1.I-Korinto 7:2 - Te B'aib'ara

² Ma i bukina ngkai e bati te wene ni bure, ao a na bane mm'aane ni karekeia buia, ao a na bane naba aine ni karekeia buia.

1.I-Korinto 7:2 ပူးပေါင်းရင်းမြစ်များ

Taeka n Rabakau 18:22

Kaub'ain te m'aane ae e rangi ni kakaawaki boni buuna— bon te b'aintituaraoi mairoun te UEA.

Taeka n Rabakau 19:14

Kam na b'aib'ai ni b'aai ni kabane akana kam b'ain mairouia am karo, ma te aine ae e iangoraoi bon te b'aintangira mairoun te UEA.

Maraki 2:14

E aera ngkai e aki kukurei te Atua? I bukina b'a E ataingkami m'aane n tatabemaningkami nako b'a kam aki kakaonimaki nakoia buumi ake kam mare ma ngaiia ma ngke kam rikirake. Kam berita b'a a na riki b'a raomi n taai nako, ma ngkai kam a tia n urua ami berita.

Mataio 5:32

Ma Ngai I taku nako imi, b'a ane kaki buuna, ngkana e tuai ni wene ni bure, ao e a karika neierei b'a te tia wene ni bure ngkana e a manga iein; ao te mm'aane are iein ma neiere kakiaki, ao e wene ni bure naba.

1.I-Korinto 6:18

Kam na biri nako man te wene ni bure. Buure nako aika e karaoi te aomata a mena i tinanikun te rab'ata; ma ane wene ni bure ao e bure nakon oin rab'atana.

1.I-Korinto 7:1

Ti na nori ngkai taekani baike kam koroi nako iu: E raoiroi b'a e na aki wene n taanga te mm'aane ma te aine.

1.I-Korinto 7:3

E riai te mm'aane n angani buuna te baere riai b'a e na anganaki n te aro n taanga, ao ai aron naba te aine nakoni buuna.

1.I-Korinto 7:9

Ma ngkana a babanga n taotaon nanoia, ao a na mareaki; b'a e raoiroi riki ae a mareaki nakon ae a tiku ma nanoia ae kiriwe i bukin tangiran te mm'aane ke te aine.

I-Ebeto 5:28

E riai naba b'a a na tangiriia buia mm'aane n ai aroia n tangiri oin rab'ataia. Ane tangira buna ao e tangira oin rab'atana.

I-Ebeto 5:33

Ma bon taekami naba ni tatabemaningkami: e na tangira buna te mm'aane n ai arona n tangira oin rab'atana; ao e na karinea buna te aine.

1.I-Tetaronike 4:4

kam na atai aromi ngkami mm'aane n tatabemaningkami nako, ni maeka ma buumi n te aro ae itiaki ao n te aro ni karinerine,

1.Timoteo 4:3

a tuangiia aomata b'a a na tai iein, ao a na tai kang am'arake nako, aika E kariki te Atua b'a a na kakanaki ma te katituaraoi irouia aika onimaki ma n ata te koaua.

Tani Motiki-taeka 21:22

Ngkana a ngurengure tamaia ke tariia i bukiia, ao ti na kaangai, Taiaoka n nanoangaiia n anganiia m'aane akekei b'a buuia. A aki tau m'aitiia aine ake ti karekeia i bukiia m'aanen Beniamin n te buaka are i Iabeti. Ao kam na bon aki reke n te maraia n aron ara ti boraraoi iai ngkai kam bon aki kariaia b'a a na iein ma natimi aine.