1.I-Korinto 7:5 - Te B'aib'ara

⁵ Akea ae na rawa i roumi ni wene n taanga, ma ti ngkana kam a tia ni boraraoi b'a kam na aki karaoia moa i nanon taina are kam baireia, b'a kam aonga ni kabongana ami tai anne n tatataro iai; ma i mwin anne ao kam bon riai ni manga okiri aromi n reitaki b'a taanga ngkami, b'a kam kawa ni kaririaki iroun Tatan ngkai kam babanga n taotaon nanomi.

1.I-Korinto 7:5 ပူးပေါင်းရင်းမြစ်များ

Te Otinako 19:15

Ao e taku Moote nako ia, “Kam na riai n tauraoi nakon te bong are i mwiin te ingabong, ao kam na aki bootaki ma buumi.”

Te Otinako 21:10

Ngkana arona b'a e a manga mare te mm'aane anne ma te aine temanna, e na bon teimatoa naba ni kaakarekea kanan te aine are e kabooa ma kunnikaina ma ni karaoa aron ae bon te buu ni koaua.

Ioera 2:16

Kakoauaa raoi b'a a na bane aomata n tau nakon taromauriau. Kanakomaia ikawai, ataei, ao taian merimeri, ao kairiia mai naba te taanga aika a tib'a tia ni mare man aia bootaki ni mare.

Tekaria 7:3

Ma ngaia are, a tataro, “Tao ti na tanginiwenei ma n aki mamatam i nanon te kanimaua n nam'akaina, n aron are ti karaoia n ririki aika a b'aka nako?”

Mataio 17:21

Ma a aki oti nako taimonio aika ai aron aei, ma ti n te tataro ma te aki-mamatam.

Mataio 19:11

Ao E taku Iesu nako ia, “Anne te aro ae kona ni karaoaki, ma tiaki irouia aomata nako, b'a ti ake E a tia te Atua ni kataua i bukiia.

Mataio 4:10

E taku ngkanne Iesu nako ina, “Naako akuu, Tatan! B'a e koreaki ae kangai, ‘Ko na taromauria te UEA ae Atuam, ao ko na toro i Rouna n ti Ngaia!’ ”

1.I-Korinto 7:4

B'a e aki tautaeka te aine i aon rab'atana, ma e tautaeka buuna; ao ai aron naba te mm'aane: b'a e aki tautaeka i aon rab'atana, ma e tautaeka buuna.

1.I-Tetaronike 3:5

Ma ngaia arei, ngke I aki kona ni kamaanai riki n taona nanou, ao I kanakoa Timoteo nako imi b'a I aonga n ata aron ami onimaki; b'a I raraoma ngkana tao kam a tia ni kairaki iroun te tia kariri, ao a matebuaka ara m'akuri.