1.I-Korinto 8:6 - Te B'aib'ara

⁶ ma bon ti temanna te Atua i roura, ae te Tama, ae a bane n riki b'aai i Rouna, ao ti maiu i bukina; ao ti temanna te UEA b'a Iesu Kristo, are a bane ni karikaki b'aai i Rouna, ao ti maiu i Rouna.

1.I-Korinto 8:6 ပူးပေါင်းရင်းမြစ်များ

Itaia 46:9

Bon ti Ngai te Atua! Bon akea riki atua i rarikiu; bon akea naba n ai arou. Kam na iangoi baika a tia n riki n ririki aika a b'aka nako.

Ieremia 10:6

Ara UEA, ae E korakora ma ni m'aaka bon ti Ngkoe te Atua.

Ieremia 10:7

Bon aia Uea botannaomata nako Ngkoe. A riai n taromauriiko aomata ni kabane. Bon akea riki te aomata ae e wanawana nakoim.

Iona 1:9

Ao e kaeka Iona, “te Ebera ngai, ao I taromauria te UEA ae Atuan karawa, ae E karaoa aonnaba ma marawa.”

Maraki 2:10

Kam aki ataia b'a ti bane n toa ma Atuara kaanga tamara? Tiaki bon ti temanna te Atua ae e karikiira ni kabane? Ao e aera ngkai ti a manga kam'aneia aomata nako n urua Ana boraraoi te Atua ma ami bakatibu?

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Ioane 1:10

E mena te Taeka i aonnaba, ao e karikaki aonnaba i rouna, ma a aki kinaa aomata.

Ioane 1:3

E kariki b'aai ni kabane te Atua i rouna; ao ngke tao akea Ngaia, ao e aki karikaki te b'ai teuana ae karikaki.

Ioane 10:30

Ti temanna Ngai ma te Tama.”

Ioane 13:13

Kam atongai b'a te Tia Reirei ao te Uea; ao e eti ami taeka, b'a boni Ngai.

Ioane 14:20

N te bong arei, ao kam na ataia b'a I mena i nanon Tamau, ao ngkami i nanou, ao Ngai i nanomi.

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

Ioane 20:17

E taku Iesu nakoina, “Tai riingai, b'a I tuai n rierake nakon Tamau; ma ko na nakoia tariu ao ko na atong au taeka aikai nakoia, I rierake nakon Tamau, are Tamami naba, ao Atuau, are Atuami naba.”

M'akuri 17:28

b'a boni Ngaia ae ti maiu i rouna, ti kakam'akuri i rouna, ao iai ngaira i rouna; n ai aron are a kaangai ami tia oto-kuna tabem'aang, “B'a ti riki naba mai Rouna.”

M'akuri 2:36

Ma ngaia ae kam na ataia ni koaua ngkami aika Iteraera ni kabaneingkami b'a E a tia te Atua ni karika Iesu b'a te UEA ao te Kristo.

M'akuri 5:31

E neboia te Atua ni kaaki i rarikina b'a te Mataniwi Ngaia ao te Tia Kamaiu: b'a E aonga n reke nakoia Iteraera aia tai n rairi nanoia ao ni kab'araki aia bure.

I-Rom 11:36

B'a mairoun te Atua b'aai ni kabane; a bane ni karikaki i bukina, ao a na bane ni manga oki nakoina. Ana b'ai te neboaki n aki toki. Amen.

1.I-Korinto 1:2

Nakon ana ekaretia te Atua are i Korinto, ake aomata ni kabaneia ake a kaitiakaki i nanoni Kristo Iesu, ake a rineaki b'a ana aomata te Atua, ma aomata ni kabaneia n taabo nako ake a taromauria ara UEA are Iesu Kristo, are aia UEA ma ngaira.

1.I-Korinto 12:3

Ma ngaia ae I kaotia nako imi, b'a bon akea ae kairaki iroun Tamnein te Atua, ae e kangai, “Ke e reke kain Iesu!” Ao akea ae kona ni kangai, “Te UEA Iesu”, ma ti ngkana e kairaki iroun te Tamnei are Raoiroi.

1.I-Korinto 6:13

Ao temanna e taku, “Te am'arake i bukin te biroto, ao te biroto i bukin te am'arake.” Eng; ma te Atua E na kamaunai ni kauoua. B'a te rab'ata tiaki i bukin te wene ni bure, ma bon i bukin te UEA; ao te UEA i bukin te rab'ata.

1.I-Korinto 8:4

Ma ngaia are i bukini ngkanne kanakin am'arake ake karea nakoni bouannanti, ao aei taekana: ti ataia b'a akea te bouannanti ae maiu i aonnaba, ao bon ti temanna te Atua ni koaua, ao akea riki.

I-Ebeto 1:3

E na karaoiroaki te Atua are Taman ara UEA are Iesu Kristo, are E kakab'aiaira iroun Kristo ni b'aai ni kakab'aia ni kabane ake mai Rouna, ake b'aini karawa.

I-Ebeto 3:14

I bukin aei ao I katorobubua nakon Tamara,

Te Tua-Kaua 4:35

E tangiria te UEA b'a kam na ataia ae bon ti Ngaia te Atua ni koaua, ao E tangiringkami b'a kam na ongotaeka i Rouna. Ao bon anne bukina ngke E kaota nakoimi Ana kakai aika korakora, ao te ai ae uram'aaka i aon te aba, ao anne naba bukina ae kam ongo iai b'anaana man te ai ao mai karawa.

Te Tua-Kaua 4:39

Ma ngaia are, kam na uringnga b'a bon ti te Atua ni koaua te UEA, i eta i karawa, ke i nano i aonnaba.

Te Tua-Kaua 6:4

Kakauongo, Iteraera. Bon ti te Atua ni koaua te UEA ae Atuara.

I-Korote 1:6

are roko i roumi ao i aonnaba ni kabane: ao e kariki uaa ma n riki rake naba i nanomi man te bong are kam ongo taekana iai, ao n ata raoi ana akoi te Atua n arona ni koaua.

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.

Te Kaotioti 1:18

Teuare Maiu Ngai; I mate ngkoa, ao noria, I a manga uti n aki toki, ao bon iai irou kingin te mate ma kingin Eriti.