1.I-Korinto 7:35 - Te B'aib'ara

³⁵ I atonga aei b'a e manena i bukimi; ma tiaki nanona b'a I kani karaoi aaro n tutuki nako imi, ngkai I tangiringkami b'a kam na karaoa ae e eti ma n riai, ao kam na toro iroun te Uea n aki tabeaianga.

1.I-Korinto 7:35 ပူးပေါင်းရင်းမြစ်များ

Mataio 19:12

B'a iai aomata ake aki kona n iein i bukina b'a bon rikiia mai nanoni biroton tinaia; ao iai tabem'aang ake a karaoaki irouia aomata b'a a na aki kona n iein; ao tem'angina a kataua te aki iein i bukin Uean te Atua. Ane kona ni butim'aea te koaua aei, ao ke e taua.”

Mataio 22:15

A botaki B'aritaio tabem'aang, ao a iangoa aroni kam'anean Iesu n ana taeka.

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

Ruka 8:14

Ao i bukiia ake a b'aka i buakoni kaai ake a kateketeke, akanne bon te koraki ake a ongo ma a karib'aki n iango n raraoma i bukini b'ain te maiu aei, ma kaub'aina ao kakukureina, ao a aki kaoti uaaia aika raraoi.

1.I-Korinto 7:2

Ma i bukina ngkai e bati te wene ni bure, ao a na bane mm'aane ni karekeia buia, ao a na bane naba aine ni karekeia buia.

1.I-Korinto 7:28

Ma ngkana ko mare, ao ko aki bure iai; ao ngkana e mare te aine ae te ateiaine, ao e aki bure naba iai. Ma e na reke i rouia aika a tia ni mare rawawatan te maiu aei, are I aki tangiria b'a e na reke i rouia.

1.I-Korinto 7:36

Ma ngkana e taku temanna i nanona b'a e aki kona n taona nanona i bukin nanona ae korakora ni kani botaki ma ana kabae, ao e a taku b'a a bon riai ni mareaki, ao ke e karaoa ane tangiria; e aki bure iai; ke a mareaki.

I-Ebeto 5:3

Ma ngkai aomata aika itiaki ngkami, ao e aki riai b'a e na taekinaki b'a iai te wene ni bure, ma te kammaira nako, ma te mataai ni kani b'aib'ai i buakomi;

I-Biribi 4:8

Te kabane ngkanne: taari, kam na ti iaiangoi baika koaua, aika eti ma n itiaki, aika tangiraki ngkai a raraoi, aika baika riai ni kamoamoaki, ngkana iai te raoiroi teutana iai, ao ngkana iai te b'ai ae e kamoamoaki te aba iai.

1.Timoteo 1:10

ao i bukiia taani wene ni bure ma nikiranroro, ma mm'aane aika karaoi m'akuri ni kammaira ma raoia ni mm'aane, ma taan iraeia aomata, ao i bukiia taani kewe ma taan tuea ni kewe, ao i bukini b'aai ni kabane, ngkana tao iai, aika eekaanako te reirei ni koaua,

Tito 2:3

Ao ai aroia naba unaine, ko na taetae n reireiia b'a a na b'aina te maiu ae iai karinean te Atua iai; a na tai winanti, a na tai toronaki n te kamanging; ma a na riki b'a taan reirei baika raraoi: