UEA i rarikini B'auro ao E taku, “Ko na ninikoria! B'a ngkai ko a tia ni kaotioti i buku i Ierutarem, ao ko na manga karaoia naba i Rom.”

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

M'akuri 9:17

Ao e nako Anania n rin n te auti arei, ao e katokaa baina i aon teuarei, ao e kaangai, “Tauro ae tariu, E kanakomaiai te UEA are Iesu, are kaoti nako im i nanon te kawai, ngke ko nako mai, b'a ko aonga ni manga noraba, ao ni kaonaki n te Tamnei are Raoiroi.”

M'akuri 9:3

E a waaki ngkanne Tauro i aoni kawaina nako Tamateko; ma ngke e a kaan ma te kaawa, ao e rina n oota rarikina nako n te oota mai karawa.

M'akuri 9:5

E kaeka Tauro ao e taku, “Te UEA, antai Ngkoe?” Ao E taku te UEA, “Bon Iesu Ngai ae ko b'ainikirinai,”

I-Rom 1:1

Ngai ae B'auro, ae ana toro Iesu Kristo, ae weteaki b'a te tia tuatua, ao e rineaki i bukin tataekinan ana euangkerio te Atua;

I-Rom 1:5

Boni Ngaia are ti anganaki mai Rouna te kona n riki b'a taan tuatua i bukin arana, b'a a aonga n onimaki ma n ongeaba botannaomata ni kabaneia.

I-Rom 11:13

I taetae nakoimi ngkami aika tiaki I-Iutaia; b'a ngkai aia tia tuatua aomata aika tiaki I-Iutaia ngai, ao N na taua nakoau aei b'a te b'ai ae rangi ni kakawaki i rou.

1.I-Korinto 1:1

Mairouni B'auro, ae I weteaki iroun te Atua b'a ana tia tuatua Iesu Kristo, ao mairoun naba Totene ae raora n onimaki.

1.I-Korinto 10:29

Ae I taekinna, tiaki mataniwin nanom, ma mataniwin nanon teuarei. “B'a bukin tera ngkae e na baireaki aron inaomatau ni mataniwin nanon temanna?

1.I-Korinto 10:30

Ngkana I katituaraoa te Atua i bukini kanau are I kanna, ao bukin tera b'a N na taeka buaka n te am'arake are I katituaraoi iai i bukina?”

1.I-Korinto 11:16

Ma ngkana iai ane kani kauntaeka taekan te baei, ao akea riki ae I kona n taekinna, b'a ti aei: b'a akea riki te katei teuana ae ti ataia ke a ataia ana ekaretia nako te Atua.

1.I-Korinto 3:6

I uniki aroka ngai, ao e teboki Aboro; ma ana b'ai te Atua karikirakeani maiun te aroka.

1.I-Korinto 9:19

B'a e ngae ngke I inaomata b'a akea ae I toro i rouna, ma I karikai b'a te toro ngai nakoia aomata ni kabaneia b'a N na kabatiaia konau.

2.I-Korinto 10:7

Kam babaire man taraan aron teini b'aai. Ngkana e koaua i nanona te aomata b'a ana b'ai Kristo ngaia, ao ke e kauringnga b'a ngkai ana b'ai Kristo ngaia, ao ngaira bon ana b'ai naba Kristo.

2.I-Korinto 11:5

B'a I taku b'a I bon aki mangori riki nakoia te koraki akana kam atongiia b'a “taan tuatua” aika akea n ai aroia!

2.I-Korinto 6:1

Ao ngkai raon te Atua ni m'akuri ngaira, ao ti butingkami b'a kam na aki butim'aea ana akoi te Atua n te aro ae akea bonganana;

I-Karatia 1:1

Ngai ae B'auro, ae te tia tuatua, tiaki mairouia aomata, ao tiaki naba iroun te aomata, ma bon te tia tuatua iroun Iesu Kristo ma te Atua ae te Tama, are E a manga uti Iesu i rouna mai buakoia maate.

I-Karatia 5:1

B'a E kainaomataira Kristo i bukin te aro n inaomata; ma ngaia ae kam na teimatoa, ao kam na tai manga bae i aan te amo n toronaki.

1.I-Tetaronike 2:6

Ti aki ukoukora kamoamoara mairouia aomata, ke mai roumi, ke mairouia tabem'aang.

1.Timoteo 2:7

ao anne bukin ae I rineaki iai b'a te tia katanoataa taekana, te tia tuatua, ao te tia reireiia aomata aika tiaki I-Iutaia taekan te onimaki ma te koaua. I atonga te koaua, I aki kewe.

2.Timoteo 1:11

B'a te euangkerio aei ae I baireaki iai b'a te tia taekinna ngai, ao te tia tuatua ma te tia reirei i bukina;