1.I-Korinto 8:9 - Te B'aib'ara

⁹ Ma kam na tarataraia b'a e na aki riki inaomatami aei b'a te b'ai ni kab'akab'aka nakoia akana mamara n te onimaki.

1.I-Korinto 8:9 ပူးပေါင်းရင်းမြစ်များ

Itaia 35:3

Bon aei te rongorongo nakoia aika a mamaara, aika a ruru, aika a iango n raraoma:

Itaia 57:14

E taku te UEA, “Kaitiaka te kawai! Katauraoia i bukiia au aomata.”

Etekiera 14:3

Etekiera ae natin te aomata, a tia ni manga moana taromauriakiia bouannanti m'aane aikai, e ngae ngke e na manga karekeia n te bure ae e korakora riki. Ma ngaia ae I aki kan taekina te rongorongo nakoia.

Etekiera 44:12

I berita Ngai ae te UEA ae te Atua b'a a na katuaaeaki kanoan Rewi aikai i bukina ngke a buokiia aomata ngke a taromauri taiani bouannanti. A aki katokiia Iteraera mani karaoan te bure,

Nakoaia Ibonga 19:14

Bon te UEA Ngai ae Atuami, ao I tuangngkami b'a kam na tai b'ainigareiia akana a bonotaninga, ke tao ni kab'aka te matakii.

Mataio 18:10

Kam na kawakiningkami b'a kam na aki kakeaa bonganan temanna i buakoia aika uarereke aikai; b'a I taku nako imi, b'a a aki toki aia anera i karawa n rooroko iroun Tamau are i karawa.

I-Rom 15:1

E riai iroura ngaira aika a korakora ara onimaki b'a ti na taotaon nanora nakoia aika a mamara aia onimaki, ao ti na aki iri oin nanora ni karaoa are ti tangiria.

1.I-Korinto 10:24

Ke e na aki iangoia te aomata i bon i rouna n te baere e na karaoia, ma e na iangoia tem'angina.

1.I-Korinto 10:28

Ma ngkana e kangai temanna nako imi, “Aio are e tiringaki b'a te karea,” ao kam na tai kanna i bukin teuare kaotia, ao i bukin naba mataniwin te nano.

1.I-Korinto 10:29

Ae I taekinna, tiaki mataniwin nanom, ma mataniwin nanon teuarei. “B'a bukin tera ngkae e na baireaki aron inaomatau ni mataniwin nanon temanna?

1.I-Korinto 10:32

Tai karaoa te bae e na riki b'a te kanganga nakoia I-Iutaia, ke I-Erene, ke ana ekaretia te Atua;

1.I-Korinto 8:10

B'a ngkana ko noraki, ngkoe ae iai am “atatai”, iroun temanna ae mamara mataniwin nanona b'a ko rarikiriki n am'arake i nanon te tabo are e tataromauriaki iai te bouannanti, ao tiaki e na buokaki iai nanona n noram i rouna b'a e na kang am'arake ake karea nakoni bouannanti?

1.I-Korinto 8:12

N te aro aei ao ko bure iai nakoni Kristo, ngke ko bure nakoia raom n onimaki aika mamara, ao ko urui mataniwin nanoia.

1.I-Korinto 9:22

Ao ngkana I m'akuri i buakoia aika mamara n te onimaki, ao I riki n ai aroia ni mamara, b'a a aonga n riki ni Kristian. I a tia n riki n aekaia aomata nako n aroia nako, ao I karaoi b'aai ni kabane aika I konai, b'a a aonga ni kamaiuaki tem'angina mai buakoia i rou.

2.I-Korinto 11:21

I mamaa n taekinna b'a ti a tia ni mamara nakoni karaoani baikanne; ma ngkana iai te baene e ninikoria iai te aomata, I taetae ni baba!, ao I ninikoria naba ngai.

2.I-Korinto 11:29

Antai ae mamara, ao I aki mamara? Antai ae kab'akaki nakon te bure, ao e aki maraki nanou iai?

2.I-Korinto 6:3

Ti aki kani karika te aro ni kab'akab'aka nakon temanna, b'a e kawa ni kabuakakaki ara m'akuri i bukin te euangkerio.

I-Karatia 5:13

B'a kam weteaki nakon te aro n inaomata, taari; ma kam na tai b'aina te aro n inaomata b'a aonami i bukini baika e tangiri te rab'ata; ma kam na i torotoro iroumi n te tangira.

I-Korote 2:8

Kam na taraia b'a e kawa temanna ni kairingkami n te rabakau n aomata ae akea bongana ae m'am'ana te aba, ae nako man aia taeka n reirei aomata ao mani baika iai m'aakaia n te aonnaba aei, ma tiaki mairouni Kristo;

1.Betero 2:16

Kam na b'aina te maiu n inaomata; ma kam na tai b'aina inaomatami b'a aonami ngkana kam karaoa ae buakaka; ma kam na b'aina te maiu n toro ae maiuia aomata aika tooro iroun te Atua.

2.Betero 2:19

A tuangiia b'a a na inaomata, ma ngaiia bon ana toro te buakaka ae kamamate: b'a e toronaki te aomata iroun ane kataenikaiaki i rouna.

Te Kaotioti 2:14

Ma iai b'aai tabeua aika I riai ni waeiko iai: b'a iai i roum ikekei aika toua mwin ana reirei B'araam, are reireia B'araka b'a e na kaaki te b'ai ni kab'akab'aka i mataia te botannaomata ae Iteraera b'a a aonga ni kang kareani bouananti, ma ni wene ni bure.