1.I-Korinto 7:34 - Te B'aib'ara

³⁴ ma ngaia ae e bwenaua nanona. Ao te aine ae aki mareaki, ke te ateiaine, e iangoa ana m'akuri te UEA, i bukina b'a e kan anga rab'atana ma tamneina i bukin te Atua. Ma te aine ae mareaki e iangoi b'ain te aonnaba aei i bukina b'a e kani kakukureia buuna.

1.I-Korinto 7:34 ပူးပေါင်းရင်းမြစ်များ

Ioane 10:13

E biri nako i bukina ngke te aomata ngaia ae kaboaki ana m'akuri, ao akea nanona irouia tiibu.

I-Rom 6:13

ao tai angan te bure b'ain rab'atami, b'a a na kabonganaki i bukini kaantaninga aika buakaka; ma kam na anga ngkami nakon te Atua b'a ai aroia aika maiu mai buakoia maate, ao b'ain rab'atami b'a a na kabonganaki i bukini karaoan te eti.

1.I-Korinto 6:20

B'a kam kaboaki, ao e a tia ni b'aka boomi; kam na neboa te Atua n rab'atami.

1.I-Korinto 7:33

ao te mm'aane ae mareaki e iangoi b'ain te aonnaba aei, i bukina b'a e kani kakukureia buuna;

1.I-Korinto 7:35

I atonga aei b'a e manena i bukimi; ma tiaki nanona b'a I kani karaoi aaro n tutuki nako imi, ngkai I tangiringkami b'a kam na karaoa ae e eti ma n riai, ao kam na toro iroun te Uea n aki tabeaianga.

2.I-Korinto 11:28

Ao raoni b'aai aika I aki kan taekin bon tabeaiangan nanou ae korakora n te bong ae koraki i bukiia taian ekaretia ni kabaneia.

2.I-Korinto 8:16

Ma E na katituaraoaki te Atua, are kaki i nanon Tito te nano ae ti te bo ma nanora i bukini buokami.

I-Biribi 1:20

n ai aron nanou ae korakora ma au kaantaninga b'a N na aki mamaa n te b'ai teuana, ma N na rangi n ninikoria n taetae n ai aron aroarou n taai nako ao ngkai naba, ni kaota neboakini Kristo n rab'atau, tao ni maiu ke ni mateu.

1.I-Tetaronike 5:23

Ao Atuan te raoiroi E na karaoingkami b'a kam na riki n ai arona n aromi nako; ao a na kawakinaki tamneimi, ma maiumi, ma rab'atami, b'a a na aki konaki ni kabuakakaki i matan ara Uea are Iesu Kristo.

1.Timoteo 3:5

B'a ngkana e babanga te aomata n tau aroia kaain oin ana utu, ao e na kanga ni kawakina ana ekaretia te Atua?

1.Timoteo 5:5

Ao te aine ae kananoanga ni koaua, ngkae e mate buna ao e tiku n ti ngaia, e mwiokoa te Atua ni maiuna, ao e botum'aka n tatataro ni bubuti n te bong ao n te ngaina.

Tito 3:8

E koaua te taeka aei. I tangiriko b'a ko na karokoraoa aron taekinani baikai, b'a a aonga akana onimakina te Atua n tarataraia b'a a na kakaraoi m'akuri aika raraoi, aika raoiroi ma ni bongana i bukiia aomata.