1.I-Korinto 7:11 - Te B'aib'ara

¹¹ ma ngkana e karaoa anne, ao e riai n tiku n akea buuna, ke e na oki nakoni buuna: ao te mm'aane e na aki kanakoa buuna.

1.I-Korinto 7:11 ပူးပေါင်းရင်းမြစ်များ

Itaia 50:1

E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Ieremia 3:1

E taku te UEA nako ia Iteraera: Ngkana e a manga mare te aine ae e raure ma buuna, e konaa are moan buuna ni manga mare riki ma ngaia? E aki, i bukina b'a e na kabuakaka aon te aba te baei. Ma a bon m'aiti riki antimi ngkami aika Iteraera nakon m'aitin ana tangira ainen mataawa. Ao N na kangaa ni manga kaokingkami?

Mataio 5:32

Ma Ngai I taku nako imi, b'a ane kaki buuna, ngkana e tuai ni wene ni bure, ao e a karika neierei b'a te tia wene ni bure ngkana e a manga iein; ao te mm'aane are iein ma neiere kakiaki, ao e wene ni bure naba.

Mareko 10:12

ao te aine, ngkana e kanakoa buuna ao e iein ma temanna, ao e wene ni bure iai.”

Mareko 10:2

A nako Ina B'aritaio tem'angina ao a kataia ni kam'anea n aia titiraki. A taku, “Iai riaina i aan te tua b'a e na kanakoa buuna te mm'ane?”

Ruka 16:18

Ane raure ma buuna ao e a manga buuna te aine temanna, ao e wene ni bure iai; ao ane buuna neiere raure ma buuna, ao e wene ni bure iai.

1.I-Korinto 7:10

Ma nakoia ake a tia ni mareaki, ao aio au taeka tiaki au taeka b'a ana taeka te UEA: b'a e na tai raure ma buuna te aine;

1.I-Korinto 7:12

Aio ngkanne au taeka nakoia tem'angina i buakomi ma tiaki ana taeka te UEA, b'a ngkana iai i buakomi raomi n onimaki ae buuna te aine ae tiaki te tia onimaki ae kariaia b'a e na tekateka ma teuanne, ao ke e tai kitana neienne.

Te Tua-Kaua 22:19

i bukina b'a e a tia ni kabuakaka buuna n taku b'a e aki roko n ataei. E na angan taman buuna tebubua te m'akoro n tirewa, ao e na aki kariaiakaki ni karaoa te buuraure.