1.I-Korinto 8:13 - Te B'aib'ara

¹³ Ma ngaia aei, ngkana e na riki te am'arake b'a te b'ai ni kab'akab'aka nakon raou n onimaki, ao N na bon aki manga kang irikomaiu, b'a I kawa n riki b'a te b'ai ni kab'akab'aka nakon tariu.

1.I-Korinto 8:13 ပူးပေါင်းရင်းမြစ်များ

Mataio 17:27

Ma ti aki kani kauniia aomata aikai. Ma ngaia ae ko na nako n te nama, ao tewea nako am ao ma matauna, ao anaa te moa n ika ane teke; ao ngkana ko kaurea wina, ao ane ko na kunea te m'ane iai. Ko na anaia ao anganiia i buku ao i bukim.”

M'akuri 15:20

Ma ti riai ni korea te reta nakoia, n tuangiia b'a a na aki kangi baike a tia ni kareanaki nakoni bouananti b'a a kam'ara; ao b'a a na aki b'aina te wene ni bure, ao a na aki kang irikoni maan aika a koonaki roroaia ngke a tiringaki, ao a na aki kana naba te raraa.

I-Rom 14:13

Ma ngaia ae ti na katoka arora ae te i-kabuakaka, ao ti na karekea ara baire b'a a na akea ae na kaaki te b'ai ni katatata ke ni kab'akab'aka i matan tarina.

I-Rom 14:21

E raoiroi te aki kang iriko ma te aki moi wain, ma aki karaoan te b'ai teuana are e na riki b'a te b'ai ni kab'akab'aka nakon tarim.

1.I-Korinto 10:32

Tai karaoa te bae e na riki b'a te kanganga nakoia I-Iutaia, ke I-Erene, ke ana ekaretia te Atua;

1.I-Korinto 10:33

n ai arou naba ngkai I kakukureia aomata ni kabaneia ni b'aai ni kabane aika I karaoi, n aki ukoukora ae iai manenana nako iu; ma I ukoukora ae iai manenana nakoia aomata aika bati, b'a a aonga ni kamaiuaki.

1.I-Korinto 13:5

e b'aina te aroaro ae riai; e aki ukoukori baika e na kab'aia iai n ti ngaia; e aki kakaiun, ao e aki tautau mwini buure ake a karaoi aomata.

1.I-Korinto 6:12

E taku ana taeka temanna, “Akea tuaau ngkana I karaoi b'aai nako.” Eng; ma a aki bane ni manena i bukim. I kona ni kangai, b'a akea tuaau ngkana I kani karaoi b'aai nako, ma akea te b'ai teuana ae na tautaeka i aou.

1.I-Korinto 9:12

Ngkana iai aia riai tem'angina ni karekei tib'angaia n ami b'ai, ao tiaki e a moamoa riki ara riai ni karekei tib'angara n ami b'ai? Ma e boni ngae n anne, ma ti a tia n aki b'aina arora aei nako imi; ma ti taotaon nanora nakoni b'aai nako b'a ti aonga n aki tutuka kawain Euangkerion Iesu Kristo.

2.I-Korinto 11:29

Antai ae mamara, ao I aki mamara? Antai ae kab'akaki nakon te bure, ao e aki maraki nanou iai?

2.I-Korinto 6:3

Ti aki kani karika te aro ni kab'akab'aka nakon temanna, b'a e kawa ni kabuakakaki ara m'akuri i bukin te euangkerio.