1.I-Korinto 7:22 - Te B'aib'ara

²² B'a te toro ae weteaki iroun te UEA, bon ana aomata te UEA, ae e kainaomataki; ao ai aron naba te aomata ae inaomata, ae weteaki, b'a bon ana toro te UEA.

1.I-Korinto 7:22 ပူးပေါင်းရင်းမြစ်များ

Taian Areru 116:16

I neboiko, te UEA; n ai aron are kakaraoia tinau. Ko a tia ni kamaiuai man te mate.

I-Rom 1:1

Ngai ae B'auro, ae ana toro Iesu Kristo, ae weteaki b'a te tia tuatua, ao e rineaki i bukin tataekinan ana euangkerio te Atua;

1.I-Korinto 7:21

Ko weteaki ngke te toro ngkoe? Tai tabe ma arom n toro; ma ngkana iai te anga ae ko na kona iai ni kainaomatako, ao kabongana.

1.I-Korinto 9:19

B'a e ngae ngke I inaomata b'a akea ae I toro i rouna, ma I karikai b'a te toro ngai nakoia aomata ni kabaneia b'a N na kabatiaia konau.

1.I-Korinto 9:21

Ao ngkana I m'akuri i buakoia aomata ake aki tautaekanaki n te tua, ao I riki n ai aroia n aki tautaekanaki n te tua, b'a a aonga n riki b'a Kiritian; ma tiaki nanona b'a aongkoa akea ana tua te Atua i rou, b'a I boni mena i aan ana tua Kristo.

I-Karatia 1:10

B'a I anai nanoia aomata ngkai, ke I anaa nanon te Atua? Ke I ukoukori kakukureiaia aomata? Ngkana I tabe ma kakukureiaia aomata, ao bon tiaki ana toro Kristo ngai.

I-Karatia 5:1

B'a E kainaomataira Kristo i bukin te aro n inaomata; ma ngaia ae kam na teimatoa, ao kam na tai manga bae i aan te amo n toronaki.

I-Karatia 5:13

B'a kam weteaki nakon te aro n inaomata, taari; ma kam na tai b'aina te aro n inaomata b'a aonami i bukini baika e tangiri te rab'ata; ma kam na i torotoro iroumi n te tangira.

I-Korote 4:12

E kamauringkami Eb'abera, ae raomi, ae ana toro Kristo Iesu, ae e aki toki ni kakorakora n tatataro i bukimi b'a kam aonga n ata raoi te bae E tangiringkami iai te Atua b'a kam na karaoia, ao b'a kam na kabanea ni karaoia.

Biremon 1:16

b'a kanga ai tiaki am toro, ma e raka riki arona i aon te toro: bon te tari ae tangiraki, ai moa ra i rou, ma e a moamoa riki nako im n te aro ni maiu i aon te aba ao n reitaki ma te Uea.

1.Betero 2:16

Kam na b'aina te maiu n inaomata; ma kam na tai b'aina inaomatami b'a aonami ngkana kam karaoa ae buakaka; ma kam na b'aina te maiu n toro ae maiuia aomata aika tooro iroun te Atua.

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.

Iuta 1:1

Mairoun Iuta, ae ana toro Iesu Kristo, ae tarin Iakobo, nakoia akana weteaki, akana tangiraki iroun te Atua ae te Tama, akana kawakinaki i bukin Iesu Kristo: