1.I-Korinto 6:9 - Te B'aib'ara

⁹ Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

1.I-Korinto 6:9 ပူးပေါင်းရင်းမြစ်များ

Karikani B'aai 19:5

ao a takaarua nakon Roota n titirakinna ni kaangai, “A nga uake a na matu i rarikim nakon te tairiki? Kanakomaia nakoira.” A tangiria mm'aanen Tootom ni karaobure ma ngaia.

Te Otinako 23:1

Kam na aki kabutanakoa te uarao ke ni buoka te aomata ae buakaka ni kaotioti i bukin ana kewe.

Taeka n Rabakau 11:1

E ribaia aomata nako te UEA aika a b'anganikewe, ma e tangiriia aomata aika a b'ab'aina te koaua.

Taeka n Rabakau 22:8

A reereke n te kangaanga taani kakiriwe, ao a tiotionako i bukin buakakan nanorietaia.

Taeka n Rabakau 7:27

Ana auti bon te kawai teaina ae e kaineti rikaaki nakon aia aonnaba maate.

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Etekiera 18:11

ae e aki kaakaraoia tamana. E kaakang iriko ake ni baangotan te aba, ao e wene ni bure ma buun temanna,

Nakoaia Ibonga 18:20

Ko na tai iein ma te aine ae buun te m'aane temanna; ko na riki n aki itiaki iai.

Nakoaia Ibonga 18:22

E na tai iein te m'aane ma te m'aane; e ribaia te Atua.

Nakoaia Ibonga 19:15

Karaoa te eti n taai nako, e aki akaaka b'a antai ane e motikaki taekana tai i nanonano i bukina b'a tao te aki kaub'ai ke tao te kaub'ai.

Nakoaia Ibonga 20:13

Bon te b'ai ni kamamaa ngkana e wenenibure te m'aane ma raona ni m'aane, akana a karaoia ao a na kamateaki, b'a aei ae a boni kaantaningaia.

Tekaria 5:3

Ao i mwiina, e tuangai ni kaangai: E karokoa te maraia te niira ni boki aei i aoia aomata nako aika i nanon te aba aika a kimoa ke aika a b'anga ni kewe. Ao te koroboki are ni iterana are te iterana, e koreaki iai taekan te urub'ai nakoia aika a kimoa, ao ni iterana are te iterana e koreaki iai taekan te urub'ai nakoia aika a b'anga ni kewe.

Mataio 19:29

Ao ane e a tia ni kitana mwengana, ke tarina, ke m'anena, ke tamana, ke tinana, ke natina, ke abana i buku, ao e na karekei kaka tebubua riki m'aitini baike e a tia ni kitan, ao e na reke i rouna te maiu are aki toki.

Mataio 25:34

Ao ane E na kangai te Uea nakoia ake i angaataina, “Nako mai ngkami akana kam kakab'aiaki iroun Tamau; kam na b'aina Uean te Atua are a tia ni katauraoaki i bukimi mani moani karikan aonnaba:

Ruka 21:8

Ao E kaekaia ni kangai, “Kawakiningkami b'a kam na aki burebureaki; b'a ane a na roko aomata aika bati n arau, ao ane a na kangai, ‘Boni Ngaia ngai!’ Ane a na kangai naba, ‘E a kaan te tai are E na roko iai te Kristo!’ Tai nako n iriia.

M'akuri 20:32

Ao I anga ngkami ngkai nakon te Atua, ao nakon naba ana taeka n akoi, are kona ni kateimatoaingkami ma n anganingkami te kab'aia are E kawakinna i bukiia ake a kaitiakaki ni kabaneia.

M'akuri 24:25

Ao ngke e kakarabakauakina taekan te raoiroi ma te taubaang ma te motiki-taeka are na roko, ao e taonaki n te maku ae bati Berika, ao e taku, “Ko na nako moa ngkai; ao ngkana e reke au tai, ao N na manga weteiko.”

I-Rom 1:18

B'a e kaotaki unin te Atua mai karawa nakoia aomata ake a tia ni kakaraoa te bure, ma te aro n iowawa; ao i bukin aroia aika bubuaka n tukiia aomata man atan te koaua.

1.I-Korinto 15:33

Kam na tai burebureaki. “Aaro n i raorao aika buakaka a uru aroaro aika riai.”

1.I-Korinto 15:50

Ao aio au taeka, taari: e aki kona ni karekea uean te Atua te iriko ma te raraa, ao e aki kona naba ni karekea te aki mka te mka.

1.I-Korinto 3:16

Kam na ataingkami b'a ana um'antabu te Atua ngkami, ao E maeka Tamnein te Atua i nanomi!

1.I-Korinto 5:1

A taku aomata b'a bon iai te wene ni bure i buakomi, ae te aeka ni wene ni bure ae akea n ai arona i buakoia aomata aika tiaki I-Iutaia b'a e buuna buun tamana te aomata.

1.I-Korinto 5:10

I aki nanoniia ikai aomatan te aonnaba aei aika taani wene ni bure, ma taani mataai ni kanib'aib'ai, ma taani babakanikawai, ma taan taromauri bouannanti; b'a ngkana ngaia aei ae I nanonna, ao nanona ngkanne b'a kam na kitana te aonnaba.

1.I-Korinto 5:11

Ma are I nanonna n au koroboki, b'a kam na aki raona te aomata ae atongaki b'a te tia onimaki, ao ngaia bon te tia wene ni bure, ke e mataai ni kanib'aib'ai, ke te tia taromauri bouannanti, ke te tia taetae n iowawa, ke te tia mamanging, ke te tia babakanikawai; kam na tai am'arake naba ma ngaia.

1.I-Korinto 6:10

ma taan iraa, ma akana mataai ni kani b'aib'ai, ma akana b'aina te mamanging, ma taan taetae n iowawa, ma taan anai b'aai n te aro n iowawa. E aki kona n reke uean te Atua irouia aomata aika ai aroia aikai.

1.I-Korinto 6:18

Kam na biri nako man te wene ni bure. Buure nako aika e karaoi te aomata a mena i tinanikun te rab'ata; ma ane wene ni bure ao e bure nakon oin rab'atana.

1.I-Korinto 6:19

Kam aki atai rab'atami b'a ana um'antabu te Tamnei are Raoiroi, are maeka i nanomi, are reke i roumi mairoun te Atua? Ai tiaki ami b'ai ngkami.

1.I-Korinto 9:24

Kam aki ataia b'a mai buakoia aomata ni kabaneia ake a ira te kabo birim'aaka n te tabo ni biri, ao bon ti temanna ae na reke i rouna te kaniwanga? Kam na biri b'a e aonga n reke i roumi.

2.I-Korinto 12:21

Ao I maaku naba, b'a I kawa ngkana I roko riki ao N na karinanoaki iroun Atuau i matami, ao N na katumaua te tang i bukiia te koraki ake a tia ni bure ao a tuai man rairi nanoia man te kammaira, ma te wene ni bure, ma te tam'are.

I-Karatia 6:7

Kam na tai burebureaki; E aki konaaki ni m'am'anaki te Atua: b'a te bae e unikia te aomata, ao e na manga anaa naba uaana.

Te Tua-Kaua 22:22

Kaain Iteraera, ngkana e reke te m'aane temanna ni wenenibure ma buun temanna, ao kam na tiringiia ni kauoman. B'a ngkana kam karaoa anne, ao kam bon kamaunanakoa iai te m'akuri ae buakaka ae a tia ni karaoia i nanon Iteraera.

Te Tua-Kaua 22:5

A na riai aine ni kataia n aki riki b'a taiani m'aane, ao m'aane ana aki kataia naba n riki b'a taian aine. E rangi n ribaia aomata aika karaoi baikanne te UEA ae Atuami.

Te Tua-Kaua 23:17

Kaain Iteraera, bon akea mai buakomi ae na riki b'a ainen matawaan te tembora.

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

Ebera 12:14

Kam na keiaki n raoi ma aomata ni kabaneia, ma n tabui maiumi b'a a na b'ai te Atua; b'a ngkana akea aei ao e aki kona te aomata n nora te Uea.

Ebera 12:16

E na aki riki temanna b'a te tia wene ni bure, ke te tia kam'araai baika tabu aika ana b'ai te Atua, n ai aron Etau are anga nako baika kakawaki n reitaki ma arona ni karimoa i bukin te am'arake ae ti teuana taina ni kanaki.

Ebera 13:4

E na karineaki te mare irouia aomata ni kabaneia, ao a na aki urua aroia ni maiu n taanga te mm'aane ma buuna; b'a te Atua E na motiki taekaia ni kabuakakaia taani wene ni bure ma ainenum'a ke mm'aanenum'a ao taani wene ni bure ma ake akea buia.

Iakobo 1:16

Tariu aika kam tangiraki, a na tai bure ami iango.

1.Ioane 3:7

Ataei aika uarereke, e na tai m'am'anaingkami temanna: b'a ane b'ab'aina te atataiaomata, ao e bon atataiaomata;

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”

Te Kaotioti 22:15

Taani mena i tinanikun te nono bon te koraki aika baba n tangira te kammaira ma te wene ni bure; ao raoia bon taan tabunea, ma taani kamateia aomata, ma taan taromauri bouananti, ma akana tatangira taekinan te kewe ma karaoana naba.

Tani Motiki-taeka 19:22

Ao a rangi ni kukurei n te tairiki arei, ngke a ti roko naba kaain te kaawa arei ni katobibia aia auti ma n ororea mataroan te auti ma n takaarua ni kaangai, “Kaotinakoia aomata akana a roko n am auti n te tairiki aei b'a ti na bure ma ngaiia.”